دہلی کی مشہور ’مکھن ملائی‘ پر چوہے کا ’خصوصی گشت‘، ویڈیو وائرل
اشاعت کی تاریخ: 1st, August 2025 GMT
بھارت میں کھانے پینے کی اشیاء کی صفائی ستھرائی کے ناقص انتظامات سے متعلق ویڈیوز اکثر سوشل میڈیا پر وائرل ہوتی رہتی ہیں۔ بازاروں، ڈھابوں اور گلی محلوں میں فروخت ہونے والے کھانوں میں حفظان صحت کے اصولوں کی خلاف ورزی عام ہے۔
عوامی مقامات پر تیار کیے جانے والے کھانوں میں استعمال ہونے والے برتن، پانی اور اجزاء کی حالت اکثر غیر معیاری ہوتی ہے، اور کئی مرتبہ ان میں مضرِ صحت اشیاء شامل ہونے کے شواہد بھی سامنے آ چکے ہیں۔
حال ہی میں سوشل میڈیا پر ایک ویڈیو وائرل ہوئی ہے جس میں بھارت کی ایک مشہور دکان پر ’مکھن ملائی‘ تیار کی جا رہی ہے۔ ویڈیو میں دیکھا جا سکتا ہے کہ کھانے کی تیاری کے دوران ایک چوہا ملائی کے اوپر سے گزر رہا ہے، جسے کھانا بنانے والا شخص ہاتھ سے ہٹانے کی کوشش کرتا ہے۔
انڈیا کے شہر دہلی کی سب سے مشہور "مکھن ملائی".
— Ather Salem® (@AthSa01) August 1, 2025
بعد ازاں ویڈیو میں ایک شخص کو وہی ملائی کھاتے ہوئے دکھایا گیا ہے جس پر چوہا گزرا تھا۔ یہ منظر دیکھ کر سوشل میڈیا صارفین نے شدید ردعمل ظاہر کیا۔
ایک صارف نے ویڈیو شیئر کرتے ہوئے لکھا کہ انڈیا کے شہر دہلی کی سب سے مشہور ’مکھن ملائی‘ دیکھیں کتنی صفائی ہے اور کتنے خوبصورت طریقے سے بنائی جاتی ہے جبکہ کئی صارفین نے صفائی کے ناقص انتظامات پر سوالات اٹھائے۔
واضح رہے کہ انڈیا کے متعدد ہوٹلوں میں گندگی معمول بن گئی ہے، سوشل میڈیا پر آئے روز ایسی ویڈیوز گردش کرتی رہتی ہیں جس میں کبھی کھانے پینے والی اشیا کے ساتھ منفرد تجربات کیے جاتے ہیں تو کبھی عجیب و غریب پکوان سوشل میڈیا کی زینت بنتے ہیں جیسے پیپسی والی چائے، مرچوں سے بنا حلوہ اور آئس کریم پکوڑہ وغیرہ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین کھانے بھارت میں صفائی بھارتی کھانے کھانے پر چوہا مکھن ملائیذریعہ: WE News
کلیدی لفظ: انڈین کھانے بھارت میں صفائی بھارتی کھانے مکھن ملائی
پڑھیں:
کترینہ کیف کی نجی تصاویر وائرل، مداح برس پڑے
بالی ووڈ کی معروف اداکارہ کترینہ کیف ایک بار پھر خبروں کی زینت بن گئیں جب ان کی مبینہ طور پر حاملہ ہونے کی تصاویر سوشل میڈیا پر وائرل ہوگئیں۔
بھارتی میڈیا رپورٹس کے مطابق ایک آن لائن میڈیا پورٹل نے اداکارہ کترینہ کیف کی چند نجی تصاویر شیئر کی ہیں، جو مبینہ طور پر ان کے ممبئی کے اپارٹمنٹ کی بالکونی میں لی گئی ہیں۔
ان تصاویر میں کترینہ کیف کو ڈھیلے کپڑوں میں دیکھا جا سکتا ہے، جس پر قیاس آرائیاں کی جا رہی ہیں کہ وہ اس وقت تین ماہ کی حاملہ ہیں۔
کترینہ کیف کی نجی تصاویر کے وائرل ہونے پر سوشل میڈیا صارفین نے حیرت کا اظہار کیا اور ان کی پرائیویسی کی خلاف ورزی پر شدید ردِعمل دیا۔ متعدد صارفین نے میڈیا پلیٹ فارمز سے مطالبہ کیا کہ ایسی ذاتی نوعیت کی تصاویر شیئر کرنے والوں کے خلاف قانونی کارروائی کی جائے۔
اداکارہ سوناکشی سنہا نے بھی اس تصویر کے وائرل ہونے پر شدید برہمی کا اظہار کیا۔
یاد رہے کہ کترینہ کیف اور اداکار وکی کوشل حال ہی میں انسٹاگرام پر ایک پوسٹ کے ذریعے مداحوں کو خوشخبری سناتے ہوئے تصدیق کی تھی کہ ان کے ہاں جلد ننھے مہمان کی آمد متوقع ہے۔
ترکیہ برطانیہ سے 20 یورو فائٹر طیارے خریدے گا، معاہدے طے