اسحاق ڈار اور امریکی وزیر خارجہ مارکو روبیو کی ٹیلیفونک گفتگو، تجارتی محصولات اور علاقائی امور پر تبادلہ خیال
اشاعت کی تاریخ: 29th, July 2025 GMT
نائب وزیر اعظم و وزیر خارجہ اسحاق ڈار نے پیر کی شب امریکی وزیر خارجہ مارکو روبیو سے ٹیلیفون پر گفتگو کی، جس میں باہمی دلچسپی کے اہم امور، خصوصاً تجارتی محصولات پر بات چیت کی گئی۔
ترجمان دفتر خارجہ کے مطابق یہ گفتگو گزشتہ جمعہ کو واشنگٹن میں دونوں رہنماؤں کے درمیان ہونے والی ملاقات کے تسلسل میں ہوئی، جس میں دوطرفہ معاشی تعاون کو فروغ دینے کے لیے محصولات کے معاملات پر تفصیلی تبادلہ خیال کیا گیا۔
Deputy Prime Minister/Foreign Minister, Senator Mohammad Ishaq Dar @MIshaqDar50, spoke to the U.
Following up on their productive meeting last Friday in Washington D.C., they discussed key bilateral matters,… pic.twitter.com/HDNX275NYe
— Ministry of Foreign Affairs – Pakistan (@ForeignOfficePk) July 28, 2025
گفتگو میں علاقائی و عالمی معاملات پر بھی بات چیت کی گئی، جس سے ظاہر ہوتا ہے کہ پاکستان اور امریکا کے درمیان تعاون کا دائرہ مسلسل وسیع ہو رہا ہے۔
مزید پڑھیں: اسحاق ڈار اور مصری وزیر خارجہ کی ملاقات، فلسطینیوں کی حمایت جاری رکھنے پر اتفاق
اس سے قبل اسحاق ڈار اور مارکو روبیو کے درمیان واشنگٹن میں پہلی باضابطہ ملاقات ہوئی تھی، جس میں 2 طرفہ تعلقات کو وسعت دینے، تجارت، سرمایہ کاری، زراعت، ٹیکنالوجی، اور معدنیات جیسے شعبوں میں تعاون پر بات کی گئی تھی۔
دونوں رہنماؤں نے پاکستان امریکا تجارتی مذاکرات میں پیشرفت کا جائزہ لیتے ہوئے مستقبل کے لیے امید ظاہر کی۔ اسحاق ڈار نے امریکی سرمایہ کاروں کے لیے پاکستان کو ایک پرکشش منزل قرار دیا۔
علاقائی سلامتی کے حوالے سے انسداد دہشتگردی تعاون اور امن کے فروغ کی کوششوں پر بھی بات چیت ہوئی۔ اس موقع پر اسحاق ڈار نے صدر ڈونلڈ ٹرمپ اور امریکی قیادت کی عالمی امن کے لیے کوششوں، خصوصاً پاکستان بھارت حالیہ کشیدگی میں صدر ٹرمپ کے کردار کو سراہا۔
مزید پڑھیں: پاکستان امریکا تعلقات کو پاک چین دوستی کے تناظر میں نہ دیکھا جائے، اسحاق ڈار
مارکو روبیو نے دہشتگردی کے خلاف جنگ میں پاکستان کی قربانیوں کو تسلیم کرتے ہوئے خطے اور دنیا میں امن کے لیے پاکستان کے مثبت کردار کی تعریف کی۔ دونوں رہنماؤں نے پاکستانی نژاد امریکی برادری کے دو طرفہ تعلقات میں پُل کا کردار ادا کرنے پر بھی اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار امریکی وزیر خارجہ مارکو روبیو پاکستان امریکا تجارتی مذاکرات واشنگٹن
ذریعہ
ذریعہ: WE News
کلیدی لفظ: اسحاق ڈار امریکی وزیر خارجہ مارکو روبیو پاکستان امریکا تجارتی مذاکرات واشنگٹن مارکو روبیو اسحاق ڈار کے لیے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی