خیبر پختونخوا امریکہ، اسرائیل مردہ باد کے نعروں سے گونج اٹھا
اشاعت کی تاریخ: 3rd, October 2025 GMT
اسلام ٹائمز: اس موقع پر مظاہرین سے خطاب کرتے ہوئے امیر جماعت اسلامی خیبر پختونخوا وسطی عبدالواسع نے کہا کہ اسرائیل کے حوالے ہماری شروع دن سے یہی پالیسی ہے کہ اسرائیل ایک ناجائز ریاست ہے اور آج ہمارے حکمران اسرائیل اور فلسطین کے حوالے سے دو ریاستی حل کی تجویز کی حمایت میں بول رہے ہیں، جو کہ بانی پاکستان کے ویژن کے منافی ہے، دنیا بھر میں جہاں بھی مسلمانوں کا خون گرتا ہے، اس میں امریکہ ملوث ملے گا اور امن نوبل انعام کا طلبگار ٹرمپ کے ہاتھ بھی مسلمانوں کے خون سے رنگے ہوئے ہیں، ہمارے حکمرانوں کا ایسے شخص کے لئے امن انعام کی سفارش لمحہ فکریہ ہے۔ رپورٹ: سید عدیل عباس
مظلومین غزہ و فلسطین کے لئے انسانی ہمدردی کی بنیاد پر دنیا بھر کے 44 ممالک سے تعلق رکھنے والے اراکین پارلیمنٹ اور سماجی کارکنان کی جانب سے پرامن طور پر خوراک اور ادویات غزہ لے کر جانے والے گلوبل صمود فلوٹیلا پر فلسطین کے قریب عالمی پانیوں کی حدود میں اسرائیلی نیوی کی جارحیت اور اس عظیم مشن میں شامل جماعت اسلامی پاکستان کے سابق سینیٹر مشتاق احمد خان سمیت صمود فلوٹیلا کے دیگر شرکاء کی غیر قانونی گرفتاری کے خلاف امیر جماعت اسلامی پاکستان حافظ نعیم الرحمٰن کی کال پر ملک بھر کی طرح خیبر پختونخوا کے طول و عرض میں بھرپور احتجاجی مظاہرے کئے گئے۔ اس سلسلے میں جماعت اسلامی کے سابق رکن قومی اسمبلی اور صوبائی جنرل سیکرٹری صابر حسین اعوان اور ضلعی امیر بحراللہ خان ایڈوکیٹ کی قیادت میں نماز جمعہ کے بعد پشاور کی جامع مسجد درویش کینٹ سے ایک بڑی احتجاجی ریلی نکالی گئی، جو خانہ فرہنگ ایران، پشاور کلب، چرچ روڈ اور ایئرپورٹ روڈ سے ہوتی ہوئی امریکی قونصلیٹ کے سامنے شمع چوک پہنچی۔
جہاں پر احتجاجی جلسے سے جماعت اسلامی کے قائدین نے خطاب کرتے ہوئے کہا کہ گذشتہ روز مظلومین غزہ کے لئے خوراک اور ادویات لے جانے والی گلوبل صمود فلوٹیلا پر اسرائیلی نیوی نے عالمی قوانین کے خلاف ایک ایسے مقام پر حملہ کیا جو ان کی حدود سے باہر تھا۔ ایک طرف اسرائیل گذشتہ دو سالوں سے غزہ اور فلسطین میں معصوم بچوں، خواتین اور نہتے فلسطینیوں کے قتل عام میں ملوث ہے جس نے اب تک 80 ہزار بے گناہ شہریوں کو شہید ایک لاکھ سے زائد کو زخمی یا مغذور کیا ہے اور غزہ میں خوراک، ادویات اور رسد پہنچانے کے تمام راستے بند کر رکھے ہیں، جبکہ دوسری طرف طرف امریکی صدر ٹرمپ ان تمام مظالم اور انسانیت سوز مظالم میں اسرائیل اور نینتن یاہو کا سب سے بڑا سہولت کار کا کردار ادا کر رہا ہے۔ علاوہ ازیں مردان میں بھی امیر جماعت اسلامی خیبر پختونخوا وسطی عبدالواسع اور ضلعی امیر غلام رسول کی قیادت میں ایک بڑی احتجاجی ریلی نکالی گئی، جس میں دیگر مذہبی و سیاسی جماعتوں کے قائدین و کارکنان اور تاجروں نے کثیر تعداد میں شرکت کی۔
اس موقع پر مظاہرین سے خطاب کرتے ہوئے امیر جماعت اسلامی خیبر پختونخوا وسطی عبدالواسع نے کہا کہ اسرائیل کے حوالے ہماری شروع دن سے یہی پالیسی ہے کہ اسرائیل ایک ناجائز ریاست ہے اور آج ہمارے حکمران اسرائیل اور فلسطین کے حوالے سے دو ریاستی حل کی تجویز کی حمایت میں بول رہے ہیں، جو کہ بانی پاکستان کے ویژن کے منافی ہے، دنیا بھر میں جہاں بھی مسلمانوں کا خون گرتا ہے، اس میں امریکہ ملوث ملے گا اور امن نوبل انعام کا طلبگار ٹرمپ کے ہاتھ بھی مسلمانوں کے خون سے رنگے ہوئے ہیں، ہمارے حکمرانوں کا ایسے شخص کے لئے امن انعام کی سفارش لمحہ فکریہ ہے۔ جماعت اسلامی کے تحت صوابی میں امیر ضلع مفتی مراد احمد کی قیادت میں احتجاجی ریلی نکالی گئی، باڑہ خیبر میں ضلعی امیر شاہ فیصل آفریدی، شبقدر میں ضلع چارسدہ کے امیر شاہ حسین ایڈووکیٹ، میاں منڈی مہمند میں امیر ضلع ملک سعید خان، نوشہرہ میں ضلعی امیر حاجی عنایت الرحمان کی قیادت میں گلوبل صمود فلوٹیلا پر اسراِیلی جارحیت کے خلاف زبردست احتجاجی مظاہرے کئے گئے۔
جن سے مقررین نے خطاب کرتے یوئے کہا کہ گلوبل صمود فلوٹیلا انسانیت کا کاروان تھا، جسے طاقت کے ذریعے دبانے کی کوشش ظلم اور انسانیت دشمنی ہے۔ مقررین نے کہا کہ جماعت اسلامی کے سینیٹر مشتاق احمد خان 25 کروڑ پاکستانی عوام کا نمائندہ بن چکا ہے، اسرائیل کو تسلیم کرنے کی کوشش کی گئی تو گلی کوچوں میں عوام سراپا احتجاج ہوگی۔ مقررین نے کہا کہ فارم 47 کی حکومت اسرائیل کو تسلیم کرنے کی مجاز نہیں، کیونکہ پاکستانی عوام اسرائیل کو کسی صورت تسلیم کرنے کے لئے تیار نہیں ہیں۔ مشتاق احمد خان نے جرات اور استقامت کے ذریعے خود کو عالم اسلام کا حقیقی نمائندہ ثابت کر دیا۔ کرک میں احتجاجی مظاہرے کی قیادت جماعت اسلامی خیبر پختونخوا جنوبی کے سیکرٹری جنرل محمد ظہور خٹک، قائم مقام امیر ضلع پروفیسر ڈاکٹر اظہار الحق اور سیکرٹری جنرل اعجاز قمر نے کی۔ مظاہرین نے اسرائیلی جارحیت، نیتن یاہو اور ڈونلڈ ٹرمپ کے خلاف شدید نعرے بازی کی۔
مظاہرین سے خطاب کرتے ہوئے صوبائی سیکرٹری جنرل محمد ظہور خٹک نے کہا کہ غزہ کے محصور عوام کے لیے خوراک، ادویات اور دیگر ضروری اشیاء لے کر جانے والا عالمی صمود فریڈم فلوٹیلا اسرائیلی جارحیت کی نذر ہوگیا۔ انسانی ہمدردی کے اس مشن پر حملہ عالمی قوانین، انسانی اقدار اور بنیادی انسانی حقوق کی سنگین خلاف ورزی ہے۔ امریکی صدر ڈونلڈ ٹرمپ کی جانب سے پیش کردہ "امن منصوبہ" دراصل فلسطینی عوام کے حقوق پر ڈاکہ اور اسرائیلی قبضے کو قانونی جواز فراہم کرنے کی کوشش ہے، حماس اور غزہ کے عوام کو اعتماد میں لیے بنا کسی نام نہاد امن معاہدے کو تسلیم نہیں کرتے۔ کوہاٹ میں جماعتِ اسلامی خیبر پختونخوا جنوبی کے نائب امیر مولانا محمد تسلیم اقبال، ضلعی امیر شمروز خان اور سیکرٹری جنرل محمد نظیف کی قیادت میں پریس کلب کے سامنے احتجاجی مظاہرہ ہوا۔ اس موقع پر مقررین نے خطاب کرتے ہوئے کہا کہ اسرائیل امریکہ کا لاڈلہ ہے، اس لیے عالمی قوانین کو خاطر میں نہیں لاتا۔
اسی سلسلے میں بنوں میں بھی نائب امیر حاجی اختر علی شاہ، امیر ضلع مفتی عارف اللہ اور سیکرٹری جنرل اعجاز الحق سورانی و دیگر کی قیادت میں احتجاجی پریس کلب تک احتجاج کیا گیا۔ مظاہرین نے اسرائیل کے خلاف شدید نعرے بازی کی۔ اس کے علاوہ لکی مروت، ڈیرہ اسماعیل خان، ٹانک سمیت شمالی و جنوبی وزیرستان میں بھی احتجاج ہوا۔ اس موقع پر مقررین نے کہا کہ پاکستان کے حکمران فلسطین پر قائد اعظم کے مؤقف سے پیچھے ہٹ گئے ہیں۔ فلسطین کے مسئلے کا کوئی دو ریاستی حل نہیں ہے۔ ایک ریاست فلسطین ہی واحد حل ہے۔ اسرائیل نے جبر کے ذریعے فلسطین پر قبضہ جما رکھا ہے۔ رہنماوں کا کہنا تھا کہ اسرائیل نے غزہ کے عوام پر حیات تنگ کی، اب ان تک امدادی سامان پہنچانے والے صمود فلوٹیلا کو بھی جانے کی اجازت نہیں دے رہا۔ امدادی کارکنوں کی گرفتاری افسوسناک اور قابلِ مذمت ہے۔
ذریعہ: Islam Times
کلیدی لفظ: جماعت اسلامی خیبر پختونخوا گلوبل صمود فلوٹیلا امیر جماعت اسلامی جماعت اسلامی کے خطاب کرتے ہوئے سیکرٹری جنرل بھی مسلمانوں کی قیادت میں کہ اسرائیل پاکستان کے فلسطین کے نے کہا کہ کے حوالے کے خلاف غزہ کے کے لئے
پڑھیں:
گلوبل صمود فلوٹیلا پر اسرائیلی حملہ:جماعت اسلامی کا مظاہرہ احتجاجی مارچ میں تبدیل
data-id="863a0a8" data-element_type="widget" data-widget_type="theme-post-content.default">
251003-01-8
امیر جماعت اسلامی کراچی منعم ظفر خان گلوبل صمود فلوٹیلا پر اسرائیلی حملے کے خلاف ایم اے جناح روڈ پر احتجاجی مارچ کی قیادت کررہے ہیں
کراچی(اسٹاف رپورٹر)اہل غزہ کو امدادی سامان خوراک و ادویات پہنچانے والے کشتیوں کے قافلے گلوبل صمود فلوٹیلا پر اسرائیل کے حملے کے خلاف جماعت اسلامی کے تحت جمعرات کو نمائش چورنگی پر ہونے والا مظاہرہ مارچ میں تبدیل ہو گیا ۔ امیر جماعت اسلامی کراچی منعم ظفر خان کی قیادت میں شرکاء نے نمائش چورنگی تا سی بریز تک پیدل مارچ کیا ۔ امریکی سرپرستی
میں اسرائیلی جارحیت و دہشت گردی کے خلاف پُر جوش نعرے لگائے ،ڈونلڈ ٹرمپ کے نام نہاد امن معاہدے کو مسترد اور گلوبل صمود فلوٹیلاکے شرکاء کو گرفتار کرنے کی شدید مذمت کی گئی ،امیر جماعت اسلامی کراچی منعم ظفر خان نے احتجاجی مارچ کے شرکاء سے خطاب کرتے ہوئے کہا کہ گزشتہ شب اسرائیل نے کھلی دہشت گردی کا مظاہرہ کرتے ہوئے گلوبل صمود فلوٹیلا اور اس میں شریک 44 ممالک کے 500 سے زائد افرادکو گرفتار کرلیا۔ شرم کا مقام ہے امریکا کے لیے اور ان لوگوں کے لیے بھی جو گلوبل صمود فلوٹیلا کے شرکاء کی گرفتاری کی مذمت نہیں کرتے اور امریکا سے دوستی کی پینگیں بڑھاتے ہیں۔ گلوبل صمود فلوٹیلا غزہ کے لوگوں کے لیے خوراک اور ادویات پر مشتمل سامان لے کر جارہا تھا۔امیر جماعت اسلامی پاکستان حافظ نعیم الرحمن نے اعلان کیا ہے کہ جمعہ کے روز صمود فلوٹیلا پر اسرائیلی حملے اور شرکاء کی گرفتاریوں کے خلاف پورے ملک میں احتجاجی مظاہرے کیے جائیں گے۔ عوام کو بیدار کیا جائے گا کیونکہ ہمارے حکمران امریکا کے آگے گرے جارہے ہیں۔ 5 اکتوبر کو اہل کراچی لاکھوں کی تعداد میں شاہراہِ فیصل پر نکلیں گے اور اہل غزہ و فلسطین کو پیغام دیں گے کہ مزاحمت اور جدو جہد میں ہی زندگی ہے۔ انہوں نے کہا کہ فلسطین کے مسئلے پر اقوام متحدہ کہیں نظر نہیں آتی۔ کہاں ہے انٹر نیشنل کورٹ آف جسٹس؟کہاں ہے او آئی سی اور عالمی ادارے ؟ ان سارے لوگوں کو ڈوب کر مرجانا چاہیے جو ہزاروں فلسطینیوں کی شہادت کے بعد بھی جاگنے پر تیار نہیں ہے۔ ہم سلام پیش کرتے ہیں حماس کے مجاہدین کو جنہوں نے پیغام دیا ہے کہ ہم نے اپنی جانوں کی قربانیاں اس لیے نہیں دیں کہ ہتھیار ڈال دیں۔ 730 دن مکمل ہونے والے ہیں حماس کے مجاہدین اللہ کی نصرت کے ساتھ ڈٹے ہوئے ہیں۔ 730 دن گزرنے کے بعد بھی اسرائیل اپنے قیدیوں کو آزاد نہیں کرواسکا۔ اسرائیل کی بھول ہے کہ وہ غزہ پر اپنا تسلط قائم کرسکتا ہے ،انہوں نے مزید کہا کہ 2 سال کے عرصے میں 66 ہزار سے زائد فلسطینیوں کو شہید کردیا گیا ہے۔ فلسطینیوں کی پناگاہیں اور صحافی برادری بھی محفوظ نہیں ہے۔ فلسطین میں ڈھائی سو زائد صحافیوں کو بھی شہید کردیا گیا ہے۔ سیف الدین ایڈووکیٹ نے خطاب کرتے ہوئے کہا کہ ہم فلوٹیلا کے کارکنان کو سلام پیش کرتے ہیں جو پوری دنیا کے باضمیر لوگوں کی نمائندگی کررہے ہیں۔ فلوٹیلا کے کارکنان انسانیت کو زندہ رکھنے کے لیے صرف خوراک پہنچانے کے لیے جارہے تھے۔ اسرائیل نے 66 ہزار سے زائد فلسطینیوں کو شہید کردیا ہے۔ فلسطین میں اسپتالوں، مساجداور گھروں کو تباہ کردیا ہے۔ بد قسمتی سے مسلم ممالک خاموش تماشائی بنے ہوئے ہیں ، ہمارے دشمن امریکا و اسرائیل نہیں بلکہ مسلم امہ کے حکمران بھی ہیں۔حکمرانوں نے ٹرمپ کی جانب سے پیش کیے جانے والے معاہدے کی تائید معاہدہ آنے سے قبل ہی کردی۔ حکمران سن لیں کہ اگر پاکستان کی قومی پالیسی کے خلاف کوئی اقدام کیا گیا تو پورے ملک سے تحریک اُٹھے گی۔توفیق الدین صدیقی نے کہا کہ اسرائیل اور امریکا عالمی دہشت گرد ہیں ، اسرائیل جنگی جرائم کا ارتکاب کررہا ہے۔ پوری دنیا کے باضمیر انسان فلوٹیلا پر حملہ کی شدید مذمت کررہے ہیں۔ جماعت اسلامی اپنے احتجاج کے ذریعے امریکا اور اس کے حواریوں اور یو این او تک آواز پہنچائے گی۔ اسرائیل فلسطین میں بھوک کو ہتھیار کے طور پر استعمال کررہا ہے۔ہمارا عزم ہے کہ اسرائیل کا فلسطین پر قبضہ ضرور ختم ہوگا اور ہم بیت المقدس پر نماز شکرانہ ضرور پڑھیں گے۔ محمد فاروق نے کہا کہ گزشتہ رات گلوبل صمود فلوٹیلا پر اسرائیلی حملہ کے خلاف آج کراچی کے عوام سراپا احتجاج ہیں۔ ٹرمپ نے ایسا معاہدہ کیا جس میں حماس کو بطور فریق شامل ہی نہیں کیا گیا۔ گلوبل صمود فلوٹیلا فلسطین میں خوراک اور ادویات پر مشتمل سامان لے کر جارہا تھا۔ عالمی پانیوں میں گلوبل صمود فلوٹیلا پر حملہ اور شرکاء کو گرفتار کرنا قانون کی خلاف ورزی ہے۔ ہمارا مطالبہ ہے کہ جماعت اسلامی کے سابق سینیٹر مشتاق احمد خان سمیت قافلے کے تمام کارکنان کو رہا کیا جائے اور غزہ جانے کا راستہ دیا جائے۔ مارچ سے امیر ضلع کیماڑی مولانا فضل احد ودیگر نے بھی خطاب کیا ۔
اٹلی کی ضد اور فلسطین