سیاحتی علاقوں میں بہترین انفراسٹرکچر کی تعمیر اور اعلیٰ معیار کی جدید تفریحی سہولیات ناگزیر ہیں؛ وزیراعظم
اشاعت کی تاریخ: 8th, August 2025 GMT
سٹی 42 : وزیراعظم شہباز شریف نے کہا ہے کہ گلگت بلتستان اور آزاد جموں و کشمیر کے سیاحتی علاقوں میں ملکی اور غیر ملکی سیاحوں راغب کرنے کے لئے بہترین انفراسٹرکچر کی تعمیر اور آسان سفر و رابطے اور اعلیٰ معیار کی جدید تفریحی سہولیات ناگزیر ہیں۔
وزیراعظم شہباز شریف کی زیر صدارت سیاحت کے فروغ کے حوالے سے اجلاس آج وزیراعظم ہاؤس اسلام آباد میں منعقد ہوا۔
وزیراعظم نے اجلاس کے شرکاء سے گفتگو کرتے ہوئے کہا کہ پاکستان میں سیاحت کے حوالےسے بے پناہ استعداد موجود ہے، اللہ تعالیٰ نے پاکستان کو قدرتی وسائل اور لازوال خوبصورتی سے نوازا ہے ۔ انہوں نے کہا کہ برف پوش پہاڑ، جنگلات، دریا، ریگستانی علاقے اور کوسٹل لائن ایسے دیگر قدرتی وسائل کی بدولت ہمارا ملک دنیا میں ایک منفرد اور اہم مقام رکھتا ہے ؛ پاکستان کے پاس دنیا کی قدیم ترین تہذیب ہے۔
10 مرلہ میں 2 پودے ،1کنال میں 4 پودے لگانے کی پابندی
وزیراعظم نے اسلام آباد ، آزاد جموں و کشمیر اور گلگت بلتستان میں سیاحت کے فروغ کے حوالے سے جلد از جلد لائحہ عمل ترتیب دینے کی ہدایت کی۔ انہوں نے
سیاحت کے فروغ کے حوالے سے قابل عمل اور جلد از جلد مکمل ہونے والے پراجیکٹ ترتیب دینے کی بھی ہدایت کی، کہا کہ آزاد جموں و کشمیر اور گلگت بلتستان میں سیاحوں کی سہولیات کے لئے بہترین معیار کے ہوٹلز، ریزارٹس، تفریحی مقامات اور دیگر سہولیات کی تعمیر کے حوالے حکمت عملی بنائی جائے۔
د بھارت کی امریکہ سے ہتھیاروں کی خریداری روکنے کی میڈیا رپورٹ کی تردید
وزیراعظم نے ہدایت کی کہ ملک بھر کے سیاحتی مقامات میں نئی تعمیرات اور انفراسٹرکچر کی تعمیر کے حوالے سے موسمیاتی تبدیلی کے پہلو ملحوظ خاطر رکھا جائے ۔وزیراعظم نے نیشنل ٹوارزم کوارڈینیشن بورڈ کو فعال کرنے کے حوالے سے بریفنگ طلب کر لی۔
اجلاس کو وزیراعظم کے کوآرڈینیٹر برائے سیاحت سردار یاسر الیاس نے سیاحت کے فروغ کے حوالے سے تجاویز پر بریفنگ دی۔ اجلاس کو بتایا گیا کہ ملک میں غیر ملکی سیاحوں کی تعداد بڑھانے، سیاحت کو جی ڈی پی کا ایک اہم حصہ بنانے اور سیاحت کے حوالے سے 20 نئے مقامات آباد کرنے کے حوالے سے اہداف پر کام شروع کیا جا سکتا ہے۔ انہوں نے بتایا کہ مذہبی اور میڈیکل ٹورزم کی استعداد سے بھرپور فائدہ اٹھانےکو حوالے سے حکمت عملی بنائی جا رہی ہے ۔
ڈالر کی قیمت گرگئی
اجلاس کو بتایا گیا کہ جلد ہی اسلام آباد میں نیشنل ٹوارزم ایکسپو اینڈ انویسٹمنٹ کانفرنس کا انعقاد کیا جائے گا۔ حال ہی میں ملتان میں نواز شریف زرعی یونیورسٹی کے تعاون سے مینگو فیسٹول ، 2025 کا انعقاد کیا گیا۔
اجلاس میں وفاقی وزیر اقتصادی امور احد خان چیمہ ، وفاقی وزیر انفارمیشن ٹیکنالوجی و ٹیلی کام شزا فاطمہ ، وفاقی وزیر ریلوے حنیف عباسی، وفاقی وزیر قومی ورثہ و ثقافت اورنگزیب کھچی، وزیراعظم کے مشیر برائے بین الصوبائی روابط رانا ثناء اللہ ، وزیراعظم کے مشیر ڈاکٹر توقیر شاہ ، وزیر مملکت برائے خزانہ و ریلوے بلال اظہر کیانی ، وزیراعظم کے معاون خصوصی حذیفہ رحمان، وزیراعظم کے کوآرڈینیٹر برائے سیاحت سردار یاسر الیاس اور متعلقہ اعلیٰ سرکاری افسران نے شرکت کی ۔
وزیر اعظم نے رحمت العالمین و خاتم النبیینﷺ اتھارٹی کے پانچ ارکان تعینات کردیے
.
ذریعہ
ذریعہ: City 42
کلیدی لفظ: سیاحت کے فروغ کے حوالے سے وزیراعظم کے وفاقی وزیر کی تعمیر
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار