جشن آزادی پاکستان: برج خلیفہ پاکستانی رنگوں سے جگمگا اٹھا
اشاعت کی تاریخ: 14th, August 2025 GMT
متحدہ عرب امارات میں پاکستان کے 78 ویں یومِ آزادی کی تقریبات نے ایک شاندار منظر اس وقت پیش کیا جب دنیا کی بلند ترین عمارت ’برج خلیفہ‘ کو سبز ہلالی پرچم کے رنگوں سے روشن کیا گیا۔
پاکستان کی آزادی کی خوشیاں سرحدوں سے نکل کر دبئی کی فضاؤں میں بلند ہوگئیں۔ سبز و سفید روشنیوں سے جگمگاتا برج خلیفہ قومی جوش و خروش کی علامت بن گیا۔
20:10 پر پاکستانی پرچم برج خلیفہ پر دیکھا گیا ہے pic.
— ????????شہزاد ???????? (@chib_rajpoot1) August 14, 2025
تقریب کے موقع پر ہزاروں بڑی تعداد میں پاکستانیوں سمیت دیگر مسلمان کمیونیٹیز کے افراد نے عمارت کے سامنے جمع ہوکر یہ نظارہ دیکھا۔ جیسے ہی برج خلیفہ پاکستانی پرچم کے رنگوں میں رنگا گیا، فضا میں ’پاکستان زندہ باد‘ کے نعرے گونجنے لگے۔ اور قومی ترانے کی دُھنوں نے ماحول کو مزید جذبے سے بھر دیا۔
شرکا میں خواتین، بچے اور مرد سب نے قومی جوش و جذبے کے ساتھ شرکت کی۔ بچے قومی پرچم کے رنگوں کے لباس میں ملبوس تھے، خواتین نے سبز و سفید چوڑیاں پہنی ہوئی تھیں اور مرد حضرات ہاتھوں میں پاکستانی پرچم لہرا رہے تھے۔ تقریب میں آتش بازی کا خوبصورت مظاہرہ بھی کیا گیا جس نے حاضرین کو محظوظ کردیا۔
یہ بھی پڑھیں: نئی دہلی: پاکستانی ہائی کمیشن میں یوم آزادی کی تقریب، پرچم کشائی کی گئی
شرکا کا کہنا تھا کہ آزادی ایک عظیم نعمت ہے، جس کی قدر پردیس میں رہ کر اور زیادہ محسوس ہوتی ہے۔ ان کے مطابق، برج خلیفہ پر پاکستانی کمیونٹی کی یکجہتی، محبت اور نظم و ضبط اس بات کا عملی ثبوت ہے کہ پاکستان صرف ایک ملک نہیں، بلکہ ایک جذبہ اور پہچان ہے جو دنیا کے ہر حصے میں بسنے والے پاکستانیوں کے دلوں میں روشن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews برج خلیفہ جشن آزادی پاکستان سبز ہلالی پرچم متحدہ عرب امارات وی نیوز یو اے ایذریعہ: WE News
کلیدی لفظ: برج خلیفہ جشن ا زادی پاکستان سبز ہلالی پرچم متحدہ عرب امارات وی نیوز یو اے ای برج خلیفہ
پڑھیں:
پاکستانی فوج کا امریکی سرمایہ کاری سے ایک نئی بندرگاہ بنانے کا منصوبہ؟
اسلام آباد (اُردو پوائنٹ ۔ DW اردو۔ 04 اکتوبر 2025ء) فناننشل ٹائمز کی ایک رپورٹ میں دعویٰ کیا گیا ہے کہ پاکستانی فوج کے سربراہ فیلڈ مارشل عاصم منیر کے مشیروں نے امریکی حکام کے سامنے ایک پیشکش رکھی ہے، جس میں بحیرہ عرب میں ایک نئی بندرگاہ تعمیر کرنے اور اس کے انتظام و انصرام کی ذمہ داری امریکی سرمایہ کاروں کو دینے کی تجویز دی گئی ہے۔
فناننشل ٹائمز کی اس رپورٹ کے مطابق یہ پیشکش ایک ایسے منصوبے کے تحت کی گئی ہے، جو پاکستان کے معدنی وسائل تک رسائی کے لیے اہم ثابت ہو سکتا ہے۔ اس منصوبے کے مطابق امریکی سرمایہ کار بلوچستان کے ضلع گوادر کے بندرگاہی شہر پسنی میں ایک ٹرمینل تعمیر کریں گے اور اسے چلائیں گے۔ پسنی شہر ایران اور افغانستان کی سرحد کے قریب واقع ہے اور اس کے معدنی وسائل کی دولت پاکستان کے لیے معاشی اہمیت رکھتی ہے۔
(جاری ہے)
یہ پیشکش اس ملاقات کے بعد سامنے آئی ہے، جس میں فیلڈ مارشل عاصم منیر اور وزیراعظم شہباز شریف نے ستمبر میں وائٹ ہاؤس میں امریکی صدر ڈونلڈ ٹرمپ سے ملاقات کی تھی۔ اس ملاقات میں وزیراعظم شہباز شریف نے امریکی کمپنیوں سے زراعت، ٹیکنالوجی، کان کنی اور توانائی کے شعبوں میں سرمایہ کاری کی درخواست کی تھی۔
اس مبینہ منصوبے کا فائدہ کیا ہو گا؟فناننشل ٹائمز کے مطابق یہ تجویز بعض امریکی حکام کے سامنے رکھی گئی اور فیلڈ مارشل منیر کو اس بارے میں آگاہ کیا گیا تاکہ وہ وائٹ ہاؤس میں ٹرمپ سے ملاقات کے دوران اسے زیربحث لا سکیں۔
اہم بات یہ ہے کہ اس منصوبے میں مجوزہ بندرگاہ کو کسی بھی امریکی فوجی اڈے کے لیے استعمال کرنے کی اجازت نہیں دی گئی بلکہ اس منصوبے کا مقصد ترقیاتی مالی اعانت حاصل کرنا اور بندرگاہ کو ریلوے کے ذریعے معدنی وسائل سے مالا مال صوبے بلوچستان کے دیگر علاقوں سے جوڑنا ہے تاکہ پاکستان کی اقتصادی ترقی میں اضافہ ہو۔
خبر رساں ادارہ روئٹرز فوری طور پر اس منصوبے کی تصدیق نہیں کر سکا ہے۔
امریکی محکمہ خارجہ، وائٹ ہاؤس اور پاکستان کی وزارت خارجہ نے بھی اس بارے میں فوری تبصرہ نہیں کیا ہے اور پاکستانی فوج سے بھی رابطہ ممکن نہیں ہو سکا۔ماہرین کا کہنا ہے کہ اس طرح کے منصوبے کی بدولت پاکستان کو مغربی ممالک سے براہ راست سرمایہ کاری کے مواقع بڑھ سکتے ہیں اور ملک کے معدنی وسائل کے مؤثر استعمال کے ذریعے اقتصادی ترقی میں تیزی آ سکتی ہے۔ اس کے علاوہ یہ منصوبہ بلوچستان کے انفراسٹرکچر کے فروغ اور مقامی روزگار کے مواقع پیدا کرنے میں بھی مددگار ثابت ہو سکتا ہے۔
پاک،امریکا بہتر تعلقات بڑی کامیابی، فوری فوائد کا امکان نہیں