سڑکیں زیرِ آب، بجلی غائب، کراچی میں موسلادھار بارش کے بعد ایمرجنسی نافذ
اشاعت کی تاریخ: 19th, August 2025 GMT
کراچی میں منگل کی صبح سے مختلف علاقوں میں موسلا دھار بارش کا سلسلہ جاری ہے جس کے باعث اربن فلڈنگ کی صورتحال پیدا ہوگئی ہے۔
بارشوں کے باعث شہر کے متعدد حصوں میں بجلی کی فراہمی معطل ہوگئی جبکہ سڑکیں زیرِ آب آنے سے ٹریفک کی روانی متاثر ہوئی ہے اور ٹریفک پولیس نے شہریوں کو احتیاطی تدابیر اختیار کرنے کی ہدایت کی ہے۔
یہ بھی پڑھیے: خیبرپختونخوا میں بارشوں اور سیلاب سے 358 افراد جاں بحق، پی ڈی ایم اے رپورٹ جاری
میئر کراچی مرتضیٰ وہاب نے شہر میں بارش ایمرجنسی نافذ کردی ہے۔ جاری نوٹیفکیشن میں کہا گیا کہ تمام لازمی سروسز محکموں کی چھٹیاں منسوخ کر دی گئی ہیں اور عملے کو ہمہ وقت دستیاب رہنے کی ہدایت کی گئی ہے۔
موسلادھار بارش کی وجہ سے 600 سے زائد فیڈرز ٹرپ کرگئیں جس سے کئی علاقوں میں بجلی کی ترسیل بند ہوگئی جبکہ گلشنِ حدید کے علاقے میں بارش کا پانی گھروں میں داخل ہوگیا ہے۔
ٹریفک کی صورتحال
کراچی ٹریفک پولیس نے دوپہر کو جاری اپ ڈیٹ میں بتایا کہ مختلف سڑکوں پر ٹریفک کی روانی سست روی کا شکار ہے۔
ٹریفک پولیس نے شہریوں کو ہدایت کی کہ بارش کے دوران اچانک بریک لگانے سے گریز کریں، کم رفتار سے گاڑی چلائیں اور مناسب فاصلے پر رہیں۔
خدمت، یقین، تحفظ، احساس،
بارش میں ٹریفک پولیس روڈ پر ٹریفک کو رواں دواں کرنے میں مصروف عمل
*آپ کے سفر میں ہمسفر کراچی ٹریفک پولیس*https://t.
— Karachi Traffic Police (@Khitrafficpol) August 19, 2025
انتظامیہ اور محکمے ہائی الرٹ
سندھ کے چیف سیکریٹری آصف حیدر شاہ نے ضلعی انتظامیہ، پی ڈی ایم اے، محکمہ صحت اور ریسکیو 1122 کو ہائی الرٹ رہنے کی ہدایت دی ہے۔ انہوں نے بارش کا پانی فوری نکالنے اور محکمہ موسمیات سے قریبی رابطے میں رہنے کی ہدایت کی۔
ایسٹ زون پولیس کے ڈپٹی انسپکٹر جنرل ڈاکٹر فاروق علی نے ایس ڈی پی اوز اور ایس ایچ اوز کو ہدایت دی ہے کہ اپنے علاقوں میں موجود رہیں، نکاسی آب یقینی بنائیں، ٹریفک کی روانی برقرار رکھیں اور ہنگامی صورتحال سے نمٹنے کے فوری اقدامات کریں۔
یہ بھی پڑھیے: بلوچستان: موسلادھار بارشوں کے دوران 2 شہری جاں بحق، کوئٹہ سبی شاہراہ متاثر
انہوں نے کہا کہ عوام کی جان و مال کا تحفظ ہر قیمت پر یقینی بنایا جائے، خاص طور پر نشیبی علاقوں میں۔ ریسکیو ٹیموں اور ہیلپ لائنز کو فعال رکھنے کی ہدایت کی گئی۔
بارش اور موسم کی صورتحال
محکمہ موسمیات کے مطابق دن بھر وقفے وقفے سے بارش کا امکان ہے۔ کم سے کم درجہ حرارت 28 ڈگری سینٹی گریڈ اور نمی 85 فیصد ریکارڈ کی گئی۔
صبح 8 بجے تک سب سے زیادہ بارش سعدی ٹاؤن میں 35.8 ملی میٹر ریکارڈ کی گئی، جبکہ گلشن معمار میں 33.3 ملی میٹر، ناظم آباد میں 26 ملی میٹر، گلشن حدید میں 3 ملی میٹر، یونیورسٹی روڈ پر 4.4 ملی میٹر، کورنگی میں 4.6 ملی میٹر، سرجانی ٹاؤن میں 7 ملی میٹر اور ڈیفنس فیز سیون میں 3 ملی میٹر بارش ریکارڈ کی گئی۔
یہ بھی پڑھیے: خیبر پختونخوا میں بارشوں اور سیلاب سے 314 ہلاکتیں، بونیر سب سے زیادہ متاثر، پی ڈی ایم اے رپورٹ
محکمہ موسمیات نے سندھ کے دوسرے علاقوں تھرپارکر، عمرکوٹ، مٹیاری، ٹھٹھہ، حیدرآباد، بدین، دادو، خیرپور، نوشہرو فیروز، لاڑکانہ، جیکب آباد، سکھر، گھوٹکی، شکارپور، کشمور، شہید بے نظیر آباد، سانگھڑ، اسلام کوٹ، ننگرپارکر اور میرپور خاص میں بھی بارش اور گرج چمک کے امکانات ظاہر کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ سیلاب کراچی بارش
ذریعہ
ذریعہ: WE News
کلیدی لفظ: اربن فلڈنگ سیلاب کراچی بارش ٹریفک پولیس کی ہدایت کی علاقوں میں ٹریفک کی ملی میٹر بارش کا کی گئی
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ