صدرِ مملکت کی جانب سے عید میلاد النبیﷺ پر قیدیوں کی سزاؤں میں 180 روزہ خصوصی رعایت کا اعلان
اشاعت کی تاریخ: 6th, September 2025 GMT
صدرِ پاکستان آصف علی زرداری نے عید میلاد النبی ﷺ کے موقع پر قیدیوں کے لیے 180 دن کی خصوصی سزا میں کمی کی منظوری دے دی ہے۔
ایوان صدر سے جاری اعلامیے کے مطابق یہ رعایت آئین کے آرٹیکل 45 کے تحت دی گئی ہے۔
وزیراعظم اور وفاقی کابینہ نے ابتدا میں 100 روزہ رعایت کی سفارش کی تھی تاہم بعد ازاں صدر مملکت کی تجویز پر وزیراعظم نے مشاورت کے بعد اسے بڑھا کر 180 دن کرنے کی منظوری دے دی۔
یہ بھی پڑھیے: عید میلادالنبیؐ: ملک بھر میں جلسے جلوس اور والہانہ عقیدت کا اظہار
اعلامیے کے مطابق یہ خصوصی رعایت صرف اُن قیدیوں پر لاگو ہوگی جو قانون کے تحت مقررہ شرائط پر پورا اترتے ہیں جبکہ قتل، دہشت گردی، جاسوسی اور بڑے مالیاتی جرائم میں ملوث افراد اس سہولت سے مستفید نہیں ہوسکیں گے۔
یہ بھی پڑھیے: عید میلاد النبیﷺ، اسلام آباد پولیس نے فول پروف سیکیورٹی پلان مرتب کرلیا
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جیل سزاؤں میں رعایت عید میلاد النبیٰ قیدی.ذریعہ: WE News
کلیدی لفظ: جیل سزاؤں میں رعایت عید میلاد النبی عید میلاد
پڑھیں:
سزاؤں کا اتوار بازار ختم ہونا چاہیے، نفرتوں سے پاکستان کا نقصان ہوگا، بیرسٹر گوہر
پشاور ہائیکورٹ میں میڈیا سے گفتگو کرتے ہوئے چیئرمین پی ٹی آئی کا کہنا تھا کہ اس وقت عوام مایوسی کے عالم میں ہیں، چیف جسٹس سے درخواست ہے کہ ہمارے زیر التوا مقدمات پر قانون کے مطابق کارروائی کریں۔ ان کا مزید کہنا تھا کہ عدلیہ ماتحت عدالتوں پر نظر رکھتی تو ہمارے 3 لوگوں کو 100 سال کی سزا نہ ہوتی، اب سزاؤں کا اتوار بازار ختم ہونا چاہیے۔ اسلام ٹائمز۔ پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ اب سزاؤں کا اتوار بازار ختم ہونا چاہیے، نفرتوں سے حکومت کرنے سے پاکستان کا نقصان ہوگا۔ پشاور ہائیکورٹ میں میڈیا سے گفتگو کرتے ہوئے چیئرمین پی ٹی آئی بیرسٹر گوہر کا کہنا تھا کہ آج عمر ایوب، شبلی فراز اور عبدالطیف کی نا اہلی سے متعلق درخواستوں کی سماعت تھی، ان مقدمات میں الیکشن کمیشن نے غیر قانونی طور پر نا اہل کیا ہے۔
انہوں نے کہا کہ عدالت سے استدعا کی کل سماعت کر لی جائے، عدلیہ سے امید وابستہ ہے، عدلیہ کو کہتے ہیں کہ ریلیف اور انصاف ہوتا ہوا نظر آنا چاہیے، کل اسلام آباد ہائیکورٹ کے جسٹس طارق جہانگیری کے ساتھ جو کچھ ہوا، وہ افسوس ناک ہے، کسی بھی جج کو عدالتی امور سے روکا نہیں جاسکتا، عوام کا پہلے ہی عدلیہ سے کافی اعتماد اٹھ چکا ہے، سپریم کورٹ اس معاملے میں ایکشن لے، اسلام آباد ہائیکورٹ میں بانی پی ٹی آئی عمران خان کے کریمنل کیسز جلد سنے جائیں۔
چیئرمین پی ٹی آئی کا کہنا تھا کہ اس وقت عوام مایوسی کے عالم میں ہیں، چیف جسٹس سے درخواست ہے کہ ہمارے زیر التوا مقدمات پر قانون کے مطابق کارروائی کریں۔ بیرسٹر گوہر کا کہنا تھا کہ عدلیہ ماتحت عدالتوں پر نظر رکھتی تو ہمارے 3 لوگوں کو 100 سال کی سزا نہ ہوتی، اب سزاؤں کا اتوار بازار ختم ہونا چاہیے، نفرتوں سے حکومت کرنے سے پاکستان کا نقصان ہوگا۔
بھارتی بورڈ کی دولت میں 5برس کے دوران کروڑوں روپے کا اضافہ