کیا آپ بغیر سم کارڈ کے واٹس ایپ کا استعمال جانتے ہیں؟
اشاعت کی تاریخ: 16th, August 2025 GMT
کیا آپ جانتے ہیں کہ دنیا کی مقبول ترین میسیجنگ ایپ واٹس ایپ کا استعمال بغیر سم کارڈ بھی ممکن ہے؟
جی ہاں! اگر آپ بغیر کسی فون نمبر یا سم کارڈ کے واٹس ایپ استعمال کرنا چاہتے ہیں تو اس کیلئے ایک نہیں کئی طریقے کار ہیں۔
اگرچہ یہ حقیقت ہے کہ واٹس ایپ کو بغیر سم کارڈ کے استعمال کیا جا سکتا ہے لیکن اس کے باوجود ابتدائی تصدیق کیلئے آپ کو ایک نمبر کے اندراج کی ضرورت ہوگی لیکن ضروری نہیں کہ یہ نمبر آپ کے موبائل میں موجود سم کا ہی ہو، آپ تصدیق کے لیے لینڈ لائن نمبر، ورچوئل فون نمبرز یا پھر کسی دوسری ایکٹو سم رکھنے والی ڈیوائس کو بھی استعمال کرسکتے ہیں۔
ایک بار واٹس ایپ ایکٹیویٹ ہو جانے کے بعد، آپ کو اس ایپ کا استعمال جاری رکھنے کیلئے سم کارڈ کی ضرورت نہیں پڑے گی کیونکہ اس کے بعد یہ وائی فائی یا کسی بھی انٹرنیٹ کنکشن پر استعمال کیا جاسکتا ہے۔
لینڈ لائن نمبر کااستعمال
آپ اپنا واٹس ایپ ایکٹویٹ کرنے کے لیے لینڈ لائن نمبر کا استعمال کر سکتے ہیں اس کیلئے سب سے پہلے گوگل پلے یا ایپل اسٹور سے واٹس ایپ ڈاؤن لوڈ کریں، موبائل نمبر طلب کیے جانے پر اپنا لینڈ لائن نمبر درج کریں، اب ایس ایم ایس ویریفکیشن فیل ہونے کا انتظار کریں (چونکہ آپ کا لینڈ لائن نمبر ایس ایم ایس پیغامات وصول نہیں کر سکتا)۔
تصدیقی کوڈ کیلئے “call me ” کے آپشن کو منتخب کریں، سیٹ اپ مکمل کرنے کے لیے کوڈ درج کریں، ایک بار ویریفکیشن مکمل ہوجانے کے بعد آپ اپنے لینڈ لائن نمبر کے ذریعے واٹس ایپ استعمال کرسکیں گے۔
کیا آپ بغیر سم کارڈ کے واٹس ایپ کا استعمال جانتے ہیں؟
ورچوئل فون نمبر کا استعمال
بغیر سم کارڈ کے واٹس ایپ استعمال کرنے کا دوسرا طریقہ ورچوئل نمبر ہے ، یہ ورچوئل نمبر آن لائن کام کرتے ہیں ان نمبرز کے ذریعے بھی آپ ایس ایم ایس اور کالز وصول کر سکتے ہیں۔
Google Voice ، TextNow ، Dingtone کے ذریعے ورچوئل فون نمبر سروس سائن اپ کریں، اب ایک ورچوئل فون نمبر حاصل کرکے اسے نوٹ کرلیں اور واٹس ایپ اوپن کرکے نوٹ کیا گیا ورچوئل نمبر درج کریں، تصدیقی ایس ایم ایس کا انتظار کریں (یا ایس ایم ایس کی ویریفکیشن فیل ہونے پر “call me ” کو منتخب کریں) واٹس ایپ ایکٹو کرنے کیلئے موصول ہونے والا کوڈ درج کرکے بغیر سم واٹس ایپ استعمال کریں۔
دوست یا فیملی ممبر کا نمبر استعمال
اگر آپ کے پاس لینڈ لائن یا ورچوئل فون نمبر نہیں تو گھبرائیں نہیں آپ واٹس ایپ ویریفکیشن کیلئے کسی دوست یا فیملی ممبر کا فون نمبر بھی استعمال کر سکتے ہیں۔
سب سے پہلے کسی قابل بھروسہ دوست یا رشتے دار سے اجازت لیں کہ کیا آپ ویریفکیشن کیلئے ان کا فون نمبر استعمال کر سکتے ہیں، اب اپنی ڈیوائس پر انسٹال کیے گئے واٹس ایپ میں ان کا نمبر درج کریں، بذریعہ ایس ایم ایس تصدیقی کوڈ کے موصول ہونے کا انتظار کریں ،اور پھر یہ کوڈ واٹس ایپ پر درج کریں، واٹس ایپ کا استعمال شروع کریں لیکن دوسری ویریفکیشن سے بچنے کے لیے ایپ کو ری سیٹ یا دوبارہ انسٹال کرنے سے گریز کریں۔
اگر آپ واٹس ایپ کو بغیر سم کارڈ استعمال کرنا چاہتے ہیں تو یہ طریقہ سب سے کارآمد ہے، لیکن خیال رہے کہ اگر کسی دوسری ڈیوائس پر اس نمبر کی دوبارہ تصدیق کی گئی تو آپ کا واٹس ایپ لاگ آؤٹ ہو سکتاہے۔
دوسری ڈیوائس پر واٹس ایپ ویب یا لنکڈ ڈیوائسز کے ذریعے
واٹس ایپ لنکڈ ڈیوائسز کا فیچر متعارف کرواچکا ہے، لنکڈ ڈیوائسز فیچر کے تحت صارفین متعدد ڈیوائسز کو (بغیر سم کارڈ کے سیکنڈری ڈیوائس ) ایک ہی واٹس ایپ اکاؤنٹ سے منسلک کرسکتے ہیں۔
ذریعہ
ذریعہ: Daily Mumtaz
کلیدی لفظ: واٹس ایپ کا استعمال سم کارڈ کے واٹس ایپ واٹس ایپ استعمال ورچوئل فون نمبر بغیر سم کارڈ کے لینڈ لائن نمبر کر سکتے ہیں ایس ایم ایس استعمال کر کے ذریعے کے لیے
پڑھیں:
ستاروں کی روشنی میں آپ کا آج (جمعے) کا دن کیسا رہے گا ؟
ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ کو آج اپنے معاملے میں بہتری لانے کےلئے کچھ فیصلے تو کرنے ہوںگے اور کوشش کرنی ہے کہ اب جو بھی فیصلہ ہو اس پر قائم رہیں کسی طرح بھی اب واپسی نہ کریں تو بہتر ہے۔
برج ثور، سیارہ زہرہ، 21 اپریل سے 20 مئی
آپ ایک بڑی اچھی تبدیلی کی زد میں ہیں اور لوگ اسی کوشش میں رہتے ہیں مگر آپکے نصیب میںجو ایسا ہو رہا ہے اب پوری ایمانداری سے اسے حاصل کر لیں تو بہتر ہے۔
برج جوزہ، سیارہ عطارد، 21 مئی سے 20 جون
صورتحال آج آپ کے حق میں جا رہی ہے اس لئے بسم اللہ کر کے قدم اٹھائیں قسمت بھرپور ساتھ دے گی جو لوگ عرصہ دراز سے تبدیلی کے خواہشمند تھے وہ تیاری شروع کر لیں۔
برج سرطان، سیارہ چاند، 21 جون سے 20 جولائی
آج کا دن آپ کی مالی مدد کرے گا انشاءاللہ اور کافی دِنوں سے جو تکلیف تنگ کر رہی تھی اس سے نجات حاصل ہو گی، مگر کچھ اپنے اب ساتھ بھی چھوڑتے دکھائی دیتے ہیں۔
برج اسد، سیارہ شمس، 21 جولائی سے 21 اگست
اپنے مزاج کو بدلیں اور سنجیدہ ہو جائیں اس موبائل نے آپ کو کچھ نہیں دیا ماسوائے وقت برباد کرنے کے۔آج جو سامنے آ رہا ہے اس پر اچھی طرح غور و فکر کی ضرورت ہے۔
برج سنبلہ ، سیارہ عطارد، 22 اگست سے 22 ستمبر
ایک بار پھر ماضی کی ایک غلطی سامنے آنے کا اندیشہ ہے اور جن لوگوں سے پہلے بھی دھوکا کھایا تھا وہ دوبارہ کر سکتے ہیں اس لئے آج وہ قریب بھی آئیں تو ان کو دور ہی رکھیں۔
برج میزان ، سیارہ زہرہ، 23 ستمبر سے 22 اکتوبر
آپ کو جن مسائل کا سامنا ہے اُن کے ٹھیک ہونے میں ابھی وقت درکار ہے مگر تھوڑی سی بہتری آج صبح ہی مل جائےگی اور آپ کو اپنے کاموں میں قدرے آسانیاں محسوس ہونگی۔
برج عقرب ، سیارہ مریخ، 23 اکتوبر سے 22 نومبر
ایک ٹینشن ختم ہوتی نہیں ہے کہ دوسری سر پر سوار ہو جاتی ہے،بری طرح جکڑن کا شکار لگتے ہیں آپ کو چاہئے کہ اپنا صدقہ دیں اور سات یوم لگاتار اپنی نظر بھی اتاریں۔
برج قوس ، سیارہ مشتری، 23 نومبر سے 20 دسمبر
آپ کو بار بار وارننگ دی جا رہی ہے کہ اپنے دلی معاملات پر قابو رکھیں اور توبہ کر کے واپسی کا راستہ اختیار کریں۔ آپ کے لئے صورتحال بڑی خراب ہو سکتی ہے یہ وارننگ ہے۔
برج جدی ، سیارہ زحل، 21 دسمبر سے 19 جنوری
دوسروں کی زندگی میں مداخلت نہ کریں اور نا ہی خود کسی کی زندگی میں مداخلت کریں اس طرح آپ نقصان سے بچ جائینگے آج کل ویسے ہی مخالفین بہت خلاف ہو رہے ہیں۔
برج دلو ، سیارہ زحل، 20 جنوری سے 18 فروری
مالی حالات کچھ تو بہتری کی طرف جا رہے ہیں مگر آپ کو ابھی بھی اچھے برے کی تمیز نہیں ہے غلط فیصلے کر رہے ہیں جو خود پر ظلم ہے آج کا دن صرف اپنی عقل استعمال کرنےکا ہے۔
سیارہ مشتری، 19 فروری سے 20 مارچ
اچھا دن ہے آپکو اپنے مسئلے کا حل مل سکتا ہے اور وہ کام بھی ممکن ہو گا جس سے آپ کی ایک بڑی ضرورت پوری ہو سکے گی۔ آج آپ کی صحت میں بھی بہتری آ رہی ہے بندش ٹوٹ سکتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع