آئی سی سی نے اگست کیلئے پلیئر آف دی منتھ کی نامزدگیوں کا اعلان کردیا، پاکستانی کھلاڑی بھی شامل
اشاعت کی تاریخ: 8th, September 2025 GMT
کراچی:
آئی سی سی نے اگست 2025 کیلئے پلیئر آف دی منتھ کی نامزدگیوں کا اعلان کردیا۔
خواتین کی کیٹیگری میں پاکستان ویمن ٹیم کی وکٹ کیپر منیبہ علی بھی شارٹ لسٹ تین کھلاڑیوں میں شامل ہیں جنہوں نے گزشتہ ماہ آئرلینڈ کے خلاف ٹی ٹوئنٹی سیریز میں شاندار پرفارمنس کا مظاہرہ کیا تھا۔
اوپنر منیبہ علی نے آئرلینڈ کیخلاف تیسرے ٹی ٹوئنٹی میں شاندار بیٹنگ کرتے ہوئے صرف 68 گیندوں پر 100 رنز بنائے، جن میں 14 چوکے اور ایک چھکا شامل تھا۔ یہ انکی دوسری ٹی ٹوئنٹی انٹرنیشنل سنچری تھی جبکہ ویمنز ٹی ٹوئنٹی کرکٹ میں کسی پاکستانی بیٹر کی دوسری سنچری ہے۔
دلچسپ بات یہ ہے کہ منیبہ علی نے اپنی پہلی ٹی ٹوئنٹی سنچری بھی 2023 کے آئی سی سی ویمنز ٹی ٹوئنٹی ورلڈ کپ میں آئرلینڈ کے خلاف ہی بنائی تھی۔
خواتین کی کیٹیگری میں شامل دیگر دو کھلاڑیوں میں آئرلینڈ کی آل راؤنڈر اورلا پرینڈرگاسٹ اور نیدرلینڈز کی آئرس زیولنگ شامل ہیں۔
آئرلینڈ کی آل راؤنڈر نے پاکستان کے خلاف ٹی ٹوئنٹی سیریز اور آئی سی سی ویمنز ٹی ٹوئنٹی ورلڈ کپ یورپ کوالیفائر میں شاندار پرفارمنس دی۔
پرینڈرگاسٹ نے پاکستان کے خلاف 2-1 سے جیتی جانے والی سیریز میں بیٹ اور بال دونوں سے شاندار کارکردگی دکھائی۔ 23 سالہ کرکٹر سیریز کی سب سے کامیاب بیٹر رہیں، انہوں نے تین اننگز میں 144 رنز اسکور کیے جن میں دو نصف سنچریاں شامل تھیں۔
وہ آئرلینڈ کی سب سے کامیاب باؤلر بھی رہیں، تین میچوں میں چار وکٹیں حاصل کیں اور پلیئر آف دی سیریز قرار پائیں۔
دو طرفہ سیریز کی عمدہ کارکردگی کے بعد پرینڈرگاسٹ نے آئی سی سی ویمنز ٹی ٹوئنٹی ورلڈ کپ یورپ کوالیفائر کے پانچ میچوں میں مزید 100 رنز اور تین وکٹیں اپنے نام کیں۔
مردوں کی کیٹیگری:
مردوں کی کیٹیگری میں بھارتی فاسٹ بولر محمد سراج، نیوزی لینڈ کے فاسٹ بولر میٹ ہینری اور ویسٹ انڈیز کے فاسٹ بولر جیڈن سیلز کو پلیئر آف دی منتھ کیلئے نامزد کیا گیا ہے۔
محمد سراج (بھارت) نے انگلینڈ کے خلاف آخری ٹیسٹ میں شاندار بولنگ کرتے ہوئے 9 وکٹیں حاصل کیں اور بھارت کو سیریز برابر کرانے میں اہم کردار ادا کیا۔
میک ہنری (نیوزی لینڈ) نے زمبابوے کے خلاف 2 ٹیسٹ میں 16 وکٹیں لے کر ٹیم کو اننگز اور 359 رنز سے تاریخی کامیابی دلائی۔
جےڈن سیلز (ویسٹ انڈیز) نے پاکستان کے خلاف 34 سال بعد ون ڈے سیریز جتوانے میں کلیدی کردار ادا کیا، انہوں نے تین میچوں میں 10 وکٹیں حاصل کیں جن میں کیریئر کی بہترین بولنگ 6/18 شامل ہے۔
.ذریعہ: Express News
کلیدی لفظ: ویمنز ٹی ٹوئنٹی کی کیٹیگری کے خلاف
پڑھیں:
سیلاب سے نقصانات کا تخمینہ لگانے کیلئے عالمی اداروں کو شامل کرنے کا فیصلہ
سیلاب سے نقصانات کا تخمینہ لگانے کیلئے عالمی اداروں کو شامل کرنے کا فیصلہ WhatsAppFacebookTwitter 0 16 September, 2025 سب نیوز
اسلام آباد (سب نیوز)وفاقی حکومت نے سیلاب سے ہونے والے نقصانات اور ضروریات کا تخمینہ لگانے کیلئے عالمی اداروں کو شامل کرنے کا فیصلہ کر لیا۔احسن اقبال کی زیر صدارت وزیراعظم کی قائم کردہ خصوصی کمیٹی کے اجلاس میں وفاقی وزیر خزانہ اور چیئرمین این ڈی ایم اے نے شرکت کیں۔وفاقی وزیر احسن اقبال کا کہنا ہے کہ اگلے 10 روز میں سیلابی نقصانات کا ابتدائی تخمینہ مکمل کر لیا جائے گا۔
حتمی تخمینہ پانی اترنے کے بعد ہی ممکن ہو گا۔اجلاس میں 2025 کے سیلاب سے نقصانات کے تخمینے کا تفصیلی جائزہ لیا گیا۔ اجلاس کے دوران صوبائی حکومتوں نے اس امر پر اتفاق کیا کہ سیلابی نقصانات کا حتمی تخمینہ پانی اترنے کے بعد ہی ممکن ہوگا۔وفاقی وزیر احسن اقبال نے کہا کہ سیلاب کے نقصانات کا تخمینہ صوبائی حکومتوں کے ساتھ مربوط انداز میں تیار کیا جائے گا۔ انہوں نے مزید بتایا کہ دس روز میں سیلابی نقصانات کا ابتدائی تخمینہ مکمل کیا جائے گا۔ ان کا کہنا تھا کہ سیلاب متاثرہ علاقوں میں بحالی کا کام جاری ہے جبکہ وفاقی اور صوبائی ادارے مل کر امدادی کارروائیاں سرانجام دے رہے ہیں۔
وفاقی وزیر نے کہا کہ اس بار بھی 2022 کی طرز پر قدرتی آفات کے بعد نقصانات اور ضروریات کا تخمینہ عالمی اداروں کو شامل کر کے لگایا جائے گا۔وزیر منصوبہ بندی نے کہا کہ متاثرہ علاقوں میں درست اور شفاف اعداد و شمار کی بنیاد پر امدادی اقدامات کیے جائیں گے۔ احسن اقبال نے کہا کہ موسمیاتی تبدیلی پاکستان کے لیے بڑا چیلنج ہے۔ سیلاب اور خشک سالی موسمیاتی تبدیلی کے براہِ راست اثرات ہیں۔ انہوں نے مزید کہا کہ بھارت کی جانب سے قدرتی آفت میں بھی سیاست کی گئی۔ذرائع کے مطابق پاکستان میں سیلاب سے پیدا صورت حال پر عالمی بینک کی گہری نظر ہے، ذرائع عالمی بینک کے مطابق ضروریات کا جائزہ مکمل ہونے کے بعد اقدامات پر غور کیا جائے گا، عالمی بینک بحالی کے لیے ممکنہ اقدامات پر مشاورت میں مصروف ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین سی ڈی اے محمد علی رندھاوا کا ٹی چوک فلائی اوور منصوبے کا دورہ،تعمیراتی کاموں کا معائنہ چیئرمین سی ڈی اے محمد علی رندھاوا کا ٹی چوک فلائی اوور منصوبے کا دورہ،تعمیراتی کاموں کا معائنہ اسلام آباد ہائیکورٹ کا چیئرمین پی ٹی اے کو فوری عہدے سے ہٹانے کا حکم چھبیس ستمبر تک پلاٹوں کی قرعہ اندازی نہ کی گئی تو مزدور یونین احتجاجی تحریک کا آغاز کرے گی: چوہدری محمد یٰسین تاریخ میں پہلی بار 2600 ارب روپے قرض قبل ازوقت واپس کیا گیا، ترجمان وزارت خزانہ جناح ہاؤس حملہ کیس: محمود الرشید کی درخواست ضمانت مسترد بھارت جنگ ہار گیا، کرکٹ کے میدان میں ہاتھ نہ ملانے کا مقصد خفت مٹانا ہے: عطا تارڑCopyright © 2025, All Rights Reserved
رابطہ کریں ہماری ٹیم
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار