سہ ملکی سیریز کا فائنل: آج پاکستان اور افغانستان مدمقابل ہوں
اشاعت کی تاریخ: 7th, September 2025 GMT
شارجہ میں آج پاکستان اور افغانستان کے درمیان ٹی ٹوئنٹی سہ ملکی سیریز کا فیصلہ کن مقابلہ کھیلا جائے گا۔
دونوں ٹیمیں اب تک ایک، ایک میچ جیت چکی ہیں اور آج کا فائنل فاتح ٹیم کے حق میں سیریز کا فیصلہ کرے گا۔
یہ بھی پڑھیں:پاکستان کے ہیڈ کوچ مائیک ہیسن نے سہ ملکی سیریز میں فتوحات سیلاب متاثرین کے نام کردیں
پاکستان نے 29 اگست کو افغانستان کو 39 رنز سے شکست دی تھی، جب کہ 2 ستمبر کو افغان ٹیم نے شاندار واپسی کرتے ہوئے گرین شرٹس کو 18 رنز سے ہرایا۔
افغانستان حالیہ میچ میں یو اے ای کو چار وکٹوں سے شکست دے کر فائنل میں پہنچی ہے، جب کہ پاکستان نے بھی یو اے ای کو دو بار شکست دے کر فائنل میں جگہ بنائی۔
پاکستانی ٹیم کے لیے فخر زمان کی شاندار فارم حوصلہ افزا ہے، جنہوں نے یو اے ای کے خلاف 77 رنز کی انnings کھیلی۔
اسپنر ابرار احمد نے بھی 9 رنز کے عوض 4 کھلاڑی آؤٹ کر کے اہم کردار ادا کیا، جب کہ آل راؤنڈر محمد نواز نے جارحانہ بیٹنگ سے ٹیم کا اسکور بہتر بنایا۔
یہ بھی پڑھیں:کرکٹ روشن مستقبل کا حامل، ایونٹس اور انفراسٹرکچر جلد سامنے آرہے ہیں، شہزادہ سعود بن مشعل
یہ فائنل دونوں ٹیموں کے لیے ایشیا کپ سے قبل حوصلہ بڑھانے کا موقع ہے، جو 9 سے 28 ستمبر تک یو اے ای میں کھیلا جائے گا۔ پاکستان اور بھارت کا بڑا مقابلہ 14 ستمبر کو دبئی میں ہوگا۔
پاکستان اور افغانستان کا فائنل آج رات 8 بجے شارجہ میں شروع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان پاکستان ٹی ٹوئنٹی سہ ملکی سیریز شارجہ.ذریعہ: WE News
کلیدی لفظ: افغانستان پاکستان ٹی ٹوئنٹی سہ ملکی سیریز سہ ملکی سیریز پاکستان اور یو اے ای
پڑھیں:
پاکستانی خواتین کی ورلڈ کرکٹ کپ پر نظریں: منگل سے شروع ہونے والی جنوبی افریقہ سیریز کی تیاری اہم موقع ہے، کپتان فاطمہ ثنا
پاکستان ویمن کرکٹ ٹیم کی کپتان فاطمہ ثنا نے کہا ہے کہ جنوبی افریقہ کے خلاف 3 ایک روزہ میچز کی سیریز ورلڈ کپ کی تیاری کے لیے ایک سنہری موقع ہے اور ٹیم کا مکمل فوکس اسی عالمی ایونٹ پر ہے۔
فاطمہ ثنا نے یہ بات لاہور میں قذافی اسٹیڈیم میں پہلے ون ڈے سے قبل پریس کانفرنس کرتے ہوئے کہی۔ انہوں نے کہا کہ ورلڈ کپ کی تیاری ہمارا مخصوص ہدف ہے اور یہ سیریز ہماری منصوبہ بندی کو عملی جامہ پہنانے کے لیے بہت اہم ہے۔
ورلڈ کپ: بھارت اور سری لنکا میں مشترکہ میزبانیویمنز ورلڈ کپ 30 ستمبر سے 2 نومبر تک بھارت اور سری لنکا میں ’ہائیبرڈ ماڈل‘ کے تحت کھیلا جائے گا جس میں پاکستان کی تمام میچز کولمبو، سری لنکا میں ہوں گے کیونکہ کشیدگی کی وجہ سے دونوں ممالک کے درمیان سفر ممکن نہیں ہے۔
سیریز کا شیڈول
جنوبی افریقہ کے خلاف 3 میچز کی سیریز 16، 19 اور 22 ستمبر کو لاہور کے قذافی اسٹیڈیم میں کھیلی جائے گی جن کا آغاز شام 3:30 بجے ہوگا۔
بیٹنگ پر خصوصی توجہپاکستانی کپتان نے تسلیم کیا کہ ٹیم روایتی طور پر اپنی بولنگ پر انحصار کرتی ہے لیکن اس بار بیٹنگ پر بھی خصوصی کام کیا گیا ہے۔
انہوں نے کہا کہ ہم نے کیمپ کے دوران بیٹنگ پر بہت محنت کی ہے تاکہ ہماری بیٹنگ لائن بھی بولنگ کا بھرپور ساتھ دے سکے۔
اسکواڈ اور اہم کھلاڑیپاکستان کی 15 رکنی ٹیم کی قیادت فاطمہ ثنا کر رہی ہیں جب کہ جنوبی افریقہ کی ٹیم کی کپتانی لورا وولوارڈٹ کے سپرد ہے۔
پاکستانی اسکواڈ میں ایمن فاطمہ بھی شامل ہیں جنہوں نے حال ہی میں آئرلینڈ کے خلاف ڈبلن میں ٹی20 انٹرنیشنل ڈیبیو کیا۔
براہِ راست نشریاتپاکستان میں شائقین یہ میچز اے اسپورٹس پر براہ راست دیکھ سکیں گے۔
ماضی کا ریکارڈدونوں ٹیموں کے درمیان اب تک 28 ون ڈے میچز کھیلے گئے ہیں جن میں جنوبی افریقہ کا پلڑا بھاری رہا ہے۔ تاہم گزشتہ مقابلے میں پاکستان نے جنوبی افریقہ کو 8 وکٹوں سے شکست دی تھی۔
وہ میچ 14 ستمبر 2023 کو کراچی میں آئی سی سی ویمنز چیمپیئن شپ کے تحت کھیلا گیا تھا۔
عالمی ایونٹ کی تیاری کا اہم موقعیہ سیریز ورلڈ کپ میں شرکت کرنے والی دونوں ٹیموں کے لیے حتمی تیاری کا موقع ہے جہاں 8 ٹیمیں عالمی ٹائٹل کے لیے مد مقابل ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی بورڈ کی دولت میں 5برس کے دوران کروڑوں روپے کا اضافہ