پاک ترک ایئر فورس چیفس کی ملاقات، دفاعی تعاون پر بات چیت
اشاعت کی تاریخ: 3rd, September 2025 GMT
ترک ایئر فورس کے کمانڈر جنرل ضیا جمال کادی اوغلو کی قیادت میں اعلیٰ سطح وفد نے آج پاکستان ایئر فورس کے چیف آف دی ایئر اسٹاف، ایئر چیف مارشل ظہیر احمد بابر سدھو سے ملاقات کی۔ ایئر ہیڈکوارٹرز پر ترک وفد کا پرتپاک اور دوستانہ استقبال کیا گیا۔
ملاقات میں خطے کے بدلتے ہوئے سیکیورٹی ماحول، جاری دفاعی تعاون کی پیشرفت اور جدید جنگی میدانوں میں مشترکہ سرگرمیوں کے مواقع پر تفصیلی تبادلۂ خیال ہوا۔ ترک کمانڈر کے پہنچنے پر پاک فضائیہ کے اہلکاروں نے گارڈ آف آنر پیش کیا۔
مزید پڑھیں: معرکہ حق میں کامیابی: صدر مملکت نے آرمی، ایئر فورس اور نیوی کے 488 افسران و جوانوں کو عسکری اعزازات سے نواز دیا
ایئر چیف مارشل ظہیر احمد بابر سدھو نے ملاقات کے دوران پاکستان اور ترکی کے دیرینہ برادرانہ تعلقات پر زور دیا، جو مشترکہ مذہبی عقائد، ترجیحات اور اسٹریٹجک ہم آہنگی پر مبنی ہیں۔ انہوں نے کہا کہ ترک کیڈٹس کا پاک فضائیہ اکیڈمی اصغر خان میں تربیت کے لیے پہلا گروپ آنا دونوں ایئر فورسز کے درمیان پائے جانے والے اعتماد اور دیرپا تعلقات کا اہم سنگ میل ہے۔
جنرل ضیا جمال کادی اوغلو نے پاک فضائیہ کی حالیہ بھارت کے ساتھ تنازعے میں شاندار کارکردگی اور قومی خودمختاری کے دفاع کی تعریف کی۔ ترک افواج نے پاکستان ایئر فورس کی عملی حکمت عملی اور تجربات سے استفادے کے لیے دلچسپی ظاہر کی تاکہ اپنے فوجی دستے کی تیاری اور حربی حکمت عملی کو مزید مضبوط کیا جا سکے۔
مزید پڑھیں: بیلا روس نے اپنی فضائیہ کو پاکستان ایئر فورس سے ٹریننگ دلانے کی خواہش ظاہر کردی
ملاقات میں دونوں ممالک کے ایئر فورسز نے مشترکہ تربیت، آپریشنل مشقیں اور کثیرالجہتی جنگی حکمت عملیوں میں تعاون کو بڑھانے پر اتفاق کیا۔ ترک وفد نے نیشنل ایرواسپیس سائنس اینڈ ٹیکنالوجی پارک اور پاک فضائیہ کی خود انحصاری، جدید ٹیکنالوجی اور فضائی جدت میں حاصل کردہ کامیابیوں کو سراہا۔
پاکستان اور ترکی کے فضائیہ کے سربراہان نے باہمی تجربات سے استفادہ کرنے اور دفاعی تعاون کو مزید مستحکم کرنے کے عزم کا اعادہ کیا۔ اس دورے نے دونوں برادرانہ ممالک کی مشترکہ دفاعی وابستگی اور اسٹریٹجک تعلقات کو فروغ دینے کا پیغام دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر فورس پاکستان ایئر فورس ترک ایئر فورس.
ذریعہ
ذریعہ: WE News
کلیدی لفظ: ایئر فورس پاکستان ایئر فورس ترک ایئر فورس پاکستان ایئر فورس پاک فضائیہ
پڑھیں:
ایران اور عراق کے درمیان دوطرفہ تعاون بڑھانے کیلئےمعاہدے
( ویب ڈیسک ) ایران اور عراق نے دوطرفہ تعاون بڑھانے کے لیے چار معاہدوں اور مفاہمت کی یادداشتوں پر دستخط کردیے۔
عراقی وزیراعظم کے دورہ تہران کے موقع پر معاہدوں پر دستخط کیے گئے، یہ معاہدے خسروی خانقین بغداد ریلوے کی تعمیر، بغداد اورتہران کو سسٹر سٹیز بنانے، پبلک ایڈمنسٹریشن میں تعاون، تربیت اور ہیومن ریسورس مینجمنٹ سے متعلق کیے گئے۔
معاہدے ایران کے صدر مسعود پزشکیان اور عراقی وزیراعظم علی الزیدی کی موجودگی میں کیے گئے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
صدر مسعود پزشکیان کا کہنا ہے کہ عراق سمیت پڑوسی ممالک سے تعلقات کو مضبوط بنانا ترجیح ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی