سعودی پانیوں میں سب میرین کیبل کٹنے سے پاکستان میں انٹرنیٹ متاثر ہونے کا خدشہ
اشاعت کی تاریخ: 6th, September 2025 GMT
پاکستان ٹیلی کمیونی کیشن کمپنی لمیٹڈ (پی ٹی سی ایل) نے ہفتے کے روز کہا ہے کہ ملک میں انٹرنیٹ استعمال کرنے والوں کو مشکلات کا سامنا ہو سکتا ہے کیونکہ سعودی عرب کے شہر جدہ کے قریب زیرِ سمندر کیبل کٹ گئی ہے۔
یہ بھی پڑھیں:45 ہزار کلومیٹر طویل دنیا کی تیز رفتار انٹرنیٹ کیبل پاکستان پہنچ گئی
پی ٹی سی ایل کے مطابق یہ کٹ ایس ایم ڈبلیو 4 (SMW4) اور آئی می وی (IMEWE) سسٹمز پر ہوئی ہے، جو پاکستان کو دنیا سے جوڑنے والی اہم انٹرنیٹ کیبلز ہیں۔
کمپنی نے بتایا کہ عالمی پارٹنرز فوری طور پر ان کیبلز کی مرمت پر کام کر رہے ہیں، جبکہ مقامی ٹیمیں صارفین پر اثرات کم کرنے کے لیے متبادل بینڈوڈتھ فراہم کرنے کی کوشش میں ہیں۔
بیان میں کہا گیا ہے کہ ہم اپنے صارفین کی صبر و تحمل اور سمجھ بوجھ کے شکر گزار ہیں۔
یہ بھی پڑھیں:بہتر انٹرنیٹ سروس: کیا ’2 افریقہ کیبل‘ شارک سے محفوظ رہے گی؟
ادھر ڈاؤن ڈیٹیکٹر (Down Detector) نامی ویب سائٹ نے بتایا ہے کہ ہفتے کی صبح صارفین کی جانب سے انٹرنیٹ خرابی کی شکایات میں نمایاں اضافہ ہوا۔ صبح 9 بجے تک شکایات کی تعداد اچانک بڑھ گئی۔
یاد رہے کہ رواں سال پاکستان میں ایک اور اہم سب میرین کیبل ’افریقہ-1‘ کو انٹرنیٹ سسٹم سے جوڑا گیا ہے۔ یہ 10 ہزار کلومیٹر طویل کیبل پاکستان کو سعودی عرب، متحدہ عرب امارات، مصر اور فرانس سے منسلک کرتی ہے۔
یہ منصوبہ 2020 میں منظور ہوا تھا اور 2026 کی پہلی سہ ماہی میں مکمل متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ کیبل پاکستان پی ٹی سی ایل زیرسمندر کیبل سمندر.
ذریعہ
ذریعہ: WE News
کلیدی لفظ: انٹرنیٹ کیبل پاکستان پی ٹی سی ایل زیرسمندر کیبل
پڑھیں:
پی ڈی ایم اے پنجاب کا شدید بارشوں کا الرٹ، اربن فلڈنگ کا خدشہ
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے صوبہ میں موسلادھار بارشوں، گرج چمک اور تیز ہواؤں کی پیشگوئی کرتے ہوئے متعلقہ اداروں کو ہائی الرٹ رہنے کی ہدایت جاری کر دی۔پی ڈی ایم اے کے مطابق 24 سے 27 جولائی تک لاہور سمیت جنوبی اور وسطی پنجاب کے مختلف اضلاع میں شدید بارش اور آندھی کا امکان ہے جبکہ لاہور، گوجرانوالہ اور دیگر شہروں میں اربن فلڈنگ کا خدشہ بھی ظاہر کیا گیا ہے۔ترجمان کے مطابق بہاولپور، ملتان، سیالکوٹ، فیصل آباد اور رحیم یار خان میں بھی شدید بارشوں کی پیشگوئی کی گئی ہے جبکہ راولپنڈی، مری، گلیات، اٹک اور گجرات میں 24 سے26جولائی کے دوران وقفے وقفے سے بارش متوقع ہے۔پی ڈی ایم اے نے خبردار کیا ہے کہ تیز ہواؤں اور آسمانی بجلی کے باعث کمزور ڈھانچوں، سولر پینلز اور بجلی کے کھمبوں کو نقصان پہنچ سکتا ہے، اس لیے شہری احتیاطی تدابیر اختیار کریں۔ادارے نے سیاحوں اور مسافروں کو غیر ضروری سفر سے گریز کرنے، جبکہ کسانوں کو فصلوں اور مویشیوں کے تحفظ کے لیے پیشگی اقدامات کرنے کی ہدایت کی ہے۔پی ڈی ایم اے نے تمام ضلعی انتظامیہ، ریسکیو 1122 اور متعلقہ اداروں کو ہائی الرٹ رہنے، پیشگی انتظامات مکمل کرنے، ڈرینوں کی صفائی، بھاری مشینری کی دستیابی اور مؤثر ایمرجنسی رسپانس یقینی بنانے کی ہدایت بھی جاری کر دی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم