اعجاز چوہدری کی نااہلی کے باعث سینیٹ کی خالی نشست پر الیکشن کا شیڈول جاری
اشاعت کی تاریخ: 29th, July 2025 GMT
اعجاز چوہدری—فائل فوٹو
الیکشن کمیشن آف پاکستان نے پی ٹی آئی رہنما اعجاز چوہدری کی نااہلی کے باعث سینیٹ کی خالی نشست پر الیکشن کا شیڈول جاری کر دیا۔
الیکشن کمیشن کے شیڈول کے مطابق اعجاز چوہدری کی نااہلی سے خالی پنجاب سے سینیٹ کی نشست پر الیکشن 21 اگست کو ہو گا۔
یہ بھی پڑھیے الیکشن کمیشن نے پی ٹی آئی کے سینیٹر اعجاز چوہدری کی نااہلی کا نوٹیفکیشن جاری کردیاجاری شیڈول کے مطابق کاغذاتِ نامزدگی یکم سے 2 اگست تک جمع کرائے جا سکیں گے، کاغذاتِ نامزدگی کی جانچ پڑتال 5 اگست کو ہو گی۔
الیکشن کمیشن کے شیڈول میں بتایا گیا ہے کہ ٹربیونلز اپیلوں پر فیصلہ 11 اگست تک کیا جائے گا، کاغذاتِ نامزدگی 13 اگست تک واپس لیے جا سکیں گے۔
شیڈول کے مطابق پولنگ 21 اگست کی صبح 9 سے شام 4 بجے تک پنجاب اسمبلی کی عمارت میں ہو گی۔
واضح رہے کہ اعجاز چوہدری جنرل نشست پر پنجاب سے سینیٹ کے رکن تھے۔
.ذریعہ: Jang News
کلیدی لفظ: الیکشن کمیشن
پڑھیں:
قومی اسمبلی کے 2، پنجاب اسمبلی کے 1 حلقے میں ضمنی انتخاب کا شیڈول جاری
—فائل فوٹوالیکشن کمیشن آف پاکستان نے قومی اسمبلی کے 2 اور پنجاب اسمبلی کے 1 حلقے میں ضمنی انتخاب کا شیڈول جاری کر دیا۔
الیکشن کمیشن کی جانب سے این اے 66 وزیر آباد، این اے 129 لاہور اور پی پی 87 میانوالی میں ضمنی الیکشن کا شیڈول جاری کیا گیا ہے۔
جاری کیے گئے شیڈول کے مطابق تینوں حلقوں میں پولنگ 18 ستمبر کو ہو گی، این اے 66 محمد احمد چٹھہ اور پی پی 87 ایم پی اے احمد خان بھچر کے نااہل ہونے پر خالی ہوئی ہے۔
اسلام آباد، لاہور الیکشن کمیشن نے 9مئی کیسز میں...
حلقہ این اے 129 لاہور کی سیٹ میاں اظہر کے انتقال کے باعث خالی ہوئی ہے۔
الیکشن کمیشن کے شیڈول کے مطابق کاغذاتِ نامزدگی 4 سے 6 اگست تک جمع کرائے جا سکیں گے، کاغذاتِ نامزدگی کی جانچ پڑتال کی آخری تاریخ 11 اگست ہے۔
شیڈول کے مطابق ٹریبونلز اپیلوں پر فیصلہ 22 اگست تک کریں گے، کاغذاتِ نامزدگی 25 اگست تک واپس لیے جا سکیں گے، جبکہ امیدواروں کو انتخابی نشان 26 اگست کو دیا جائے گا۔
امیر البحر سے سربراہ سعودی بحریہ کی ملاقات، دفاعی تعلقات مضبوط بنانے کا عزم