عمران خان کے بیٹوں کی پاکستان آمد میں رکاوٹ، علیمہ خان نے سفارتی رویے پر سوال اٹھا دیے
اشاعت کی تاریخ: 2nd, August 2025 GMT
پاکستان تحریک انصاف کے بانی عمران خان کی ہمشیرہ علیمہ خان نے انکشاف کیا ہے کہ عمران خان کے بیٹوں نے پاکستان آمد کے لیے نائیکوپ اور ویزے کی درخواستیں جمع کرائی ہیں، لیکن پاکستانی سفارتخانے کی جانب سے ان درخواستوں پر کسی قسم کی کارروائی نہیں کی گئی۔
راولپنڈی کی اڈیالہ جیل کے باہر صحافیوں سے گفتگو کرتے ہوئے علیمہ خان نے بتایا کہ عمران خان کے بچوں کے پاس قومی شناختی کارڈ برائے تارکین وطن (نائیکوپ) موجود تھا، جو بعد ازاں گم ہو گیا۔ ان کے مطابق نئی درخواستیں جمع کروائی گئیں اور ان کے پاس ان کا ٹریکنگ نمبر بھی موجود ہے۔ اس کے باوجود سفارتخانے کا دعویٰ ہے کہ انہیں کوئی درخواست موصول نہیں ہوئی۔
انہوں نے مزید بتایا کہ جب ان کے ایک دوست نے پاکستانی سفیر سے رابطہ کیا تو سفیر نے کہا کہ ویزا کے لیے وزارت داخلہ کی اجازت درکار ہے۔ علیمہ خان کے بقول انہوں نے واضح کیا کہ اگر اجازت لینی ہے تو محسن نقوی سے لے لیں۔ بعد میں خبر آئی کہ اجازت دینا وزارت خارجہ کا اختیار ہے۔ اب سفیر صاحب کوئی جواب ہی نہیں دے رہے۔
ان کا کہنا تھا کہ ایمرجنسی ویزے تو صرف ایک گھنٹے میں جاری ہو سکتے ہیں، پھر اس معاملے میں تاخیر کیوں ہو رہی ہے؟
ایک سوال کے جواب میں علیمہ خان نے بتایا کہ عمران خان سے جب پوچھا گیا کہ کیا ان کے بیٹے پاکستان آ رہے ہیں تو انہوں نے جواب دیا کہ تحریک کو چلانے کے لیے ان کا والد ہی کافی ہے۔ انہوں نے ان خبروں کو غلط اور بے بنیاد قرار دیا کہ بانی پی ٹی آئی عمران خان نے اپنے بچوں کو پاکستان آنے سے روکا ہے۔
اس موقع پر علیمہ خان نے خیبرپختونخوا سے سینیٹ کی خالی نشست پر منتخب ہونے والی مشعال یوسفزئی کی نامزدگی پر بھی تحفظات کا اظہار کیا۔ ان کا کہنا تھا کہ یہ نامزدگی میرٹ کے برخلاف ہے، اور اگر اہلیت کا صحیح پیمانہ اپنایا جاتا تو مشال کے علاوہ کئی اور افراد بھی سینیٹ کی نشست کے لیے موزوں تھے۔
مشعال یوسفزئی سے متعلق پوچھے گئے سوال پر علیمہ خان نے کہا کہ وہ ایسے افراد کے بارے میں گفتگو کر کے اپنا وقت ضائع نہیں کرنا چاہتیں۔ سینیٹرز کا انتخاب شفاف اور اہلیت کی بنیاد پر ہونا چاہیے۔
تحریک انصاف کی حالیہ تحریک کے بارے میں گفتگو کرتے ہوئے علیمہ خان نے کہاکہ یہ فیصلہ عوام نے خود کرنا ہے کہ وہ کس حد تک ساتھ دیتے ہیں۔ ان کا کہنا تھا کہ وہ اور ان کا خاندان گزشتہ 2 سال سے عمران خان کی رہائی کے لیے عدالتوں کے چکر کاٹ رہے ہیں۔
انہوں نے کہاکہ یہ تحریک بانی پی ٹی آئی عمران خان کی رہائی تک جاری رہے گی، اور وہ اس تحریک کا بھرپور حصہ ہوں گی، چاہے اس کے نتیجے میں انہیں گرفتاری ہی کیوں نہ دینی پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بیٹوں کی پاکستان آمد پاکستان تحریک انصاف پی ٹی آئی تارکین وطن درخواستیں جمع علیمہ خان عمران خان عمران خان رہائی نائیکوپ وی نیوز.ذریعہ: WE News
کلیدی لفظ: بیٹوں کی پاکستان ا مد پاکستان تحریک انصاف پی ٹی ا ئی تارکین وطن درخواستیں جمع علیمہ خان عمران خان رہائی نائیکوپ وی نیوز علیمہ خان نے انہوں نے خان کے کے لیے
پڑھیں:
پاک افغان مذاکرات کی اگلی نشست سے قبل اسحاق ڈار کا ترکیہ دورہ متوقع
نائب وزیراعظم اور وزیر خارجہ اسحاق ڈار پاک افغان مذاکرات کی اگلی نشست سے قبل ترکیہ کا دورہ کریں گے۔
ایکسپریس نیوز کے مطابق نائب وزیراعظم و وزیرخارجہ اسحاق ڈار 6 نومبر کے پاک افغان مزاکرات سے قبل ترکی میں ہوں گے،
پاک، افغان مذاکرات سے پہلے اسحاق ڈار کی ترکی آمد متوقع ہے۔ ذرائع کے مطابق ترک وزیرِ خارجہ حاقان فیدان کی دعوت پر اسحاق ڈار ترکی جائیں گے اور غزہ امن منصوبے پر 8 وزرائے خارجہ کے اہم اجلاس میں شرکت کیلیے پاکستان کی تیاری مکمل کرلی۔
اقوام متحدہ جنرل اسمبلی سائیڈ لائن سفارتی رابطوں کی فالو اپ میٹنگ ترکی میں ہوگی جبکہ پاک افغان ڈائیلاگ سے پہلے اسلام آباد میں اہم سفارتی مصروفیات جاری ہیں۔
خطے میں سفارتی سرگرمیاں تیز ہیں پاکستان کا فعال کردار سامنے آیا ہے۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں