’چائے جامن، یا گلاب چائے؟‘ انوکھے ذائقے کی ویڈیو نے انٹرنیٹ پر ہلچل مچا دی
اشاعت کی تاریخ: 27th, August 2025 GMT
سوشل میڈیا پر حال ہی میں ایک ویڈیو وائرل ہوئی ہے جس میں گلاب جامن کو چائے میں ڈبو کر کھانے کا تجربہ کیاگیا ہے۔ ویڈیو نے سوشل میڈیا صارفین کو دو حصوں میں تقسیم کر دیا ہے۔
ذائقہ کی دنیا بے حد وسیع ہے، جہاں گاہے بگاہے ایسے غیر معمولی امتزاج سامنے آتے ہیں جو دلچسپی اور شوق جگاتے رہتے ہیں۔ اسی طرح انٹرنیٹ پر ہر وقت کوئی نہ کوئی نیا فوڈ ٹرینڈ گردش میں ہوتا رہتا ہے۔ اب حال ہی میں ایک ایسی ہوئی ویڈیو وائرل ہوئی ہے جس میں گلاب جامن کو چائے میں ڈبو کر نیا امتزاج پیش کیا گیا ہے۔
ویڈیو میں ایک شخص ایک بوفے کے سامنے کھڑے ہو کر گلاب جامن اور چائے کو ایک ساتھ بنا رہا ہے۔ وہ تین گلاب جامن ایک پیالے میں رکھتا ہے، تھوڑا سا شیرہ شامل کرتا ہے اور پھر ایک گرم چائے کا گلاس اوپر سے ان پر ڈال دیتا ہے۔ اس منفرد ڈش کوچمچ سے کھایا جاتا ہے۔
ویڈیو کی ایک سائیڈ پر یہ نوٹ لکھا ہے۔ چائے جامن؟ گلاب چائے؟ جب بھی آپ سدرن کیلیفورنیا (SoCal) میں میرے پسندیدہ انڈین بوفے @masalabaeoc پر جائیں، تو یہ ضرور آزمانا!“
View this post on InstagramA post shared by California’s #1 biggest Halal food influencer ???? (@hungry.
انسٹاگرام پر ویڈیو کو تقریباً 5 ملین (پچاس لاکھ) مرتبہ دیکھا جاچکا ہے۔ کچھ افراد نے اسے دلچسپ قرار دیا، جبکہ کچھ نے عجیب اور حد درجہ غیر روایتی تصور کیا۔
ایک صارف نے لکھا: ”اوہ مائی گاڈ! میں تو ضرور آزماﺅں گی، مجھے چائے بہت پسند ہے!“
ایک اور نے طنزیہ انداز میں کہا: ”ذیابیطس ایک کپ میں!“
ایک صارف نے کہا: ”ہم ایسے تجربات سے پرہیز کرتے ہیں۔“
کسی نے تنقیدی انداز میں لکھا: ”تم نے دونوں چیزوں کو برباد کر دیا بھائی!“
ایک صارف نے خبردار کیا: ”تم کچھ نیا شروع کرنے کی کوشش کر رہے ہو، جو کسی نے نہیں مانگا۔“
مگر ایک اور نے دفاع میں کہا، ”یقینا میں نے یہ آزمایا ہے اور واقعی ذائقہ بہترین تھا… شاید اس لیے کہ میں کچھ عجیب کھانے والا ہوں۔“
Post Views: 3
ذریعہ
ذریعہ: Daily Mumtaz
کلیدی لفظ: گلاب جامن
پڑھیں:
گوگل کا نیا سیکیورٹی فیچر، کیا اب پاس ورڈ کی ضرورت ہی نہیں رہے گی؟
گوگل نے صارفین کی آن لائن سیکیورٹی مزید مضبوط بنانے کے لیے سیلفی ویڈیو پر مبنی نئی بایومیٹرک شناختی سہولت متعارف کرا دی ہے جس کے ذریعے اہل صارفین پاس ورڈ یا ریکوری ڈیوائس دستیاب نہ ہونے کی صورت میں اپنے اکاؤنٹس تک دوبارہ رسائی حاصل کر سکیں گے۔
کمپنی کے مطابق نیا فیچر بنیادی طور پر اکاؤنٹ ریکوری کے لیے تیار کیا گیا ہے۔ صارفین ابتدائی مرحلے میں اسکرین پر دی گئی ہدایات کے مطابق ایک مختصر سیلفی ویڈیو ریکارڈ کریں گے جس میں مختلف زاویوں سے چہرہ دکھانا ہوگا تاکہ شناخت محفوظ کی جا سکے۔
یہ بھی پڑھیں: گوگل پلے کی نئی پالیسی، متبادل ایپ مارکیٹس کو راستہ مل گیا
اگر بعد میں صارف اپنا پاس ورڈ بھول جائے، فون گم ہو جائے یا ٹو فیکٹر آتھنٹیکیشن استعمال نہ کر سکے تو وہ نئی سیلفی ویڈیو ریکارڈ کر کے اپنی شناخت کی تصدیق کرا سکے گا۔
گوگل کا سیکیورٹی سسٹم نئی ویڈیو کا پہلے سے محفوظ ویڈیو سے موازنہ کرے گا اور جدید لائیونیس چیک اور اینٹی اسپوفنگ ٹیکنالوجی کی مدد سے اس بات کی تصدیق کرے گا کہ سامنے حقیقی شخص موجود ہے، نہ کہ تصویر، ریکارڈ شدہ ویڈیو یا مصنوعی ذہانت (AI) سے تیار کردہ ڈیپ فیک۔
یہ بھی پڑھیں: راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں
گوگل کا کہنا ہے کہ یہ سہولت روزمرہ لاگ اِن کے لیے نہیں بلکہ صرف اکاؤنٹ ریکوری کے دوران استعمال کی جائے گی۔ کمپنی اس سے قبل پاس کیز (Passkeys)، سیکیورٹی کیز اور ٹو فیکٹر آتھنٹیکیشن جیسے متبادل طریقے بھی متعارف کرا چکی ہے تاکہ روایتی پاس ورڈز پر انحصار کم کیا جا سکے۔
پرائیویسی سے متعلق خدشات کے جواب میں گوگل نے کہا ہے کہ صارفین کی سیلفی ویڈیوز مکمل طور پر انکرپٹڈ انداز میں محفوظ کی جائیں گی، ان پر صارف کا مکمل اختیار ہوگا اور وہ کسی بھی وقت انہیں حذف کر سکیں گے۔ کمپنی کے مطابق یہ ویڈیوز صرف شناخت کی تصدیق کے لیے استعمال ہوں گی جب تک کہ صارف کسی اضافی استعمال کی اجازت نہ دے۔
یہ بھی پڑھیں: گوگل میپ کی ایک غلطی اور تاجر علی جمیل کے سفرِ آخرت کی کہانی
ماہرین کے مطابق گوگل کا یہ اقدام ٹیکنالوجی کی دنیا میں پاس ورڈ کے بغیر محفوظ لاگ اِن سسٹمز کی جانب بڑھتے ہوئے رجحان کا حصہ ہے۔ اس سے قبل ایپل، مائیکروسافٹ سمیت متعدد بینک، ایئرلائنز اور سرکاری ادارے بھی بایومیٹرک شناختی نظام اپنا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گوگل گوگل پاسپورڈ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم