گوادر میں پانی کا بحران، وزیر اعلیٰ بلوچستان کے ہنگامی اقدامات کا اعلان
اشاعت کی تاریخ: 8th, August 2025 GMT
گوادر میں طویل خشک سالی اور بارشوں کی کمی کے باعث پیدا ہونے والے پانی کے بحران پر قابو پانے کے لیے وزیر اعلیٰ بلوچستان میر سرفراز بگٹی کی زیر صدارت ایک اعلیٰ سطح اجلاس منعقد ہوا، جس میں رکن صوبائی اسمبلی گوادر مولانا ہدایت الرحمٰن اور متعلقہ اداروں کے اعلیٰ حکام شریک ہوئے۔
اجلاس میں گوادر میں قلتِ آب سے نمٹنے کے لیے فوری اور طویل المدتی اقدامات کا فیصلہ کیا گیا۔ وزیر اعلیٰ نے ہدایت دی کہ جاری آبی منصوبوں کو تیز کیا جائے اور تمام وسائل بروئے کار لائے جائیں۔
یہ بھی پڑھیں:
چیئرمین گوادرپورٹ اتھارٹی نے اجلاس کو بریفنگ میں بتایا کہ واٹر سیلینیشن پلانٹ کو 3 لاکھ گیلن یومیہ کی سطح پر بحال کر دیا گیا ہے، اور اگلے تین دن میں اس کی استعداد 6 لاکھ گیلن یومیہ تک بڑھا دی جائے گی۔ وزیر اعلیٰ نے حکم دیا کہ بجلی کی بندش کے دوران پلانٹ کو متبادل توانائی پر منتقل کر کے پانی کی ترسیل بلا تعطل جاری رکھی جائے۔
انہوں نے شادی کورڈیم سے پانی کی فراہمی کے لیے رابطے تیز کرنے اورآبی پائپ لائن منصوبے 15 روز میں مکمل کرنے کی بھی ہدایت دی۔ اجلاس میں فیصلہ کیا گیا کہ قلتِ آب سے نمٹنے کے لیے چیئرمین گوادر پورٹ اتھارٹی کی سربراہی میں مختلف محکموں کے سربراہان پر مشتمل رابطہ کمیٹی قائم کی جائے، جو روزانہ کی بنیاد پر وزیر اعلیٰ سیکرٹریٹ کو پیش رفت رپورٹ پیش کرے گی۔
مزید پڑھیں:
وزیر اعلیٰ نے واضح کیا کہ گوادر میں پانی کی قلت کا مسئلہ ہر صورت حل کیا جائے گا اور کسی قسم کی کوتاہی یا تاخیر برداشت نہیں کی جائے گی۔ انہوں نے کہا کہ ایران سے بجلی کی غیر اعلانیہ اور طویل بندش کے مسئلے پر وزیر اعظم اور پاور ڈویژن سے بات کی جائے گی۔ میر سرفراز بگٹی نے اعلان کیا کہ وہ خود آبی صورتحال کی پیش رفت کی نگرانی کریں گے تاکہ عوام کو درپیش مسائل کا بروقت حل نکالا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان پانی پاور ڈویژن رابطہ کمیٹی شادی کور ڈیم قلتِ آب گوادر گوادر پورٹ اتھارٹی میر سرفراز بگٹی وزیر اعظم، وزیر اعلی.ذریعہ: WE News
کلیدی لفظ: بلوچستان پانی پاور ڈویژن رابطہ کمیٹی شادی کور ڈیم قلت آب گوادر گوادر پورٹ اتھارٹی میر سرفراز بگٹی وزیر اعلی گوادر میں وزیر اعلی کے لیے
پڑھیں:
علی امین گنڈاپور کا ماڈل میٹ پروسیسنگ پلانٹ پر چھاپہ
وزیرِ اعلیٰ خیبر پختون خوا علی امین گنڈاپور—فائل فوٹووزیرِ اعلیٰ خیبر پختونخوا علی امین گنڈاپور نے چارسدہ روڈ پر ماڈل میٹ پروسیسنگ پلانٹ پر چھاپہ مارا ہے اور 8 ماہ سے پراسیسنگ پلانٹ بند رہنے پر اظہارِ برہمی کیا۔
اس موقع پر انہوں نے 15 اکتوبر تک پراسیسنگ پلانٹ اور ٹریننگ سینٹر کو فعال بنانے کی ہدایت بھی کی۔
وزیر اعلیٰ خیبر پختونخوا نے کہا کہ اگر ان کا بھائی الیکشن ہارا تو وہ ہمیشہ کیلئے سیاست چھوڑ دیں گے۔
وزیرِ اعلیٰ خیبر پختونخوا علی امین گنڈاپور نے کہا کہ ٹریننگ سینٹر میں رجسٹریشن کا عمل جلد شروع کیا جائے، ٹریننگ سینٹر میں قائم ماڈل میٹ شاپ کو بھی فعال بنایا جائے۔
انہوں نے کہا کہ دیگر اضلاع میں بھی جدید میٹ پراسیسنگ پلانٹس لگانے پر کام کیا جائے، ماڈل پلانٹس لگانے کے لیے نجی سرمایہ کاری کو راغب کیا جائے۔
17 ارکان کے کمیٹیوں سے استعفے میرے پاس آگئے، آج جمع کراؤں گا، سینیٹر علی ظفر