نوکری کا جھانسا دے کر نوجوان کے ساتھ بدفعلی اور نازیبا ویڈیو بنانے والے ملزمان گرفتار
اشاعت کی تاریخ: 11th, August 2025 GMT
لاہور:
نوکری کا جھانسا دے کر نوجوان کے ساتھ بدفعلی کرنے اور اس کی نازیبا ویڈیو بنانے والے ملزمان کو گرفتار کرلیا گیا۔
پولیس کے مطابق ایس ایچ او مانگا منڈی نے پولیس ٹیم کے ہمراہ کارروائی کرتے ہوئے 16 سالہ محمد سکندر سے بد فعلی کرنے والے ملزمان کو مانگا روڈ سے گرفتار کرلیا۔ ملزمان نے نوکری کا جھانسا دے کر محمد سکندر کو کوارٹر میں بلایا ۔
ملزمان کوارٹر میں سکندر سے بد فعلی کے بعد موقع سے فرار ہو گئے تھے ۔ملزمان نے محمد سکندر سے بدفعلی کرنے کے ساتھ ساتھ اس کی ویڈیو بھی بنائی ۔ ملزمان عثمان اور محمد باقر کو جدید ٹیکنالوجی کی مدد سے گرفتار کیا گیا۔
ملزمان نے سکندر کو ورغلا کر مانگا روڈ پر واقع کوارٹر میں لے جا کر بد فعلی کی ، جن کے خلاف مقدمہ درج کرکے جینڈر سیل کے حوالے کردیا گیا ہے۔
.ذریعہ: Express News
پڑھیں:
جعلی ویڈیو بنانے اور پھیلانے والا مجرم ہے، طلال چوہدری
وزیر مملکت برائے داخلہ سینیٹر طلال چوہدری نے کہا ہے کہ جعلی ویڈیو بنانے اور پھیلانے والا مجرم ہے۔
اسلام آباد میں طارق فضل چوہدری کے ہمراہ میڈیا سے گفتگو میں طلال چوہدری نے کہا کہ اسلام آباد پولیس دارالحکومت کے تمام معاملات، سکیورٹی سمیت دیگر ذمہ داریاں ادا کرتی ہے۔
وفاقی وزیر طارق فضل چوہدری نے کہا ہے کہ نوجوان نسل بغیر تصدیق کوئی بھی مواد سوشل میڈیا پر شیئر نہ کرے۔
انہوں نے کہا کہ کہا جارہا ہے کہ آزاد کشمیر کے لوگوں سے چیکنگ کے نام پر اسلام آباد پولیس زیادتی کر رہی ہے۔
وزیر مملکت نے مزید کہا کہ جعلی ویڈیوز کے ذریعے اسلام آباد پولیس کو بدنام کیا جارہا ہے، پرانی ویڈیوز کو سوشل میڈیا پر ڈرامائی انداز میں پیش کیا جارہا ہے۔
اُن کا کہنا تھا کہ سوشل میڈیا پر آزاد کشمیر سے متعلق کچھ ویڈیوز کو پھیلایا جارہا ہے، ویڈیو بنانے والا تو مجرم ہے ہی، پھیلانے والے بھی اس میں حصے دار ہوجاتے ہیں۔
طلال چوہدری نے یہ بھی کہا کہ وزیرداخلہ اور وزیراعظم اسلام آباد پولیس کی کوئی کوتاہی برداشت نہیں کرتے، وزیرداخلہ ہر خبر اور واقعہ کا فوری نوٹس لیتے ہیں۔
انہوں نے مزید کہا کہ باغ اسپتال کی وڈیوز میں راولپنڈی کا اسپتال بتایا گیا، جعلی ویڈیوز کے ذریعے اسلام آباد پولیس کو بدنام کیا جارہا ہے۔
نیویارک میں میئر کے الیکشن کے لیے پولنگ جاری، ظہران ممدانی کو برتری حاصل