’کونسا غریب بحریہ ٹاؤن میں گھر بنا سکتا ہے‘، ملک ریاض کی پوسٹ پر بحث چھڑ گئی
اشاعت کی تاریخ: 6th, August 2025 GMT
پاکستان کے معروف پراپرٹی ٹائیکون اور بحریہ ٹاؤن کے مالک ملک ریاض نے اعلان کیا ہے کہ وہ پاکستان بھر میں بحریہ ٹاؤن کی تمام سرگرمیاں مکمل طور پر بند کرنے کے قریب پہنچ گئے ہیں۔
ملک ریاض نے سماجی رابطے کی ویب سائٹ ایکس پر اپنے بیان میں کہا کہ حکومت اور ریاستی اداروں کو سنجیدہ مکالمے اور باوقار حل کی طرف واپسی کا موقع دینے کی اپیل کرتے ہوئے کہاکہ ہم کسی بھی ثالثی میں شریک ہونے اور اس کے فیصلے پر 100 فیصد عملدرآمد کا یقین دلاتے ہیں۔ اگر ثالثی میں فیصلہ ہماری جانب سے رقوم کی ادائیگی کا ہوگا تو ہم اس کی ادائیگی یقینی بنائیں گے۔
یہ بھی پڑھیں: مالی طور پر مفلوج ہوچکے، بحریہ ٹاؤن کی تمام سرگرمیاں بند کررہے ہیں، ملک ریاض
ان کا کہنا تھا کہ کراچی، لاہور اور اسلام آباد تک بحریہ ٹاؤن میں لاکھوں پاکستانیوں کی کھربوں روپے کی سرمایہ کاری منجمد ہو چکی ہے، جبکہ سینکڑوں ارب روپے کے کمرشل منصوبے تکمیل سے پہلے ہی زمین بوس ہو چکے ہیں اور ہزاروں خاندان اس وقت بے یقینی اور ذہنی اذیت کا شکار ہیں۔
ملک ریاض نے اس امید کا اظہار کیا کہ پاکستان کے ادارے انصاف، عقل اور تدبر سے کام لیں گے اور اس ادارے کو بحران سے نکالنے میں مثبت کردار ادا کریں گے۔ ’ہم وطن عزیز کے لیے اپنی خدمات کو جاری رکھنا چاہتے ہیں نہ کہ ان حالات میں خاموشی سے رخصت ہو جائیں۔‘
pic.
— Malik Riaz Hussain (@MalikRiaz_) August 5, 2025
ملک ریاض کی پوسٹ پر صارفین کی جانب سے ملا جلا ردعمل سامنے آ رہا ہے کسی نے ان کو حالات کا ڈٹ کر مقابلہ کرنے کا کہا تو کوئی جائیدادوں کی نیلامی پر خوش نظر آیا، جبکہ کئی صارفین مذاق بھی اڑاتے نظر آئے اور طنزاً کہا کہ جاتے جاتے انہیں بھی کسی تحفے سے نواز کر جائیں۔
محمد سمیع اللہ نے مزاحیہ انداز میں لکھا کہ سر جاتے جاتے ایک گاڑی مجھے بھی گفٹ کر دیں۔ کیا پتہ کونسی نیکی کام آ جائے۔
سر جاتے جات ایک گاڑی مجھے بھی گفٹ کر دیں۔
کیا پتہ کونسی نیکی کام آ جائے۔ https://t.co/kATVzL8XAk
— M. Sami Ullah (@im_sa____) August 5, 2025
مبشر زیدی نے لکھا کہ میں بھیڑیا ٹاؤن کی بندش پر بہت خوش ہوں۔ غریب لوگوں کے لیے مختص زمین پر قبضہ کرنے والے کو آخرکار اللہ نے پکڑ میں لے لیا۔
میں بھیڑیا ٹاؤن کی بندش پر بہت خوش ہوں۔ غریب لوگوں کے لئے مختص زمین پر قبضہ کرنے والے کو آخرکار اللہ نے پکڑ میں لے لیا۔ اب اس کام میں ملوث زرداری کو بھی سزا ملے https://t.co/OumQTnMbD8
— Mubashir Zaidi (@xadeejourno) August 5, 2025
مبشر زیدی نے مزید لکھا کہ پاکستان میں کون سا غریب ہے جو بحریہ ٹاؤن میں گھر بنا سکتا ہے۔
پاکستان میں کون سا غریب ہے جو بحریہ ٹاؤن میں گھر بنا سکتا ہے؟ https://t.co/QHfTt2Oi9g
— Mubashir Zaidi (@xadeejourno) August 5, 2025
بلال خان کا کہنا تھا کہ ملک ریاض صاحب کھڑا رہنے کا وقت ہے بس یہ وقت بہت جلد گزر جائے گا۔
ملک ریاض صاحب کھڑا رہنے کا وقت ہے بس یہ وقت بہت جلد گزر جائے گا https://t.co/w6XGQHWJ2T
— Bilal Khan (@khan_bilal36899) August 5, 2025
سجاد مصطفیٰ نے کہا کہ تمام بحریہ ٹاؤن سوسائٹیز کو حکومتی کنٹرول میں لیا جائے تاکہ کسی رہائشی یا سرمایہ کار کو مالی نقصان نہ پہنچے۔ فیصلہ جتنی تیزی سے ہو گا، اتنا ہی اچھا ہو گا۔
تمام بحریہ ٹاؤن سوسائٹیز کو حکومتی کنٹرول میں لیا جائے تاکہ کسی رہائشی یا سرمایہ کار کو مالی نقصان نہ پہنچے۔ فیصلہ جتنی تیزی سے ہو گا، اتنا ہی اچھا ہو گا۔ اگر بحریہ ٹاون کے معاملات عدالتوں سے کلیئر ھو جائیں تو ٹھیک ورنہ ایل ڈی اے، سی ڈی اے، آر ڈی اے وغیرہ معاملات چلائیں. https://t.co/ZmA8jNnhCJ
— Sajjad Mustafa Bajwa (@sajjadmustafa) August 5, 2025
ایک صارف کا کہنا تھا کہ یہ مکافات عمل ہے۔ غریبوں کی زمینیں قبضہ کرتے وقت اور ناجائز منافع خوری، مہنگے پلاٹ بیچتے ہوئے اور وقت کے فرعون بنے ہوئے تھے۔
مکافات عمل ۔ غریبوں کی زمینیں قبضہ کرتے وقت اور ناجائز منافع خوری مہنگے پلاٹ بیچتے ہوئے اور وقت کے فرعون بنے ہوئے تھے ۔ https://t.co/NZ1MpVHbRE
— Muhammad Dawood (@Muhamma13297202) August 5, 2025
افی نامی صارف نے کہا کہ جاتے جاتے ایک کنال کا پلاٹ میرے نام کرتے جائیں، ہو سکتا آپ کو میری دعا ہی لگ جائے۔
جاتے جاتے ایک کنال کا پلاٹ میرے نام کرتے جائیں
ہو سکتا آپکو میری دعا ہی لگ جائے https://t.co/55JZvobwUz
— iffi (@iffiViews) August 5, 2025
واضح رہے کہ اسلام آباد ہائیکورٹ نے بحریہ ٹاؤن کے سربراہ ملک ریاض کی جائیدادوں کی نیلامی کے خلاف دائر تمام درخواستیں مسترد کرتے ہوئے نیب کو 7 اگست کو نیلامی کا عمل شروع کرنے کی اجازت دے دی ہے۔ عدالت نے واضح کیا کہ جعلی بینک اکاؤنٹس اور نیشنل کرائم ایجنسی (NCA) کیس میں پبلک فنڈز کی واپسی کے لیے نیب کی کارروائی قانونی اور درست ہے۔
ملک ریاض اس وقت متحدہ عرب امارات (یو اے ای) میں خود ساختہ جلاوطنی کی زندگی گزار رہے ہیں اور حال ہی میں انہوں نے دبئی میں ایک پرتعیش ہاؤسنگ سوسائٹی لانچ کرنے کا اعلان کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ بحریہ ٹاؤن متحدہ عرب امارات ملک ریاض ملک ریاض کی جائیدادوں کی نیلامی ہاؤسنگ سوسائٹی یو اے ایذریعہ: WE News
کلیدی لفظ: اسلام ا باد ہائیکورٹ بحریہ ٹاؤن متحدہ عرب امارات ملک ریاض ملک ریاض کی جائیدادوں کی نیلامی ہاؤسنگ سوسائٹی یو اے ای بحریہ ٹاؤن میں ملک ریاض کی جاتے جاتے ٹاؤن کی کہا کہ کے لیے
پڑھیں:
ایف آئی اے اور نیب کی بحریہ ٹاؤن میں مشترکہ کارروائی، مالی ریکارڈ اور ڈیجیٹل شواہد برآمد
ایف آئی اے اور نیب نے بحریہ ٹاؤں کراچی میں مشترکہ کارروائی کرتے ہوئے نجی اسپتال میں چھپایا گیا مالی ریکارڈ اور ڈیجیٹل شواہد قبضے میں لے لیے ہیں۔
بحریہ ٹاؤن کے خلاف مبینہ بے ضابطگیوں کی تحقیقات میں ایک اہم پیش رفت سامنے آئی ہے، جہاں وفاقی تحقیقاتی ادارے (ایف آئی اے) نے قومی احتساب بیورو (نیب) کے ساتھ مل کر مشترکہ کارروائی کرتے ہوئے خفیہ مالی ریکارڈ، ادائیگیوں سے متعلق فائلز اور ڈیجیٹل شواہد برآمد کر لیے ہیں۔
یہ بھی پڑھیں: مالی طور پر مفلوج ہوچکے، بحریہ ٹاؤن کی تمام سرگرمیاں بند کررہے ہیں، ملک ریاض
ایف آئی اے کے مطابق یہ حساس ریکارڈ اسلام آباد میں واقع ایک نجی فلاحی اسپتال کی عمارت میں چھپایا گیا تھا، جسے بحریہ ٹاؤن انتظامیہ مبینہ طور پر بطور فرنٹ آفس استعمال کر رہی تھی تاکہ مالی بے ضابطگیوں سے متعلق شواہد کو چھپایا جا سکے۔
چھاپے کے دوران چھپائے گئے کمپیوٹرز، سرورز اور دیگر ڈیجیٹل ڈیٹا بھی برآمد کر لیا گیا۔ تفتیشی حکام کے مطابق تمام ریکارڈ اسپتال کے گیسٹ روم میں محفوظ کیا گیا تھا جبکہ ایک نجی ایمبولینس کے ذریعے حساس مواد کی منتقلی کی جاتی رہی تاکہ شک نہ ہو۔
یہ بھی پڑھیں: بحریہ ٹاؤن کی جائیدادوں کا نیلام عام، نیب نے تاریخ کا اعلان کر دیا
بحریہ ٹاؤن کی انتظامیہ نے فلاحی اسپتال کے پردے میں اپنے نجی ہاؤسنگ منصوبوں سے متعلق اہم دستاویزات کو بھی چھپایا ہوا تھا۔ اس سلسلے میں بحریہ ٹاؤن کے مرکزی دفاتر پر بھی کارروائی کی گئی جہاں سے متعدد منصوبوں کی فائلیں اور دیگر متعلقہ کاغذات ایف آئی اے نے قبضے میں لے لیے۔
حکام کا کہنا ہے کہ یہ کارروائی بحریہ ٹاؤن کی مبینہ مالی بدعنوانی اور شواہد چھپانے کی کوششوں کے خلاف ایک اہم سنگ میل ہے، اور ریئل اسٹیٹ سیکٹر میں احتساب کے عمل کو مزید تقویت دینے کی جانب بڑا قدم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایف آئی اے ایمبولینس بحریہ ٹاؤن کارروائی کراچی نیب
پنڈی میں خاتون کا قتل: لاش قبرستان پہنچانے والا رکشہ برآمد، ملزم نے پولیس کو کیا بتایا؟