مالاکنڈ: فائرنگ سے زخمی مفتی کفایت اللّٰہ کی بیٹی دم توڑ گئی، مرنے والوں کی تعداد 3 ہوگئی
اشاعت کی تاریخ: 16th, August 2025 GMT
مالاکنڈ میں جمعیت علماء اسلام (جے یو آئی) کے ضلعی امیر مفتی کفایت اللّٰہ کے بیٹے نے فائرنگ کرکے اپنے بھائی اور 2 بہنوں کو قتل کر دیا۔
فائرنگ سے مفتی کفایت اللّٰہ اور ان کی بیٹی زخمی ہوگئی تھی جو دوران علاج دم توڑ گئی۔
پولیس نے ملزم کو گرفتار کرکے مقدمہ درج کر لیا گیا۔
ڈپٹی کمشنر حامدالرحمان کے مطابق تحصیل بٹ خیلہ کے علاقے ثمن آباد میں مفتی کفایت اللّٰہ کے بیٹے معتصم اللّٰہ نے گھر میں فائرنگ کردی، فائرنگ سے مفتی کفایت اللہ کا ایک بیٹا اور بیٹی موقع پر جاں بحق ہوگئے۔
یہ بھی پڑھیے والد اور بہنوں پر فائرنگ کرنے والے مفتی کفایت اللّٰہ کے بیٹے کو گرفتار کرلیا گیا مالاکنڈ: فائرنگ سے جے یو آئی رہنما مفتی کفایت اللّٰہ اور انکی اہلیہ زخمی، بیٹا بیٹی جاں بحقمفتی کفایت اللّٰہ اور ایک بیٹی فائرنگ سے زخمی ہوگئے، لاشوں اور زخمیوں کو بٹ خیلہ اسپتال منتقل کیا گیا جہاں زخموں کی تاب نہ لاتے ہوئے بیٹی دم توڑ گئی، یوں واقعے میں جاں بحق ہونے والوں کی تعداد 3 ہوگئی ہے۔
پولیس کا کہنا ہے کہ ابتدائی تحقیقات کے مطابق گھریلو تنازع پر ملزم نے فائرنگ کی، واقعے کی مزید تحقیقات کی جارہی ہیں۔
.
ذریعہ
ذریعہ: Jang News
کلیدی لفظ: فائرنگ سے
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی