’آئی جی صاحب انتظار کرتے رہے مگر احتجاج کے لیے کوئی نہ آیا‘، مریم نواز کا پی ٹی آئی پر طنزیہ وار
اشاعت کی تاریخ: 6th, August 2025 GMT
وزیراعلیٰ پنجاب مریم نواز شریف نے پاکستان تحریک انصاف (پی ٹی آئی) کے گزشتہ روز ہونے والے احتجاج پر طنزاً تبصرہ کرتے ہوئے کہا کہ آئی جی صاحب کل انتظار کرتے رہے لیکن احتجاج کے لیے کوئی آیا ہی نہیں۔
انہوں نے مزید کہا کہ لگتا ہے لوگوں کو عقل آ گئی ہے، فتنے، بے ہنگم شور شرابے اور گالی گلوچ والی سیاست کارکردگی سے دفن ہو گئی ہے۔ لوگوں نے دیکھ لیا ہے کہ کیا فرق ہے، تقریریں کرنا بہت آسان ہے اس کے لیے دن رات ایک کرنا پڑتا ہے اور یہ تب ہی ہوتا ہے جب دل میں جذبہ ہو۔ مریم نواز نے پی ٹی آئی کو آڑے ہاتھوں لیتے ہوئے کہا کہ فساد پھیلانے والے کیا جانیں کہ خدمت کا مزہ کیا ہوتا ہے۔
آئی جی صاحب کل انتظار کرتے رہے احتجاج کیلئے کوئی آیا ہی نہیں، مریم نواز
آئی جی عثمان انور مسکرا اُٹھے pic.
— Ahmad Warraich (@ahmadwaraichh) August 6, 2025
مریم نواز کے اس بیان پر سوشل میڈیا صارفین مختلف تبصرے کرتے نظر آئے، ایک صارف نے لکھا کہ جو لاہور میں احتجاج پر 10 پرچے دے دیے ہیں اس کا کیا کرنا ہے۔
اور وہ جو لاہور میں احتجاج پر 10 پرچے دے دیے ہیں اس کا کیا کرنا ہے…؟ https://t.co/he4VxTwsMZ
— Muhammad waqas (@Muhammad2612809) August 6, 2025
راجہ یاسر لکھتے ہیں کہ وقت پلٹنے پر یہی آئی جی صاحب ان کا انتظار کر رہے ہوں گے۔
وقت پلٹنے پر یہی آئ جی صاحب انکا انتظار کر رہے ہونگے ????
— Raja Yasir (@achayasir) August 6, 2025
حیدر علی نے ریحانہ ڈار کی گرفتاری کی ویڈیو شیئر کرتے ہوئے طنزاً لکھا کہ یہ شاید یورپ سے گرفتار ہوئی ہیں۔
یہ ریحانہ ڈار تو کل یورپ سے گرفتار ہوئی ہے شاید؟؟ pic.twitter.com/XadEd21fIp
— Haider Ali (@HaiderA50149074) August 6, 2025
ایک ایکس صارف نے لکھا کہ وقت سدا ایک جیسا نہیں رہتا۔
بی بی سدا وقت ایک جیسا نہیں رہتا
— میری پہچان میرا پاکستان (@Ashfak26863086) August 6, 2025
واضح رہے کہ پاکستان تحریک انصاف کے رہنماؤں اور کارکنوں نے سابق وزیراعظم عمران خان کی رہائی اور دیگر مطالبات کے لیے گزشتہ روز ملک گیر احتجاج کیا تھا۔ ملک کے مختلف شہروں میں ریلیاں نکالی گئیں، راولپنڈی اور اسلام آباد میں دفعہ 144 کے نفاذ کے باوجود پی ٹی آئی کارکنان نے مختلف مقامات پر احتجاج کیا۔
اس کے علاوہ لاہور، کراچی، کوئٹہ، مظفرآباد سمیت ملک کے مختلف چھوٹے بڑے شہروں میں احتجاجی ریلیاں نکالی گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی پنجاب پی ٹی آئی احتجاج عمران خان عمران خان رہائی مریم نواز مسلم لیگ نذریعہ: WE News
کلیدی لفظ: پی ٹی ا ئی احتجاج عمران خان رہائی مریم نواز مسلم لیگ ن مریم نواز پی ٹی ا ئی کے لیے
پڑھیں:
بابا گرو نانک کا پیغام محبت، ہمدردی اور بھائی چارے پر مبنی ہے، وزیراعلیٰ پنجاب مریم نواز شریف
وزیراعلیٰ پنجاب مریم نواز شریف نے بابا گرو نانک دیو جی کے جنم دن کے موقع پر دنیا بھر کی سکھ برادری کو دلی مبارکباد اور نیک خواہشات پیش کی ہیں۔
اپنے پیغام میں وزیراعلیٰ نے کہا کہ بابا گرو نانک صاحب انسانیت، محبت، اخوت اور رواداری کے علمبردار تھے جن کی تعلیمات آج بھی ایک پُرامن اور ہم آہنگ معاشرے کی بنیاد فراہم کرتی ہیں۔
مریم نواز شریف نے کہا کہ بابا گرو نانک نے ایک دوسرے کے دکھ سکھ بانٹنے، ہمدردی، صبر اور انسان دوستی کا درس دیا۔
مزید پڑھیں: وزیراعظم شہباز شریف کا بابا گرو نانک دیو جی کے 556ویں یومِ ولادت پر سکھ برادری کے نام خیرسگالی کا پیغام
انہوں نے کہا کہ پنجاب کے تمام شہریوں کے لیے مساوی حقوق اور سہولتوں کی فراہمی حکومت کی اولین ترجیح ہے، چاہے ان کا تعلق کسی بھی مذہب یا عقیدے سے ہو۔
وزیراعلیٰ نے سکھ برادری کو پنجاب آمد پر ’جی آیاں نوں‘ کہتے ہوئے کہا کہ بابا گرو نانک کے جنم دن کی تقریبات میں سکھ یاتریوں کو بہترین سہولیات فراہم کی جا رہی ہیں۔
ان کا کہنا تھا کہ گوردواروں کی دیکھ بھال، تزئین و آرائش اور سیکیورٹی کے انتظامات کو خصوصی اہمیت دی گئی ہے تاکہ زائرین اپنے مذہبی فریضے اطمینان اور سہولت کے ساتھ ادا کر سکیں۔
مزید پڑھیں: بابا گرو نانک جنم دن تقریبات: وزیراعلیٰ پنجاب مریم نواز کا سکھ یاتریوں کا خیر مقدم
انہوں نے مزید کہا کہ مل جل کر ہمیں اپنی پاک سرزمین کو امن، آشتی اور رواداری کی مثال بنانا ہے۔ وزیراعلیٰ نے گزشتہ سال کرتارپور میں بیساکھی میلے میں اپنی شرکت کو یادگار قرار دیتے ہوئے کہا کہ یہ پاکستان میں بین المذاہب ہم آہنگی کی ایک روشن مثال تھی۔
مریم نواز شریف نے آخر میں کہا کہ بابا گرو نانک کا پیغام محبت، ہمدردی اور بھائی چارے پر مبنی ہے، جو آج بھی پوری انسانیت کے لیے روشنی کا مینار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابا گرو نانک جنم دن سکھ برادری وزیراعلیٰ پنجاب مریم نواز شریف
ملک بھر میں انٹرنیٹ سروسز کیوں متاثر ہیں؟