ایف آئی اے کی غیر قانونی کرنسی ایکسچینج کے خلاف بڑی کارروائی، کروڑوں کی غیر ملکی کرنسی برآمد
اشاعت کی تاریخ: 1st, August 2025 GMT
ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج کے خلاف ملک بھر میں کریک ڈاؤن جاری ہے۔ اسی سلسلے میں ایف آئی اے بلوچستان زون نے ایک بڑی کارروائی کرتے ہوئے چمن سے غیر قانونی کرنسی ایکسچینج میں ملوث اہم ملزم کو گرفتار کر لیا۔
ترجمان ایف آئی اے کے مطابق، ایف آئی اے کمپوزٹ سرکل چمن نے کارروائی کے دوران ملزم عبدالعہد کو گرفتار کیا، جس کے قبضے سے بھاری مقدار میں غیر ملکی کرنسی برآمد ہوئی۔
یہ بھی پڑھیے ایف آئی اے نوجوانوں کی پروفائلنگ کیوں کر رہی ہے؟
برآمد شدہ کرنسی کی تفصیلات3 لاکھ سعودی ریال
2,900 امریکی ڈالر
ترجمان کے مطابق، برآمد ہونے والی غیر ملکی کرنسی کی مجموعی مالیت پاکستانی روپوں میں 2 کروڑ 34 لاکھ روپے سے زائد بنتی ہے۔
شواہد اور تفتیشکارروائی کے دوران غیر قانونی کرنسی ایکسچینج سے متعلق شواہد بھی حاصل کیے گئے ہیں۔ حکام کا کہنا ہے کہ ملزم عبدالعہد برآمد شدہ کرنسی کی بابت کوئی تسلی بخش وضاحت فراہم نہ کر سکا۔
ایف آئی اے نے ملزم کے خلاف مقدمہ درج کرتے ہوئے مزید تفتیش کا آغاز کر دیا ہے، جس میں اس بات کی چھان بین کی جا رہی ہے کہ آیا ملزم کسی بڑے حوالہ ہنڈی نیٹ ورک کا حصہ ہے یا کرنسی اسمگلنگ میں ملوث دیگر افراد سے روابط رکھتا ہے۔
یہ بھی پڑھیے ڈائریکٹر ایف آئی اے کی تذلیل کرنے کی نیت نہیں تھی، اداکارہ نادیہ حسین
ایف آئی اے کی جانب سے حوالہ ہنڈی، منی لانڈرنگ، اور غیر قانونی کرنسی لین دین کے خلاف جاری یہ مہم ملک کی معیشت کو غیر قانونی ذرائع سے نقصان پہنچانے والوں کے خلاف ایک مؤثر اقدام قرار دی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف آئی اے چمن حوالہ غیر قانونی کرنسی ایکسچینج ہنڈی.ذریعہ: WE News
کلیدی لفظ: ایف ا ئی اے حوالہ غیر قانونی کرنسی ایکسچینج ہنڈی غیر قانونی کرنسی ایکسچینج ایف آئی اے کے خلاف
پڑھیں:
کراچی ایئرپورٹ پر مسافر سے آلہ موسیقی میں چھپائی گئی 490 گرام افیون برآمد
کراچی:ایئرپورٹس سیکورٹی فورس نے کراچی ایئرپورٹ پر کارروائی کرتے ہوئے دوحہ جانے والی پرواز کے ایک مسافر سے 490 گرام افیون برآمد کر لی۔
اے ایس ایف حکام کے مطابق مشیات بینجو (آلہ موسیقی) میں مہارت سے چھپائی گئی تھی۔
اے ایس ایف کے تربیت یافتہ عملے نے فوری اور مؤثر کارروائی کرتے ہوئے منشیات کی اسمگلنگ کی کوشش ناکام بنا دی۔
ابتدائی تفتیش کے بعد ملزم کو مزید قانونی کارروائی کے لیے اے این ایف کے حوالے کر دیا گیا۔
غزہ کو بھوکا مارنے کا منصوبہ، مجرم کون ہے؟