جشن آزادی اور معرکہ حق میں تاریخی کامیابی پر قوم کو مبارکباد پیش کرتے ہیں: امیر مقام
اشاعت کی تاریخ: 14th, August 2025 GMT
وفاقی وزیر امیر مقام—فائل فوٹو
مسلم لیگ ن خیبر پختون خوا سیکریٹریٹ پشاور میں جشنِ آزادی کی تقریب منعقد ہوئی۔
اس موقع پر خطاب کرتے ہوئے پارٹی رہنما اور وفاقی وزیر برائے امورِ کشمیر امیر مقام نے کہا کہ جشنِ آزادی اور معرکۂ حق میں تاریخی کامیابی پر قوم کو مبارک باد پیش کرتے ہیں۔
انہوں نے کہا کہ چند گھنٹوں میں بھارتی طیاروں کو بھی گرا دیا اور دشمن کی تنصیبات کو تباہ بھی کر دیا گیا۔
وفاقی وزیر امور کشمیر نے مزید کہا کہ پاک فوج نے چند گھنٹوں میں دشمن کو گھٹنے ٹیکنے پر مجبور کر دیا، وزیراعظم شہباز شریف کی قیادت میں ملک ترقی کی راہ پر گامزن ہے۔
امیر مقام نے یہ بھی کہا ہے کہ ایک ایسی پارٹی بھی ہےجو کشمیریوں کے ساتھ اظہارِ یکجہتی کے بجائے اپنے لیڈر کا دن مناتی ہے، آپ کو اپنے لیڈر کے لیے نکلنا ہے تو اس کے لیے اور دن بھی موجود ہیں۔
.ذریعہ: Jang News
پڑھیں:
پاکستان کی مسلح افواج کی جانب سے قوم کو یومِ آزادی کی مبارکباد، اتحاد اور ترقی کے عزم کا اعادہ
پاکستان کی مسلح افواج نے ملک کے 78ویں یومِ آزادی کے موقع پر قوم کو پُرخلوص مبارکباد پیش کرتے ہوئے بانیانِ پاکستان کو خراجِ عقیدت اور ملکی خودمختاری کے تحفظ کے عزم کو دہرایا۔ چیف آف آرمی اسٹاف فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، چیف آف دی نیول اسٹاف ایڈمرل نوید اشرف اور چیف آف دی ایئر اسٹاف ایئر چیف مارشل ظہیر احمد بابر سدھو نے اپنے مشترکہ پیغام میں کہا کہ یہ دن اتحاد، استقامت اور ایک روشن مستقبل کے لیے غیر متزلزل عزم کی علامت ہے۔
بیان میں کہا گیا کہ ہم قائداعظم محمد علی جناح کی ولولہ انگیز قیادت میں دی گئی لازوال قربانیوں کو سلام پیش کرتے ہیں جنہوں نے آزادی کی راہ ہموار کی۔ عوام اور مسلح افواج کے درمیان اٹوٹ رشتہ ہماری اجتماعی طاقت کی بنیاد ہے۔ قومی سلامتی کے محافظ ہونے کے ناطے مسلح افواج پاکستان کی خودمختاری، جغرافیائی سالمیت اور آئین کی پاسداری کے عزم پر قائم ہیں۔
بیان کے اختتام پر امن، ترقی اور یکجہتی کے لیے عزم کی تجدید کرتے ہوئے “پاکستان زندہ باد” اور “پاکستان پائندہ باد” کے نعروں کے ساتھ قوم کو مبارکباد پیش کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سندھ؛ ورکرز ویلفیئر بورڈ اجلاس میں مالی سال 2025-26 کا بجٹ منظور