کراچی:
یہ 2005 کی بات ہے، میں پہلی بار آسٹریلیا گیا تھا، ایک دن ایک ریسٹورینٹ میں لنچ کرنے گیا، اتفاق سے وہاں پاکستان کے 2 کرکٹرز بھی آ گئے، ان دنوں کھلاڑیوں اور میڈیا کے درمیان موجودہ دور جیسے فاصلے نہیں تھے اور دوستانہ روابط ہوا کرتے تھے۔
وہ دونوں میری ہی ٹیبل پر آ کر بیٹھ گئے، اس دوران ایک ویٹرس آئی اور آرڈر کے بارے میں کچھ کہا، جب وہ خاتون جانے لگیں تو ان کرکٹرز میں سے ایک نے دوسرے سے کہا کہ ’’اگر یہ خوبصورت ہوتی تو تم فورا دوستی کر لیتے’‘ یہ سن کر وہ ویٹرس واپس آئیں اور آہستہ سے سرگوشی کی کہ ’’ میرا تعلق بنگلہ دیش سے ہے اور میں اردو سمجھتی ہوں‘‘ اس پر وہ کرکٹر شرم سے پانی پانی ہو گیا اور ساتھی پر غصہ کرنے لگا کہ میرے حوالے سے ایسی بات کیوں کہی۔
مجھے یہ سن کر اچھا لگا کہ اس کھلاڑی کے دل میں خواتین کا کتنا احترام ہے، چند روز بعد وہی کرکٹر آسٹریلیا میں ہی ریپ کیس میں پھنس گیا اور بڑی مشکل سے اس نے اپنی ’’خاتون دوست‘‘ سے پیچھا چھڑایا،اس وقت مجھے بڑی حیرت ہوئی کہ یہ تو اتنا شریف لگتا ہے ایسے کام میں کیسے پڑ گیا، اس پر کسی نے کہا تھا کہ ’’کسی کے چہرے کی معصومیت پر نہ جایا کرو‘‘۔
دراصل ہمارے ملک میں بیشتر کرکٹرز غریب گھرانوں سے تعلق رکھتے ہیں، ایکدم سے بزنس کلاس میں سفر، فائیو اسٹار ہوٹل میں قیام، ڈالرز میں معاوضے اور شائقین کی توجہ ملنے سے بگڑنے کا چانس زیادہ ہوتا ہے، چند سال پہلے جب زیادہ روک ٹوک نہیں ہوا کرتی تھی تو کھلاڑیوں کے کمروں میں ’’’مخصوص خواتین‘‘ کا آنا جانا معمول کی بات تھی۔
بعض اسکینڈلز سے بچنے کیلیے ایک ہی ہوٹل میں دوسرا کمرا تک بک کرا لیتے تھے، اس رنگین مزاجی کا جواریوں نے بھرپور فائدہ اٹھایا، کئی کرکٹرز ’’ہنی ٹریپ‘‘ کا بھی شکار ہوئے اور ویڈیوز بنا کر انھیں بلیک میل کیا گیا۔
آپ کو شرجیل خان یاد ہوں گے، فکسنگ کیس میں الجھنے سے کچھ عرصے قبل ان کا ایک بیان سامنے آیا تھا جس میں انھوں نے اپنی کچھ ویڈیوز اور بلیک میل کیے جانے کا ذکر کیا تھا، نجانے ایسے اور کتنے قصے ہوں گے جو سامنے نہیں آئے۔
البتہ ہمیں محمد رضوان اور بابر اعظم کو کریڈٹ دینا ہوگا، ان کے دور میں ٹیم کا اس حوالے سے ماحول بہتر رہا، پی سی بی نے بھی سختی کر دی تھی، جب سے سوشل میڈیا آیا کھلاڑی خود محتاط ہو گئے لیکن پھر ویڈیو چیٹس اور ڈائریکٹ میسجز سامنے آنے لگے، البتہ ان میں خطرہ کم تھا۔
کرکٹ بورڈ ان دنوں جونیئر ٹورز کا بہت کریڈٹ لے رہا ہے، حال ہی میں شاہینز ٹیم انگلینڈ گئی جہاں دوسرے درجے کے حریفوں سے مقابلہ ہوا، انگلینڈ لائنز سے کوئی میچ نہیں رکھا گیا، ان میں فتح پر خوب شور بھی مچایا گیا لیکن ابھی اس کی گونج ختم ہی نہیں ہوئی تھی کہ حیدر علی کی گرفتاری کا اسکینڈل سامنے آ گیا، اس سے بڑی شرمناک بات کیا ہوگی کہ کسی کرکٹر کو گراؤنڈ سے ہی گرفتار کیا جائے۔
کرکٹ بورڈ کی پرانی عادت ہے کہ خبروں کو چھپایا جائے لیکن اگر کسی صحافی کو پتا چل جائے اور وہ تصدیق کے لیے رابطہ کرے تو فوری طور پر پریس ریلیز جاری کر دیتے ہیں، یہاں بھی ایسا ہی ہوا ہو گا، حیدر کو ضمانت پر رہائی مل چکی لیکن وہ برطانیہ چھوڑ کر نہیں جا سکتے۔
اب سوال یہ سامنے آتا ہے کہ پی سی بی نے کیوں اس ٹور میں کسی منیجر کو نہیں بھیجا، آفیشل پریس ریلیز میں تو کسی کا ذکر نہیں تھا، کھلاڑی بچے نہیں ہیں لیکن ان کی رہنمائی تو کرنی چاہیے کہ ٹورز میں آپ ملک کے سفیر ہیں محتاط رہنا، ایسا کچھ نہیں ہوا، وہاں کوئی ڈسپلن نہیں تھا جس کی جو مرضی وہی کرتا رہا۔
پاکستانی کرکٹرز انگلینڈ اور آسٹریلیا وغیرہ میں خواتین سے خوب دوستیاں کرتے ہیں، بیشتر کا مقصد مستقبل کو محفوظ بنانے کیلیے شادی کرکے غیرملکی پاسپورٹ کا حصول ہوتا ہے، یہ فارمولہ کئی کھلاڑی کامیابی سے استعمال کر چکے، البتہ صرف وقت گذاری کرنے والے ’’شادی کا وعدہ‘‘ پورا نہ کرنے پر مشکل میں پھنس جاتے ہیں،شاید حیدر کے ساتھ بھی ایسا ہی ہوا ہوگا۔
کبھی کبھار ’’ریٹ‘‘ پر بھی اختلاف ہو جاتا ہے، اب پس منظر میں رہ کر بڑی شخصیات معاملہ سیٹ کرنے کیلیے کوشش کر رہی ہوں گی، اگر کامیابی نہ ملی تو حیدر بھی جیل کی سلاخوں کے پیچھے جائیں گے، ان کے حوالے سے ماضی میں بھی کئی قصے سامنے آ چکے تھے۔
بہرحال جو بھی نتیجہ سامنے آئے ملک کی بڑی بدنامی ہو گئی ہے، ساری دنیا میں یہ خبریں چلیں کہ ’’پاکستانی کرکٹر انگلینڈ میں ریپ کیس میں گرفتار‘‘۔ اب مستقبل کیلیے پی سی بی کو سخت ترین پالیسی اپنانی چاہیے، جس طرح قومی ٹیم کے ساتھ سخت گیر منیجر نوید اکرم چیمہ کی صورت میں موجود ہیں ویسے ہی جونیئر اسکواڈز کے ساتھ بھی کسی تگڑے منیجر کا تقرر ہونا چاہیے جو کھلاڑیوں پر گہری نظر رکھے اور ڈسپلن کی خلاف ورزی پر واپس بھیج دے۔
اسی طرح کرکٹرز کو بھی سوچنا چاہیے کہ ایک غلطی نہ صرف ان کا کیریئر تباہ کر سکتی ہے بلکہ والدین، بہن ، بھائی سب سے سر اٹھا کر جینے کا حق چھین لیتی ہے، اپنا نہیں تو گھر والوں کا ہی سوچ لیا کریں، آج کل کے دور میں مداحوں کے روپ میں بکیز کی آلہ کار خواتین بھی آس پاس گھومتی رہتی ہیں۔
سوشل میڈیا پر بھی غلط شناخت کے ساتھ دوستی کی کوشش ہوتی ہے، پھر کوئی پھنس جائے تو اسے بلیک میل کیا جاتا ہے، کیا یہ اچھا نہیں کہ ان چکروں میں پڑا ہی نہ جائے، نوجوان کرکٹرز کو چاہیے کہ وہ حیدر علی سے سبق سیکھیں،ملک سے باہر جا کر اپنی کرکٹ کھیلیں اور گروپس کی صورت میں ٹیم آفیشل کی اجازت سے گھومیں پھریں، بلانے پر کسی کے گھر اکیلے نہ جائیں، اسی طرح بورڈ کو بھی سخت اقدامات کرنا ہوں گے تاکہ آئندہ جگ ہنسائی نہ ہو، ورنہ ایسے مزید واقعات کیلیے تیار رہیں۔
(نوٹ: آپ ٹویٹر پر مجھے @saleemkhaliq پر فالو کر سکتے ہیں)
.ذریعہ: Express News
کلیدی لفظ: کے ساتھ
پڑھیں:
مفت کریڈٹ کارڈز کا فائدہ اٹھائیں! بغیر کسی چارجز کے کیش بیک اور زبردست آفرز حاصل کریں۔
نئی دہلی (انٹرنیشنل ڈیسک) بھارت میں کریڈٹ کارڈ کے استعمال میں تیزی سے اضافہ ہوا ہے۔ یہی وجہ ہے کہ مارچ دوہزار پچیس تک ملک میں کریڈٹ کارڈ کے لین دین کی کل قیمت اکیس اعشاریہ انیس لاکھ کروڑ روپے تک پہنچ گئی۔ کچھ لوگوں کو کریڈٹ کارڈ رکھنا مہنگا لگتا ہے۔ جس کی وجہ سے وہ اس بینکنگ سہولت سے فائدہ نہیں اٹھا پا رہے ہیں۔ لیکن، آپ کو تمام کریڈٹ کارڈز پر چارجز ادا کرنے کی ضرورت نہیں ہے۔ کچھ کارڈز مفت دستیاب ہیں۔ وہ بھی زندگی بھر کے لیے۔ بہت سے بینک اور فن ٹیک کمپنیاں ایسے لائف ٹائم فری کریڈٹ کارڈز پیش کر رہی ہیں، جن پر کوئی جوائننگ فیس نہیں ہے، کوئی سالانہ چارجز نہیں ہیں اور اس کے علاوہ وہ زبردست فوائد فراہم کر رہے ہیں۔ یہ کارڈ پہلی بار کریڈٹ لینے والوں، طلباء اور محدود آمدنی والے لوگوں کے لیے بہت فائدہ مند ہیں۔
تاحیات مفت کریڈٹ کارڈ کا مطلب ہے جوائننگ فیس، کوئی سالانہ چارجز اور کم از کم اخراجات کی ضرورت نہیں۔ یہ کارڈز ان صارفین کے لیے بہترین ہیں جو صرف سمارٹ استعمال کے ذریعے کچھ خرچ کیے بغیر کیش بیک، آفرز اور انعامات حاصل کرنا چاہتے ہیں۔ آئیے آج ایسے ہی مفت کارڈز کے بارے میں جانتے ہیں۔
ایمیزون پے آئی سی آئی سی آئی کریڈٹ کارڈ؛ یہ ایمیزون پر خریداری کرنے والوں کے لیے سب سے بڑا فائدہ ہے۔ اگر آپ پرائم ممبر ہیں تو آپ کو پانچ فیصد کیش بیک ملتا ہے اور اگر آپ نہیں ہیں تو آپ کو تین فیصد تک کیش بیک ملتا ہے۔ ہر خریداری پر، ایک فیصد کیش بیک براہ راست آپ کے ایمیزون پے والیٹ میں شامل کیا جاتا ہے۔ اسے کسی بھی مرچنٹ پر استعمال کیا جا سکتا ہے اور آپ کو ہر بار کچھ نہ کچھ انعام ملنے کا یقین ہے۔
فبیکس ایکسس بینک کریڈٹ کارڈ: یہ کارڈ ان لوگوں کے لیے ہے جو روزانہ اوبر لیتے ہیں، زومیٹو پر آرڈر کرتے ہیں یا او ٹی ٹی پلیٹ فارم استعمال کرتے ہیں۔ یہاں آپ کو ان سب پر تین فیصد کیش بیک ملتا ہے۔ اگر آپ 2,500 روپے یا اس سے زیادہ خرچ کرتے ہیں، تو آپ اسے فوری طور پر ای ایم آئی میں تبدیل کر سکتے ہیں۔ اس کا مطلب ہے کہ خرچ کرنا آسان ہے اور ادائیگی کرنا بھی آسان ہے۔
Ixigo AU کریڈٹ کارڈ: اگر آپ ٹرین یا ہوائی جہاز سے اکثر سفر کرتے ہیں تو Ixigo AU کارڈ ایک بہترین آپشن ہے۔Ixigo ایپ کے ذریعے ریل ٹکٹوں کی بکنگ پر آپ کو چالیس فیصد تک کی چھوٹ ملتی ہے۔ آپ کو ہر تین ماہ میں ایک بار ہوائی اڈے کے لاؤنج تک مفت رسائی بھی ملتی ہے۔
IDFC پہلا ملینیا کریڈٹ کارڈ: اگر آپ آن لائن خریدار ہیں، تو یہ کارڈ آپ کی جیب میں ہونا ضروری ہے۔ یہ ہر آن لائن خریداری پر 3X انعامی پوائنٹس پیش کرتا ہے۔
فیڈرل بینک سکیپیا کریڈٹ کارڈ: اگر آپ بیرون ملک سفر کرنے کا ارادہ رکھتے ہیں تو سکیپیا کارڈ بہترین ہے۔ یہ بیرون ملک ہوٹل بکنگ پر بیس فیصد تک کی رعایت دیتا ہے۔ اس میں کوئی غیر ملکی لین دین کی فیس نہیں ہے، جو عام طور پر دوسرے کارڈز پر بوجھ ہوتی ہے۔
بی جے پی نظریاتی بغاوت کی راہ پر گامزن ہے، سونیا گاندھی