’ہاتھ جوڑ کر معافی مانگتا ہوں میں نے جھوٹ بولا‘، عامر خان نے ایسا کیوں کہا؟
اشاعت کی تاریخ: 30th, July 2025 GMT
بالی ووڈ اداکار عامر خان نے ممبئی میں ایک پریس کانفرنس کے دوران اعلان کیا کہ ان کی نئی فلم ’ستارے زمین پر‘ او ٹی ٹی پلیٹ فارمز پر ریلیز نہیں کی جائے گی بلکہ براہِ راست یوٹیوب پر دستیاب ہوگی۔
پریس کانفرنس میں انہوں نے اس بات کی تصدیق کی کہ فلم کی یوٹیوب ریلیز سے متعلق چہ مگوئیاں درست تھیں۔ انہوں نے تسلیم کیا کہ تھیٹر ریلیز کے دوران انہوں نے جان بوجھ کر فلم کی ڈیجیٹل ریلیز سے متعلق غلط بیانی کی تھی۔
یہ بھی پڑھیں: پولیس کی بھاری نفری اداکار عامر خان کے گھر کیوں پہنچی؟ وجہ سامنے آگئی
عامر نے وضاحت کرتے ہوئے کہا کہ انہوں نے ایسا فلم کے سینما بزنس کو تحفظ دینے کے لیے کیا، کیونکہ وہ سنیما اور تھیٹر کلچر کے وفادار ہیں۔ جب ان سے پوچھا گیا کہ کیا وہ پہلے سے جانتے تھے کہ فلم یوٹیوب پر آئے گی، تو انہوں نے صاف الفاظ میں کہا میں ہاتھ جوڑ کر معافی مانگتا ہوں۔ میں نے جھوٹ بولا کہ ’ستارے زمین پر‘ یوٹیوب پر نہیں آئے گی۔ میرے پاس اور کوئی راستہ نہیں تھا۔ اگر میں سچ بول دیتا تو میرے خواب وہیں ختم ہو جاتے۔ میں ہمیشہ اپنی فلموں کے تھیٹر بزنس کو بچانے کی کوشش کرتا ہوں۔
عامر نے سبسکرپشن ماڈل پر تنقید کرتے ہوئے کہا کہ پے-پر-ویو اور سبسکرپشن ماڈلز میں بڑا فرق ہے۔ آٹھ ہفتے بعد جب فلم کسی سبسکرپشن پلیٹ فارم پر آتی ہے، تو لوگ فلم کو خرید نہیں رہے ہوتے، بلکہ پلیٹ فارم کو سبسکرائب کر رہے ہوتے ہیں۔ اس سے فلم کی قدر کم ہو جاتی ہے۔
یہ بھی پڑھیں: عامر خان کی فلم ’ستارے زمین پر‘ کی منفرد ریلیز پالیسی سامنے آ گئی
پریس کانفرنس کے بعد انہوں نے میڈیا سے بات کرتے ہوئے یہ بھی کہا کہ او ٹی ٹی پلیٹ فارمز صرف بڑی اسٹار پاور والی فلمیں خریدتے ہیں، باقی فلمسازوں کے لیے راستے بند ہو جاتے ہیں۔ اسی سلسلے میں انہوں نے اپنے پے-پر-ویو ماڈل کو فروغ دینے کی بات کی۔ یاد رہے کہ فلم کی ریلیز سے پہلے عامر خان نے دعویٰ کیا تھا کہ یہ کم از کم چھ ماہ تک کسی پلیٹ فارم پر دستیاب نہیں ہوگی۔
ستارے زمین پر یکم اگست کو یوٹیوب پر ریلیز ہوگی، یعنی تھیٹر ریلیز کے چھ ہفتے بعد، اور یہ بھارتی 100 روپے میں دستیاب ہوگی۔ عامر خان کا منصوبہ ہے کہ وہ اپنی پروڈکشن ہاؤس، عامر خان پروڈکشنز کے تحت بنائی گئی ہر فلم یوٹیوب پر ریلیز کریں گے، جن میں شامل ہیں جن میں لگان، تارے زمین پراور پیپلی لائیو شامل ہیں۔ وہ اپنے والد، مرحوم فلم ساز طاہر حسین کی فلمیں بھی اسی پلیٹ فارم پر اپلوڈ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ ستارے زمین پر عامر خان.ذریعہ: WE News
کلیدی لفظ: بالی ووڈ ستارے زمین پر ستارے زمین پر یوٹیوب پر پلیٹ فارم انہوں نے فلم کی
پڑھیں:
سلمان خان اداکار سونو سود سے کیوں جلتے تھے؟فلم دبنگ کے ہدایتکار کا حیران کن انکشاف
بھارتی فلمساز ابھینو کشیپ جنہوں نے بالی ووڈ میں اپنے کیریئر کا آغاز فلم دبنگ سے کیا، نے ایک حالیہ انٹرویو میں انکشاف کیا ہے کہ چُلبُل پانڈے کے کردار کے لیے سلمان خان نہیں بلکہ رندیپ ہودا ان کی پہلی پسند تھے لیکن سہیل خان نے انہیں مسترد کر دیا تھا۔
ابھینو کشیپ نے بتایا کہ انہوں نے ارباز خان کو فلم کی کہانی صرف پندرہ منٹ میں سنائی۔ ارباز خود چُلبُل پانڈے کا کردار ادا کرنا چاہتے تھے اور ابھینو کو منانے کی کوشش کی، لیکن ہدایتکار نے محسوس کیا کہ ارباز معاون کردار کے لیے زیادہ موزوں ہوں گے۔ اس پر ارباز نے شرط رکھی کہ اگر وہ فلم پروڈیوس کریں تو وہ اس میں کام کریں گے، اور ابھینو نے اس شرط کو قبول کر لیا۔ اس کے بعد ارباز نے کہا کہ کہانی اپنے بھائی سہیل خان کو بھی سناؤ۔
یہ بھی پڑھیں: اپنی شادی پر سلمان خان سے یہ توقع نہ تھی، اداکارہ بھاگیاشری کا انکشاف
انہوں نے یاد کیا کہ سہیل کو بھی اسکرپٹ پسند آیا اور انہوں نے پوچھا کہ ہیرو کے لیے کس کو کاسٹ کرنا چاہتے ہیں؟ جب ابھینو نے رندیپ ہودا کا نام لیا تو سہیل خان نے جواب دیا ’نہیں یار رندیپ ہودا کا کیا مارکیٹ ہے، کون پیسے لگائے گا؟ کوئی بڑا ہیرو سوچو‘۔
فلمساز کا مزید کہنا تھا کہ انہوں نے سنجے دت اور سنی دیول کے نام لیے اور کہا کہ سلمان خان کی باڈی بھی اچھی ہے اگر وہ یہ ٹَف رول کر پائیں، کیونکہ ان کی ایک ’چِچھورا‘ امیج تھی، یعنی ان کی چھاپ ایک آوارہ قسم کے کردار کی تھی۔
یہ بھی پڑھیں: ’میں 3 بڑی بیماریوں سے لڑ رہا ہوں‘، بالی ووڈ اداکار سلمان خان کے انکشافات
ابھینو کے مطابق جیسے ہی سلمان خان کا نام آیا سہیل اور ارباز دونوں نے کہا کہ اگر سلمان خان کو کہانی پسند آئی تو وہ فلم پروڈیوس کریں گے۔ بعد میں فلم ویر کے سیٹ پر سلمان خان کو کہانی سنائی گئی اور خان برادران نے ابھینو کو سائن کرنے کے لیے دس لاکھ روپے کا چیک دیا۔ انہوں نے مزید بتایا کہ سوناکشی سنہا کی کاسٹنگ ان کا فیصلہ نہیں تھا مگر آخر کار وہ ان کی کارکردگی سے خوش ہوئے۔
ابھینو نے بتایا کہ جب ولن کے کردار پر بات ہوئی تو انہوں نے سونو سود کا نام تجویز کیا۔ ان کا کہنا تھا کہ سونو میرا پرانا دوست تھا، میں نے ہی اسے مَنی رتنم کی فلم یُووا میں کام دلانے میں مدد کی تھی۔ میں چاہتا تھا کہ ولن ایسا ہو جو سلمان سے زیادہ مضبوط دکھے اور سونو کی فزیک اچھی تھی۔ لیکن سلمان کو وہ پسند نہیں آیا۔ وہ سونو کی باڈی دیکھ کر تھوڑا ان سیکیور ہو گیا۔
یہ بھی پڑھیں: ’پارٹنر‘ کی شوٹنگ کے دوران سلمان خان اور گووندا ایک دوسرے سے خوفزدہ کیوں تھے؟ دیپشیکھا ناگپال کا انکشاف
انہوں نے مزید انکشاف کیا کہ اس موقع پر کترینہ کیف نے مدد کی جو ان دنوں سلمان کے قریب تھیں۔ کترینہ نے سونو سود کو کاسٹ کرنے کے حق میں بات کی جس کے بعد سلمان خان بھی مان گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان سوناکشی سنہا سونو سود فلم دبنگ
شراب و اسلحہ برآمدگی کیس: وزیراعلیٰ علی امین گنڈاپور کے وارنٹ گرفتاری جاری