عظیم صوفی بزرگ داتا علی ہجویری کے3روزہ عرس کی تقریبات کا آغاز
اشاعت کی تاریخ: 13th, August 2025 GMT
عظیم صوفی بزرگ داتا علی ہجویری کے3روزہ عرس کی تقریبات کا آغاز WhatsAppFacebookTwitter 0 13 August, 2025 سب نیوز
لاہور(سب نیوز)عظیم صوفی بزرگ حضرت داتا علی ہجویری کے 982 ویں عرس کی 3 روزہ تقریبات کا آج سے آغاز ہوگیا ہے، اس موقع پر سکیورٹی کے سخت انتظامات کئے گئے ہیں۔
لاہور جن کی نسبت سے داتا کی نگری کہلاتا ہے، ان کا نام علی بن عثمان ہجویری المعروف داتا صاحب ہے، حضرت علی ہجویری تقریبا 1 ہزار سال قبل افغانستان سے لاہور تشریف لائے اور بھاٹی دروازے کے قریب قیام فرمایا، اپنے اخلاق اور حسنِ کردار سے غیر مسلموں کو گرویدہ اسلام کیا، ان کی بے مثل تصنیف کشف المحجوب تصوف پر سند قرار دی جاتی ہے۔لاہور میں حضرت داتا گنج بخش کے 982 ویں عرس کی تین روزہ تقریبات کا باقاعدہ آغاز کر دیا گیا ہے۔
نائب وزیراعظم اسحاق ڈار نے داتا گنج بخش کے عرس کی تقریبات کا افتتاح کیا، چادر چڑھائی اور فاتحہ خوانی کی، اس موقع پر وفاقی وزیر عبدالعلیم خان اور صوبائی وزیر بلال یاسین بھی موجود تھے۔حضرت داتا گنج بخش کے عرس کے سلسلے میں پنجاب سمیت ملک بھر سے زائرین کی آمد کا سلسلہ جاری ہے، عرس کی تقریبات 13 تا 15 اگست تک جاری رہیں گی، عرس کے دوران قرات، نعت خوانی اور سماع کی محفلیں عروج پر ہوں گی۔
عرس کے موقع پر آنے والے زائرین کیلئے لنگر کے انتظامات مکمل ہیں، دودھ کی سبیلیں بھی لگائی جا رہی ہیں، مٹھائیوں اور دیگر اشیا کی دکانیں بھی سج گئی ہیں۔اس موقع پر ڈی آئی جی آپریشنز فیصل کامران نے دربار کے اطراف کا دورہ کیا اور زائرین کے داخلی و خارجی راستوں کا معائنہ کیا، ڈی آئی جی آپریشنز نے افسران کو حفاظتی انتظامات مزید سخت کرنے کی ہدایات دیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربانی پی ٹی آئی سے رفقا کی ملاقات کا دن، 6افراد کی فہرست جیل حکام کو بھجوا دی گئی بانی پی ٹی آئی سے رفقا کی ملاقات کا دن، 6افراد کی فہرست جیل حکام کو بھجوا دی گئی بھارت کا کولگام آپریشن ناکام، 12دنوں میں 9فوجی ہلاک، مٹی کھانے پر مجبور فیلڈ مارشل عاصم منیر کو خراج تحسین پیش کرنے کیلئے پنجاب اسمبلی میں قرارداد جمع کبھی طالبان کو سپورٹ کیا نہ آئندہ کرینگے، صوبائی حکومت نے کسی آپریشن کی اجازت نہیں دی، جنید اکبر موڈیز کا پاکستانی معیشت پر اعتماد کا اظہار، ریٹنگ اور کریڈٹ آوٹ لک بہتر کر دی پنجاب کیلئے شہباز اسپیڈ اور کراچی کو شہباز سلو مل گیا، بلاول بھٹو کا وزیراعظم پر طنزCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: عرس کی تقریبات علی ہجویری تقریبات کا
پڑھیں:
پنجاب بھر میں ورلڈ ٹورازم ڈے 2025 کی مناسبت سے شاندار تقریبات: الحمرا آرٹس کونسل میں مرکزی تقریب، میگنیفیسنٹ پنجاب ایپ اور "ٹورازم آن وہیلز" لانچ
ورلڈ ٹورازم ڈے 2025 کے موقع پر لاہور میں محکمہ سیاحت، آرکیالوجی اینڈ میوزیمز پنجاب اور اس کے ذیلی اداروں کی جانب سے شاندار تقریبات کا انعقاد کیا گیا جن میں الحمرا آرٹس کونسل، علامہ اقبال میوزیم (جاوید منزل) اور لاہور میوزیم میں مرکزی و خصوصی تقریبات منعقد ہوئیں۔ ان تقریبات میں سیاحت، ثقافت اور پائیدار ترقی کے حوالے سے نئے اقدامات متعارف کرائے گئے جن میں عوامی شمولیت کو بھی یقینی بنایا گیا۔
مرکزی تقریب لاہور الحمرا آرٹس کونسل میں منعقد ہوئی، جہاں پنجاب ٹورازم کی نئی ایپ اور ٹی ڈی سی پی کی ویب سائٹ لانچ کی گئی جس کے ذریعے سیاحتی معلومات اور سہولیات محض ایک کلک پر دستیاب ہوں گی۔ "ٹورازم آن وہیلز" منصوبے کا آغاز کیا گیا۔ اسی طرح "کیمپنگ گالا" کا اعلان کیا گیا تاکہ ایڈونچر اور ماحولیاتی سیاحت کو فروغ دیا جا سکے۔ تقریب میں پنجاب ٹورازم پر ڈاکیومنٹری اور خصوصی "پنجاب ٹورازم سونگ" بھی پیش کیا گیا جسے شرکاء نے بھرپور داد دی۔
تقریب میں ٹی ڈی سی پی اور انسپکٹریٹ آف پریزنز پنجاب کے مابین ایم او یو پر دستخط ہوئے، جس کے قیدیوں کو ہاسپیٹیلٹی کے شعبے میں فنی تربیت فراہم کی جائے گی۔ تقریب میں سیاحت اور ہاسپیٹیلٹی انڈسٹری کے فروغ کے لیے نجی شعبے کی شراکت داری پر زور دیا گیا جبکہ مکڈونلڈز پاکستان کے چیف مارکیٹنگ آفیسر رضا علی اور پنجاب یونیورسٹی کے ڈین پروفیسر ڈاکٹر ساجد رشید نے بھی خطاب کیا۔
ڈائریکٹوریٹ جنرل آف آرکیالوجی پنجاب نے ورلڈ ٹورازم ڈے کی خصوصی تقریب علامہ اقبال میوزیم (جاوید منزل) میں منعقد کی۔ تقریب کا آغاز پرچم کشائی اور قومی ترانے سے ہوا جس کی قیادت سیکریٹری ٹورزم، آرکیالوجی اینڈ میوزیمز ڈاکٹر احسان بھٹہ اور ڈی جی آرکیالوجی زہیر عباس ملک نے کی۔ اس موقع پر ثقافتی و ملی پروگرامز، اسناد کی تقسیم کا اہتمام بھی کیا گیا۔
لاہور میوزیم میں ورلڈ ٹورازم ڈے کی مناسبت سے خصوصی فوٹوگرافی نمائش کا انعقاد کیا گیا جس میں جنوبی پنجاب کی 120 سے زائد تاریخی عمارتوں اور ورثے کی تصاویر آویزاں کی گئیں۔ افتتاح سری لنکا کے ہائی کمشنر ریئر ایڈمرل فریڈ سینی ویراتنے نے کیا جبکہ ڈپٹی ہیڈ آف مشن اے کرسٹی روبن اور سیکریٹری ٹورازم ڈاکٹر احسان بھٹہ نے بھی خصوصی شرکت کی۔ نمائش میں جنوبی پنجاب کے ثقافتی ورثے اور فنِ تعمیر کو اجاگر کیا گیا اور میوزیم ملازمین کو بہترین خدمات پر تعریفی اسناد بھی دی گئیں۔
ورلڈ ٹورازم ڈے کی تقریبات کے حصے کے طور پر نیشنل آؤٹ ریچ پروگرام کے شرکاء نے لاہور کے تاریخی ورثے کو دریافت کرنے کے لیے ٹی ڈی سی پی کی Sightseeing ڈبل ڈیکر بس پر خصوصی ٹور کیا۔ اس سیاحتی سفر میں انہوں نے 1849 میں تعمیر ہونے والے پونچ ہاؤس اور اس میں قائم بھگت سنگھ آرٹ گیلری کا دورہ کیا۔ پونچ ہاؤس وہی مقام ہے جہاں 1931 میں بھگت سنگھ کا مقدمہ چلایا گیا تھا۔ شرکاء نے حکومتِ پنجاب کی جانب سے پونچ ہاؤس کی بحالی کے اقدامات کو سراہا اور ڈبل ڈیکر بس سروس کی معیاری خدمات کو ایک یادگار اور خوشگوار تجربہ قرار دیا۔
ورلڈ ٹورازم ڈے کی تقریبات میں سیاحوں اور عام شہریوں کی دلچسپی بڑھانے کے لیے آگاہی سیشنز، واکس اور سیاحتی سرگرمیوں کا انعقاد کیا گیا۔ اس دوران بانسری کی دھنوں، روایتی بھنگڑا پرفارمنس اور دیگر ثقافتی پروگراموں نے ماحول کو خوشگوار اور رنگین بنا دیا۔
سیکرٹری ٹورزم، آرکیالوجی اینڈ میوزیمز ڈاکٹر احسان بھٹہ نے اپنے خطاب میں کہا کہ وزیراعلیٰ پنجاب محترمہ مریم نواز شریف کے وژن اور سینئر وزیر محترمہ مریم اورنگزیب کی رہنمائی میں سیاحت کو پنجاب کی معیشت میں نئی روح پھونکنے کے لیے عملی اقدامات کیے جا رہے ہیں۔ انہوں نے کہا کہ "سیاحت نہ صرف ہمارے تاریخی ورثے اور ثقافت کو اجاگر کرتی ہے بلکہ پائیدار ترقی، روزگار کے مواقع اور مقامی معیشت کے فروغ کا بھی ایک مضبوط ذریعہ ہے۔"
شرکاء نے پنجاب حکومت کے ان اقدامات کو سراہتے ہوئے کہا کہ ورلڈ ٹورازم ڈے کی یہ تقریبات عوامی شمولیت، ثقافتی سرگرمیوں اور نئے سیاحتی منصوبوں کی بدولت ایک یادگار دن ثابت ہوئیں۔
گلگت بلتستان وفاقی سازشوں کے شکنجے میں ایک تفصیلی جائزہ