25 اور 26 اگست کو موسلادھار بارش اور سیلاب کا خدشہ، عوام محتاط رہیں
اشاعت کی تاریخ: 25th, August 2025 GMT
محکمہ موسمیات نے ملک کے مختلف علاقوں میں موسلادھار بارش، تیز ہواؤں، آندھی، جھکڑ اور گرج چمک کے باعث ممکنہ خطرات سے متعلق انتباہ جاری کیا ہے۔
محکمہ موسمیات کے مطابق 25 اور 26 اگست کے دوران کشمیر کے وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر اور میرپور میں لینڈ سلائیڈنگ کا خطرہ ہے جس سے ٹریفک متاثر ہو سکتی ہے۔ اس دوران مقامی اور برساتی ندی نالوں میں طغیانی کا بھی خدشہ ہے۔
مزید پڑھیں: دریائے ستلج اور سندھ میں پانی کی سطح بلند، متعدد علاقوں میں سیلابی صورتحال
شمالی پنجاب کے نشیبی علاقے جیسے نارووال، سیالکوٹ، گجرات، جہلم، منڈی بہاؤالدین، گوجرانوالہ اور لاہور میں شدید بارش سے زیر آب آنے کا امکان ہے۔ عوام کو محتاط رہنے اور محفوظ مقامات پر رہنے کی ہدایت کی گئی ہے۔
شدید بارش، آندھی اور گرج چمک کے باعث کمزور انفراسٹرکچر جیسے کچے گھر، دیواریں، بجلی کے کھمبے، بل بورڈز، سولر پینل اور گاڑیوں کو نقصان پہنچنے کا خدشہ ہے۔
موسم کا خلاصہ:پیر اور منگل کے روز ملک کے بیشتر علاقوں میں موسم گرم اور مرطوب رہے گا۔ شمال مشرقی پنجاب اور کشمیر میں تیز اور موسلادھار بارش کا امکان ہے۔
مزید پڑھیں: بھارت نے سندھ طاس معاہدے کے تحت پاکستان کو ممکنہ بڑے سیلاب سے آگاہ کردیا
بالائی خیبرپختونخوا، گلگت بلتستان، جنوب مشرقی سندھ اور مشرقی بلوچستان میں چند مقامات پر تیز ہواؤں اور گرج چمک کے ساتھ بارش کی توقع ہے۔ اسلام آباد اور گردونواح میں جزوی ابر آلودگی اور گرج چمک کے ساتھ بارش ممکن ہے۔
گزشتہ 24 گھنٹے کی بارش:سندھ: لاڑکانہ 40، روہڑی 03 ملی میٹر
پنجاب: نارووال 27، سیالکوٹ 05، قصور 04، لاہور 03، گوجرانوالہ 03
خیبرپختونخوا: دیر 14، مالم جبہ 05، بالاکوٹ 02
مزید پڑھیں: خیبرپختونخوا میں بارشوں اور سیلاب سے کتنی ہلاکتیں ہوئیں؟ اعداد و شمار جاری
گلگت بلتستان: اسکردو 05، گلگت 02، بونجی 01
زیادہ سے زیادہ درجہ حرارت:دالبندین 42، نوکنڈی، سبی اور دادو 41 ڈگری سینٹی گریڈ ریکارڈ کیا گیا۔
عوام سے اپیل کی گئی ہے کہ وہ پہاڑی اور نشیبی علاقوں میں محتاط رہیں، پانی کے کنارے نہ جائیں اور موسم کی تازہ ترین اطلاعات پر نظر رکھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
25 اور 26 اگست سیلاب کا خدشہ، محکمہ موسمیات موسلادھار بارش.
ذریعہ
ذریعہ: WE News
کلیدی لفظ: 25 اور 26 اگست سیلاب کا خدشہ محکمہ موسمیات موسلادھار بارش موسلادھار بارش اور گرج چمک کے علاقوں میں
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
پاکستان نے ورلڈ کپ 2028 کیلیے براہ راست کوالیفائی کر لیا