لاہور سے راولپنڈی جانے والی ٹرین خوفناک حادثے سے بال بال بچ گئی
اشاعت کی تاریخ: 12th, August 2025 GMT
لاہور سے راولپنڈی جانے والی ریل کار ’سبک رفتار‘ بڑے حادثے سے بال بال بچ گئی۔
رپورٹ کے مطابق ریلوے ذرائع نے کہا کہ کامونکی ایمن آباد کے درمیان پٹری ٹوٹی ہوئی تھی، ریلوے عملے کو پیٹرولنگ کے دوران ٹریک کا ٹوٹا ہوا حصہ ملا، ریلوے عملے نے ٹریک کے ٹوٹنے کی بروقت اطلاع کی۔
ذرائع نے بتایا کہ اس دوران راولپنڈی جانے والی ریل کار سبک رفتار وہاں سے گزرنے والی تھی،
ریلوے کے عملے کی اطلاع پر ٹرین کو فوری روک دیا گیا۔
ذرائع نے کہا کہ ٹریک کی مرمت کے بعد ٹرین کو راولپنڈی کے لئے روانہ کر دیا گیا، اس سے قبل یکم اگست کو اسلام آباد ایکسپریس ٹرین بھی اسی طرح حادثے کا شکار ہوئی تھی۔
ذرائع نے کہا کہ ریلوے کی جوائنٹ سرٹیفکیٹ رپورٹ میں بتایا گیا تھا کہ ریل کے ٹوٹنے کی وجہ سے ٹرین کی 5 بوگیاں پٹری سے اتریں۔
.ذریعہ: Express News
پڑھیں:
روہڑی سے شروع ہونے والی جمالو اور سفاری ٹرین کے منصوبے سے متعلق اجلاس
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت )عوامی سہولت اور سیاحتی فروغ کے لیے روہڑی سے شروع ہونے والی “جمالو” اور “سفاری ٹرین” کے منصوبے سے متعلق ایک اہم اجلاس چیئرمین ڈسٹرکٹ کونسل سکھر سید کمیل حیدر شاہ کی صدارت میں منعقد ہوا۔اجلاس میں ڈپٹی میئر سکھر ارشد مغل، ڈائریکٹر لوکل گورنمنٹ ظفر اقبال پھلپوٹو، میونسپل کمشنر علی رضا انصاری، فوکل پرسن وزیر بلدیات عرفان داؤد پوٹو، ٹاؤن چیئرمین مکی شاہ محمد دین، ٹاؤن چیئرمین جیئے شاہ عزیز اللہ مغل، ٹاؤن چیئرمین نثار صدیقی، طارق حسین چوہان، چیئرمین میونسپل کمیٹی روہڑی میر یعقوب علی شاہ کے علاوہ صالح پٹ، باگڑجی، کنڈھرا کے بلدیاتی نمائندگان اور افسران نے شرکت کی۔اجلاس کے دوران چیف آفیسر ضلع کونسل لالا ظفر اقبال نے جمالو ٹرین منصوبے سے متعلق تفصیلی بریفنگ دی۔ اجلاس میں ضلعی کونسل کے ساتھ ساتھ سکھر کی تمام میونسپل اور ٹاؤن کمیٹیوں کے اشتراک سے چلائے جانے والے جمالو ٹرین منصوبے کو سراہا گیا اور تمام بلدیاتی نمائندگان نے منصوبے پر مکمل اتفاقِ رائے کا اظہار کیا۔اس موقع پر چیئرمین ڈسٹرکٹ کونسل سکھر سید کمیل حیدر شاہ نے کہا کہ سکھر میں سیاحت کے فروغ اور عوام کے لیے صحت مند تفریحی سرگرمیوں کے فروغ کے لیے ضلعی سطح پر اہم اقدامات کیے جا رہے ہیں۔ ان کا کہنا تھا کہ جمالو ٹرین کے آغاز سے تاریخی شہروں سکھر اور روہڑی میں سیاحتی سرگرمیوں کو فروغ ملے گا۔سید کمیل حیدر شاہ نے مزید بتایا کہ لینسڈاؤن برج ایک تاریخی پل ہے، جس پر جمالو ٹرین کے لیے پلیٹ فارم کے ساتھ ایک خوبصورت پارک بھی تعمیر کیا جا رہا ہے۔ انہوں نے یہ بھی اعلان کیا کہ جمالو ٹرین کے ساتھ ساتھ سفاری ٹرین کا منصوبہ بھی شروع کیا جائے گا۔اجلاس میں شریک مختلف ٹاؤنز اور کمیٹیوں کے چیئرمینوں نے ڈسٹرکٹ چیئرمین سکھر سید کمیل حیدر شاہ کے جاری عوامی منصوبوں کو سراہا اور یقین دلایا کہ وہ جمالو ٹرین منصوبے میں ڈسٹرکٹ کونسل کے ساتھ بھرپور تعاون کریں گے۔
اسد قیصر، شبلی فراز، عمر ایوب سمیت پی ٹی آئی رہنماﺅں کے وارنٹ گرفتاری