پاکستان نے فیلڈ مارشل سے متعلق بھارتی وزیر خارجہ کا بیان مسترد کردیا
اشاعت کی تاریخ: 11th, August 2025 GMT
پاکستان نے فیلڈ مارشل سے متعلق بھارتی وزیر خارجہ کا بیان مسترد کردیا WhatsAppFacebookTwitter 0 11 August, 2025 سب نیوز
اسلام آباد (سب نیوز)پاکستان نے فیلڈ مارشل سید عاصم منیر سے متعلق بھارتی وزیر خارجہ ایس جے شنکر کا بیان سختی سے مسترد کردیا ہے۔
اپنے ایک بیان میں ترجمان دفتر خارجہ شفقت علی خان نے کہا ہے کہ بھارتی وزیرخارجہ کا بیان حقائق کو توڑ مروڑ کرکے پیش کرنے کی بھارتی روایت کا حصہ ہے، بھارت کی جانب سے ہمیشہ بیانات کو سیاق و سباق سے ہٹا کر پیش کیا جاتا ہے۔ترجمان دفتر خارجہ کے بقول مبینہ نیوکلیئر بلیک میل کا بھارتی بیانیہ گمراہ کن ہے۔ بھارت بے بنیاد الزامات لگارہا ہے، پاکستان ایک ذمہ دار جوہری ہتھیار رکھنے والی ریاست ہے، ہمارا کمانڈ اور کنٹرول کا وسیع ڈھانچہ مکمل سویلین کنٹرول میں ہے۔شفقت علی خان نے کہا کہ دہشت گردی کے خلاف پاکستان کی پائیدار اور قابل اعتماد کوششوں کا بین الاقوامی سطح پر اعتراف کیا جاتا ہے۔ ہماری سیکیورٹی فورسز دہشت گردی کے خلاف مورچہ بنی ہوئی ہیں۔
انہوں نے مزید کہا کہ بھارتی وزیرخارجہ کے جھوٹے الزامات غیر ذمہ دارانہ اور ثبوت کے بغیر ہیں۔ ہم تشویش کے ساتھ پاکستان پر دبا ڈالنے کے لیے تیسرے ممالک کا بے معنی حوالہ بھی نوٹ کرتے ہیں، یہ نہ صرف ہندوستان کے سفارتی اعتماد کی کمی کو ظاہر کرتا ہے بلکہ غیر ضروری طور پر دوسرے ممالک کو شامل کرنے کی ایک بے کار کوشش کو بھی ظاہر کرتا ہے۔
ترجمان دفترخارجہ نے کہا کہ بھارت کے جنگجو اور جنگی رویے کے برعکس، پاکستان ذمہ دار رکن کے طور پر کام کرتا رہے گا۔ بھارتی جارحیت کی کسی بھی کارروائی یا پاکستان کی خود مختاری اور علاقائی سالمیت کی خلاف ورزی کا فوری اور مماثل جواب دیا جائے گا۔ آنے والی کسی بھی کشیدگی کی ذمہ داری پوری طرح سے ہندوستانی قیادت پر عائد ہوگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآسٹریلیا کا بھی فلسطین کو ریاست تسلیم کرنے کا اعلان آسٹریلیا کا بھی فلسطین کو ریاست تسلیم کرنے کا اعلان چیئرمین سی ڈی اے کی زیر صدارت اہم اجلاس، پلاننگ ونگ کی کارکردگی کا جائزہ لیا گیا آئندہ انتخابات میں جماعت اسلامی ملک کی بڑی سیاسی جماعت بن کر ابھرے گی،ڈاکٹر طارق سلیم اسلام آباد ہائیکورٹ میں بانی پی ٹی آئی کے طبی معائنے کیلئے درخواست دائر بھارت نے رات کے اندھیرے میں حملہ کرکے جنگ چھیڑی اور پھر پاکستان نے اسے مکمل کیا، بلاول بھٹو بھارت کی جانب سے دریائے ستلج میں پانی چھوڑے جانے کا خدشہ، پی ڈی ایم اے کا الرٹ جاریCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: پاکستان نے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ