کراچی؛ گھر سے خاتون کی تشدد زدہ لاش برآمد، شوہر زیر حراست
اشاعت کی تاریخ: 5th, August 2025 GMT
کراچی:
نیو کراچی خمیسہ گوٹھ میں گھر سے خاتون کی تشدد زدہ لاش ملی، پولیس نے خاتون کے شوہر کو تشدد کرنے کے شبہ میں حراست میں لے لیا۔
تفصیلات کے مطابق نیو کراچی انڈسٹریل ایریا کے علاقے خمیسہ گوٹھ کبریٰ مسجد کے قریب گھر سے 22 سالہ خاتون کی تشدد زدہ لاش ملی، جاں بحق ہونے والی خاتون کی لاش چھیپا ایمبولینس کے ذریعے عباسی شہید اسپتال منتقل کی گئی۔
ترجمان کراچی پولیس کے مطابق جاں بحق ہونے والی خاتون کی شناخت 22 سالہ شکیلہ زوجہ وزیر کے نام سے کی گئی تاہم فوری طور پر وجہ موت کا تعین نہیں کیا جا سکا، وجہ موت کا تعین کرنے کے لیے جاں بحق ہونے والی خاتون کا پوسٹ مارٹم کروایا جائے گا۔
ایس ایچ او نیو کراچی انڈسٹریل ایریا سب انسپکٹر رضوان قریشی کے مطابق جاں بحق ہونے والی خاتون کے ورثا نے الزام عائد کیا ہے کہ مقتولہ کو اس کے شوہر نے تشدد کر کے قتل کیا ہے۔
پولیس نے مقتولہ کے شوہر وزیر کو حراست میں لے کر تحقیقات کا آغاز کر دیا تاہم مقدمہ پوسٹ مارٹم کی رپورٹ آنے کے بعد درج کیا جائے گا۔
.ذریعہ: Express News
کلیدی لفظ: جاں بحق ہونے والی خاتون خاتون کی
پڑھیں:
کپل شرما نے کینیڈا میں اپنے کیفے پر ہونے والی فائرنگ پر خاموشی توڑ دی
بھارت کے مشہور کامیڈین اور ٹی وی میزبان کپل شرما اور ان کی اہلیہ گنی شرما نے حال ہی میں کینیڈا میں اپنے کیفے پر ہونے والے خوفناک فائرنگ کے واقعے کے بعد پہلی بار ردعمل کا اظہار کیا ہے۔ دونوں نے میئر برینڈا لاک اور سری پولیس سروس کا شکریہ ادا کیا جنہوں نے اس واقعے کے بعد ان سے محبت اور تعاون کا مظاہرہ کیا۔
کپل شرما، جو ان دنوں اپنے کامیڈی شو دی گریٹ انڈین کپل شو کے ذریعے لاکھوں دلوں پر راج کر رہے ہیں، اس واقعے کے بعد خبروں کی زینت بنے۔ اس واقعے پرانہوں نے گہری تشویش کا اظہار کیا ہے۔
یہ کیفے اب دوبارہ کھل چکا ہے اور کپل اور گنی نے فوری طور پر ایک نئی ویڈیو شیئر کی ہے۔
ٹائمز آف انڈیا کے مطابق، کپل نے اپنے انسٹاگرام ہینڈل پر کیفے کے آفیشل سوشل میڈیا اکاؤنٹ کے ساتھ مل کر ایک ویڈیو شیئر کی جس میں انہوں نے تشدد کے خلاف اتحاد کا عزم ظاہر کیا۔
ویڈیو کے ساتھ کپل اور گنی نے لکھا:
“شکریہ میئر برینڈا لاک، @surreypoliceservice اور تمام حکام کا جنہوں نے @thekapscafe_ پر آکر محبت اور حمایت دکھائی۔ ہم تشدد کے خلاف متحد ہیں۔ ہم دل سے شکر گزار ہیں۔”
مداحوں نے کمنٹ سیکشن کو محبت بھرے پیغامات سے بھر دیا۔ وہ کپل کو صرف ایک کامیڈین نہیں بلکہ ایک سچے فائٹر کے طور پر دیکھتے ہیں جنہوں نے مشکل وقت میں حوصلہ نہیں ہارا اور اپنے خوابوں کو زندہ رکھا۔
ایک صارف نے لکھا:
“آپ کے لیے خوش ہوں! دعا ہے کہ دوبارہ ایسا کچھ نہ ہو۔”
ایک اور نے کہا:
“کپل ہمیشہ پہلے سے زیادہ مضبوط ہو کر واپس آتے ہیں، بہت خوشی ہوئی۔”
تیسرے نے لکھا:
“واہ! آخرکار! اللہ کا شکر ہے سب کچھ ٹھیک ہے۔”
اداکار ویندو دارا سنگھ نے بھی تبصرہ کیا:
“جلد آ رہا ہوں!”
واضح رہے کہ کینیڈا کے شہر سری میں واقع دی کپل کیفے پر اچانک فائرنگ کے واقعے نے سب کو چونکا دیا تھا۔ خوش قسمتی سے کوئی جانی نقصان نہیں ہوا، تاہم اس واقعے نے نہ صرف کپل اور ان کے خاندان پر اثر ڈالا بلکہ ان کے مداحوں میں بھی خوف اور بے چینی کی لہر دوڑا دی۔ مقامی حکام اور پولیس نے فوری کارروائی کرتے ہوئے حالات پر قابو پایا اور متاثرین کی حفاظت کو یقینی بنایا۔
کپل شرما ان دنوں اپنے کامیڈی شو دی گریٹ انڈین کپل شو کے ذریعے ناظرین کو محظوظ کر رہے ہیں۔ حالیہ قسط میں اداکارہ پرینیتی چوپڑا اور سیاستدان راغب چڈھا بطور مہمان شریک ہوئے، جن کی کیمسٹری اور دلچسپ گفتگو نے ناظرین کے دل جیت لیے۔
Post Views: 3
کراچی میں تالا توڑ گروہ نے بڑی واردات کر کے 5 دکانیں لوٹ لیں