6 ستمبر ہماری تاریخ کا سنہری باب، بہادری، اتحاد اور عزم کا دن ہے: صدر، وزیراعظم
اشاعت کی تاریخ: 6th, September 2025 GMT
اسلام آباد (نیوز ڈیسک) صدر مملکت آصف علی زرداری اور وزیراعظم شہبازشریف نے کہا کہ 6 ستمبرہماری تاریخ کا ایک سنہری باب ہے۔
صدر آصف علی زرداری نے یوم دفاع پر اپنے پیغام میں کہا کہ 1965 کی قربانیوں کا جذبہ ایک لازوال روشنی ہے، یہ ہماری آئندہ نسلوں کو ہر آزمائش اور چیلنج میں رہنمائی فراہم کرتا ہے، کوئی بھی چیلنج ہمیں خودداری اور خودمختاری کے راستے سے منحرف نہیں کر سکتا۔
صدر مملکت نے مزید کہا کہ معرکہ حق کے دوران ہماری بہادر افواج نے 1965ء کی طرح فرض شناسی کا مظاہرہ کیا۔
وزیراعظم محمد شہبازشریف نے یوم شہدا اور دفاع پر پیغام میں کہا کہ 6 ستمبر ہماری قومی تاریخ میں بہادری، اتحاد اور عزم کا دن ہے، 1965 کا وہ ناقابل تسخیر جذبہ آج بھی زندہ ہے، حالیہ معرکہ حق میں ایک بار پھر مسلح افواج اور عوام آہنی دیوار بن گئے۔
محمد شہبازشریف کا مزید کہنا تھا کہ ہماری فوج، بحریہ اور فضائیہ نے بے مثال پیشہ ورانہ مہارت کا مظاہرہ کیا، ہم بھارتی اشتعال انگیزیوں اور بدلتے علاقائی تناظر کی حقیقت سے غافل نہیں رہ سکتے، ہم اپنی دفاعی صلاحیتوں کو مضبوط اور جدید بناتے رہیں گے۔
پاک فوج کا شہدا کو بھرپور خراج عقیدت پیش
پاک فوج کے شعبہ تعلقات عامہ کے مطابق فیلڈ مارشل سید عاصم منیر نے شہداء اور ان کے خاندانوں کو بھرپور خراج عقیدت پش کیا، چیئرمین جوائنٹ چیفس آف سٹاف کمیٹی، نیول، ایئر چیفس نے بھی شہداء کے لیے عقیدت کا اظہار کیا۔
آئی ایس پی آر کے مطابق 6 ستمبر 1965ء پاکستانی قوم کے اٹل عزم اور ناقابلِ تسخیر جذبے کی علامت ہے، اس تاریخی دن ہمارے بہادر سپاہیوں نے قوم کی حمایت سے ڈٹ کر مقابلہ کیا، ایک ایسے دشمن کے ناپاک عزائم کو ناکام بنایا جو اسلحے اور تعداد میں کہیں زیادہ طاقتور تھا۔
پاک فوج کے شعبہ تعلقات عامہ کا کہنا ہے کہ شجاعت اور قربانی کے یہ کارنامے لازوال نقش چھوڑ گئے، متحد قوم کو کبھی شکست نہیں دی جا سکتی، ہمارے بے خوف ہیروز کی جرات آنے والی نسلوں کے لئے ہمیشہ مشعلِ راہ بنی رہے گی۔
آئی ایس پی آر کا مزید کہنا تھا کہ ہمارے شہدا اور ہیروز کا عظیم ورثہ ہمیشہ زندہ رہے گا، آج پوری قوم اپنے شہدا، غازیوں اور اُن کے خاندانوں کو سلام پیش کرتی ہے، شہدا اور ان کے خاندانوں نے اس عظیم ملک کے دفاع کے لئے بے مثال قربانیاں دی ہیں۔
مسلح افواج بیرونی جارحیت اور دہشت گردی کے خلاف ڈٹی ہے، قدرتی آفات اور مصیبتوں کے وقت بھی پاکستانی عوام کا ساتھ دیا، افواج ملک بھر میں جاری سیلاب سے متاثرہ عوام کی بھرپور مدد جاری رکھیں گی، یوم دفاع و شہداء انتہائی عاجزی و انکساری کے ساتھ منایا جائے گا۔
پاک فوج کے شعبہ تعلقات عامہ کا مزید کہنا تھا کہ اس مقدس ذمہ داری کو نبھانے کے عہد کی تجدید کرتے ہیں جو قوم نے ہمیں سونپی ہے، مسلح افواج ہر دم چوکس اور ہر قسم کے خطرے کے مقابلے کے لیے تیار ہیں۔
اپنے پیغام میں کہا کہ امن کو سبوتاژ کرنے کی ہر کوشش کا منہ توڑ اور فیصلہ کن جواب دیا جائے گا، اللہ تعالیٰ پاکستان کو ہمیشہ امن، استحکام اور قوت عطا فرمائے۔
Post Views: 1.
ذریعہ
ذریعہ: Daily Mumtaz
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ