بارہمولہ کشمیر میں عید میلاد النبی (ص) کی عظیم الشان ریلی

اشاعت کی تاریخ: 15th, September 2025 GMT

آغا سید حسن الموسوی نے اجتماع سے خطاب کرتے ہوئے زور دیا کہ امت مسلمہ کو چاہیئے کہ وہ سیرتِ رسولؐ اور امام جعفر صادقؑ کی تعلیمات سے دوبارہ وابستہ ہو، کیونکہ یہی تعلیمات آج کی دنیا میں امن، اتحاد اور نجات کا راستہ ہیں۔ چھوٹی تصاویر تصاویر کی فہرست سلائیڈ شو

بارہمولہ کشمیر میں عید میلاد النبی (ص) کی عظیم الشان تقریب

اسلام ٹائمز۔ جموں و کشمیر انجمن شرعی شیعیان کے زیر اہتمام عید میلاد النبی (ص) کی عظیم الشان تقریبات تاریخی امام باڑہ یال پٹن ضلع بارہمولہ میں منعقد ہوئیں، جن میں وادی کے مختلف علاقوں سے ہزاروں عقیدت مندوں نے شرکت کی۔ جلوس میں نبی اکرم (ص) اور اہلبیت اطہار (ع) سے والہانہ عقیدت اور محبت کے نعروں کی گونج سنائی دیتی رہی۔ جلوس کے اختتام پر ایک روح پرور محفلِ میلاد منعقد ہوئی جس میں ممتاز علماء کرام نے رسول اکرم حضرت محمد مصطفیٰ (ص) کے اخلاقِ حسنہ، تعلیمات اور عالمگیر پیغام پر روشنی ڈالی۔ مقررین نے ساتھ ہی امام جعفر صادق (ع) کے علمی و فکری کارناموں اور روحانی حکمت پر بھی روشنی ڈالی۔ اس موقع پر صدرِ انجمن آغا سید حسن الموسوی الصفوی نے اجتماع سے خطاب کرتے ہوئے زور دیا کہ امت مسلمہ کو چاہیئے کہ وہ سیرتِ رسولؐ اور امام جعفر صادقؑ کی تعلیمات سے دوبارہ وابستہ ہو، کیونکہ یہی تعلیمات آج کی دنیا میں امن، اتحاد اور نجات کا راستہ ہیں۔ انہوں نے اپنے کلیدی خطاب میں کہا کہ رسول اکرم (ص) کی حیات طیبہ اور امام جعفر صادق (ع) کی ہدایت تمام انسانیت کے لئے ابدی سرچشمۂ ہدایت ہیں۔ ان کا پیغام وقت اور زمانے کی قید سے بالاتر ہے اور آج کے دورِ فتن میں بھی حق و صداقت کا مینار ہے۔ اس پُرمسرت موقع پر مختلف دینی اداروں کے ہونہار طلبہ کو ان کی تعلیمی کامیابیوں پر انعامات و اسناد سے نوازا گیا تاکہ انہیں اسلامی علوم کے مزید حصول کی ترغیب دی جا سکے۔.

ذریعہ

ذریعہ: Islam Times

کلیدی لفظ: کی عظیم الشان تقریب

پڑھیں:

مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی

مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔

ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔

اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔

دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔

ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔

سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔

بارہمولہ کشمیر میں عید میلاد النبی (ص) کی عظیم الشان ریلی

مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر