حکومتی بینچوں پر بیٹھ کر اپوزیشن جیسی باتیں زیب نہیں دیتیں، حنیف عباسی کی خواجہ آصف پر تنقید
اشاعت کی تاریخ: 2nd, September 2025 GMT
وفاقی وزیر ریلوے حنیف عباسی نے قومی اسمبلی کے اجلاس کے دوران وزیر دفاع خواجہ آصف پر کڑی تنقید کی ہے۔
قومی اسمبلی کا اجلاس اسپیکر سردار ایاز صادق کی زیر صدارت پارلیمنٹ ہاؤس میں ہوا، جہاں اظہار خیال کرتے ہوئے حنیف عباسی نے کہا کہ بیوروکریسی کو نشانہ بنانے کا ایک شوق سا بن گیا ہے، اپنی شہرت کے لیے اپنے ہی ایوان پر الزام تراشی کی جارہی ہے۔
بیوروکریسی کو برا کہنے کا بڑا شوق چڑھا ہوا ، اپنی شہرت کیلئے اپنے ہی ایوان پر الزام تراشی کر رہے ہیں، نظام کو ہائبرڈ نظام کہتے ہیں، یہی کچھ کرنا ہے تو حکومت سے نکل جائیں، میرے ضلع میں کوئی کام غلط ہے تو میں کیسے ذمہ دار نہیں؟ حنیف عباسی کی خواجہ آصف @KhawajaMAsif پر کڑی تنقید pic.
— Ahmad Warraich (@ahmadwaraichh) September 2, 2025
یہ بھی پڑھیں: ملک میں بڑے ڈیم ڈکٹیٹرز کے دور میں بنے، سیاستدان قومی معاملات پر اتفاق رائے نہیں کر پاتے: خواجہ آصف
انہوں نے کہاکہ ایک طرف نظام کو ہائبرڈ کہا جاتا ہے اور دوسری طرف اسی نظام کا حصہ بن کر اس پر تنقید کی جاتی ہے۔ اگر یہی طرزِ عمل اپنانا ہے تو حکومت میں بیٹھنے کے بجائے بہتر ہے کہ اپوزیشن میں چلے جائیں کیونکہ حکومتی بینچوں پر بیٹھ کر اپوزیشن جیسی باتیں زیب نہیں دیتیں۔
وزیر حکومت نے کہا کہ کس کنٹریکٹر کی جرات ہے کہ راولپنڈی میں ناقص کام کرکے ادائیگی وصول کر لے؟ اگر میرے ضلع میں کوئی غلط کام ہوتا ہے تو میں اس کا ذمہ دار ہوں۔
انہوں نے کہاکہ ہم نے بڑے بڑے پل اور اسپتال تعمیر کیے لیکن کبھی کسی کنٹریکٹر پر الزام نہیں لگایا۔ اگر مقصد صرف بیانات دینا ہے تو حکومت چھوڑ دینا ہی بہتر ہے، کیونکہ یہ طرزِ گفتگو حکومتی بینچوں پر مناسب نہیں۔
حنیف عباسی نے کہاکہ اصل مسئلہ یہ ہے کہ ہر کوئی وائرل ہونے کی خواہش رکھتا ہے، لیکن یاد رکھنا چاہیے کہ بہت سی چیزیں ایسی بھی ہیں جو وائرل ہو جائیں تو نقصان دہ ثابت ہو سکتی ہیں۔
انہوں نے خبردار کیا کہ اللہ کا خوف کرنا چاہیے اور معمولی مفاد کے لیے بڑے نقصان کی راہ اختیار نہیں کرنی چاہیے۔ ان کے بقول صرف آدھا کلو گوشت حاصل کرنے کے لیے پوری بھینس ذبح کرنے کی کوشش دانشمندی نہیں۔
یہ بھی پڑھیں: خواجہ آصف سیالکوٹ میں سڑک کی ناقص تعمیر پر بول پڑے، شدید تحفظات کا اظہار
واضح رہے کہ وزیر دفاع خواجہ آصف نے حالیہ دنوں میں بیوروکریسی پر کھل کر تنقید کی ہے۔ حالیہ سیلاب میں ہونے والی تباہی کے بعد ان کا کہنا تھا کہ سڑکوں کا میک اپ کرکے افتتاح کا فوٹو سیشن کر لیا جاتا ہے۔ انہوں نے تمام مسائل کا ذمہ دار بیوروکریسی کو قرار دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews الزام تراشی بیوروکریسی تنقید حنیف عباسی خواجہ آصف قومی اسمبلی وزیر دفاع وزیر ریلوے وی نیوزذریعہ: WE News
کلیدی لفظ: الزام تراشی بیوروکریسی تنقید حنیف عباسی خواجہ ا صف قومی اسمبلی وزیر دفاع وزیر ریلوے وی نیوز حنیف عباسی خواجہ ا صف انہوں نے کے لیے
پڑھیں:
پی ٹی آئی رہنما ذاتی نہیں قومی مفاد میں کام کریں: رانا ثنا اللہ
ویب ڈیسک: وزیرِ اعظم کے مشیر رانا ثناءاللہ نے پاکستان تحریکِ انصاف خیبرپختونخوا کے رہنماؤں پر زور دیا ہے کہ وہ ذاتی مفادات کی سیاست سے بالا تر ہو کر قومی مفاد میں کردار ادا کریں۔
نجی ٹی وی سے گفتگو میں رانا ثناءاللہ نے کہا کہ پی ٹی آئی کو صوبے کے عوامی مسائل کے حل کے لیے مؤثر پالیسیاں مرتب کرنی چاہئیں تاکہ ترقی اور استحکام کا عمل آگے بڑھ سکے۔
ان کا کہنا تھا کہ خیبرپختونخوا حکومت کی ذمہ داری ہے کہ وہ سکیورٹی اور گورننس کے معاملات میں بہتری لائے اور عوام کو بہتر طرزِ حکمرانی فراہم کرے۔
بھارتی نژاد دنیا کی معروف کمپنی کو اربوں کا چونا لگا کر فرار
رانا ثناءاللہ نے واضح کیا کہ وفاقی حکومت خیبرپختونخوا اور بلوچستان میں دہشت گردی کے مکمل خاتمے کے لیے تمام ممکنہ اقدامات کر رہی ہے۔
ایک سوال کے جواب میں مشیرِ وزیرِ اعظم نے کہا کہ ملک کے دفاع کو مضبوط بنانے کے لیے ریاست اپنے تمام دستیاب وسائل استعمال کر رہی ہے تاکہ قومی سلامتی پر کوئی سمجھوتہ نہ ہو۔
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش