پی ٹی آئی کے نااہل اراکین اور میاں اظہر کی نشستوں پر ضمنی انتخابات کا شیڈول جاری
اشاعت کی تاریخ: 29th, July 2025 GMT
الیکشن کمیشن آف پاکستان (ای سی پی) نے تحریک انصاف کے اراکین کی نااہلی کے بعد خالی ہونے والی نشستوں پر ضمنی انتخابات کا شیڈول جاری کردیا۔
ایکسپریس نیوز کے مطابق الیکشن کمیشن این اے 66 وزیر آباد، پی پی 87 میانوالی اور سینیٹر اعجاز چوہدری کی نااہلی کے بعد خالی ہونے والی نشستوں پر ضمنی الیکشن کا شیڈول جاری کیا ہے۔
اس کے علاوہ حماد اظہر کے والد میاں اظہر کے انتقال کے بعد خالی ہونے والی قومی اسمبلی کی نشست این اے 129 لاہور میں ضمنی انتخاب کا شیڈیول بھی جاری کیا گیا ہے۔
الیکشن کمیشن کی جانب سے جاری شیڈول کے مطابق تینوں حلقوں میں پولنگ 18 ستمبر کو ہوگی۔ اعلامیے میں بتایا گیا ہے کہ این اے 66 اور پی پی 87 ایم این اے محمد احمد چٹھا اور ایم پی اے احمد خان بچھر کی نااہلی پر خالی ہوئیں۔
اس کے علاوہ قومی اسمبلی کی نشست این اے 129 لاہور کی نشست میاں اظہر کے انتقال کے باعث خالی ہوئی تھی۔
شیڈول کے مطابق امیدوار کاغذات نامزدگی چار سے چھ اگست تک جمع کراسکیں گے جس پر 11 اگست تک جانچ پڑتال کی جائے گی اور پھر 26 اگست کو نشانات الاٹ کیے جائیں گے۔
الیکشن کمیشن نے سینیٹر اعجاز چوہدری کی نااہلی سے خالی سینیٹ کی نشست پر ضمنی انتخاب کا شیڈول جاری کردیا۔
جس کے مطابق پنجاب سے سینیٹ کی نشست پر ضمنی انتخاب کے لیے پولنگ21 اگست کو ہو گی۔ جبکہ کاغذات نامزدگی یکم سے دو اگست تک جمع کروائے جا سکیں گے اور ان کی جانچ پڑتال 5 اگست کو ہوگی۔
اس کے بعد امیدوار کاغذات نامزدگی 13 اگست تک واپس لیے جا سکیں گے، سینیٹ کی نشست پر پولنگ 21 اگست کو صبح نو بجے سے شام چار بجے تک پنجاب اسمبلی کی عمارت میں ہوگی۔
.
ذریعہ: Express News
کلیدی لفظ: کا شیڈول جاری الیکشن کمیشن کی نااہلی کے مطابق کی نشست اگست تک اگست کو کے بعد
پڑھیں:
الیکشن کمیشن نے انٹرا پارٹی الیکشنز نہ کرانے پر 3 سیاسی جماعتوں کو نوٹس جاری کر دیئے
اسلام آباد(این این آئی)الیکشن کمیشن آف پاکستان نے 3 سیاسی جماعتوں کو انٹرا پارٹی الیکشنز نہ کرانے پر نوٹس جاری کردیا.الیکشن کمیشن آف پاکستان کی جانب سے نیشنل فرنٹ پاکستان، عام لوگ اتحاد اور پاکستان ہیومن پارٹی کو نوٹسز جاری کیے گئے۔الیکشن کمیشن نے کہا کہ تینوں جماعتوں کے خلاف سماعت 4 نومبر کو ہوگی، تینوں جماعتوں کے خلاف کیس الیکشن کمیشن کی کانفیڈنشل ونگ نے بنایا۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں