معروف کاروباری شخصیت رفیق ایم حبیب انتقال کر گئے
اشاعت کی تاریخ: 3rd, September 2025 GMT
پاکستان کی معروف کاروباری اور فلاحی شخصیت، رفیق ایم حبیب 88 برس کی عمر میں انتقال کر گئے۔ ان کے انتقال کی خبر نے علمی، کاروباری اور فلاحی حلقوں کو گہرے غم میں مبتلا کر دیا ہے۔
حبیب یونیورسٹی، جس کے وہ بانی چانسلر تھے، نے سوشل میڈیا پر اپنے پیغام میں انہیں خراج عقیدت پیش کرتے ہوئے لکھا کہ دکھ اور رنج کے ساتھ، ہم اپنے بانی چانسلر رفیق ایم حبیب کے انتقال پر سوگوار ہیں۔ ان کی دیانت، بصیرت اور پائیدار خدمات ہماری رہنمائی کرتی رہیں گی۔”
رفیق ایم حبیب نہ صرف ہاؤس آف حبیب کے سابق سربراہ تھے بلکہ اسٹائل کمپنی کے بورڈ آف ڈائریکٹرز کا بھی حصہ رہے۔ ساتھ ہی وہ حبیب یونیورسٹی فاؤنڈیشن کے چیئرمین اور کئی فلاحی اداروں کے سرپرست بھی تھے۔
حبیب یونیورسٹی نے انہیں یاد کرتے ہوئے کہا کہ رفیق ایم حبیب ایک ایسے رہنما تھے جن کا پُرسکون عزم، گہری بصیرت اور دیانت داری ہمارے ہر قدم کی بنیاد بنی۔ ان کا یقین تھا کہ تعلیم صرف ذاتی ترقی نہیں بلکہ اجتماعی بھلائی کا ذریعہ ہونی چاہیے۔
یہی وژن آج بھی حبیب یونیورسٹی کے مشن کی بنیاد ہے، اور ان کا قائم کردہ ادارہ آنے والی نسلوں کو علم و آگہی سے بااختیار بناتا رہے گا۔
رفیق ایم حبیب نے بینکنگ، انشورنس اور دیگر صنعتوں میں وسیع تجربہ حاصل کیا، لیکن ان کی شخصیت کا نمایاں پہلو ان کی فلاحی خدمات تھیں۔ انہوں نے تعلیم، صحت، ریلیف اور بحالی کے شعبوں میں کئی منصوبے شروع کیے اور ان کے لیے ٹرسٹی کی حیثیت سے خدمات انجام دیں۔
ان کی وفات صرف ایک کاروباری شخصیت کے جانے کا نہیں، بلکہ ایک ایسے رہنما کے بچھڑنے کا دکھ ہے جنہوں نے زندگی کو صرف کامیابی کا نہیں، خدمت اور اخلاقیات کا سفر سمجھا۔
ذریعہ: Daily Mumtaz
کلیدی لفظ: حبیب یونیورسٹی رفیق ایم حبیب
پڑھیں:
یونیورسٹی روڈپرسیوریج کی وجہ سے شہریوں کومشکلات کاسامناہے
data-id="863a0a8" data-element_type="widget" data-widget_type="theme-post-content.default"> جسارت نیوز
گلزار
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں