اسلام آباد میں ’آسان خدمت مرکز‘ قائم کرنے کا فیصلہ، پاکستان اور آذربائیجان میں معاہدہ طے
اشاعت کی تاریخ: 10th, September 2025 GMT
وزیراعظم محمد شہباز شریف سے آذربائیجان کی اسٹیٹ ایجنسی فار پبلک سروس اینڈ سوشل انویسمنٹ (SAPSSI) کے چیئرمین الووی مہدییو نے ملاقات کی، جس میں اسلام آباد میں ’آسان خدمت مرکز‘ قائم کرنے پر اتفاق کیا گیا۔
وزیراعظم نے کہا کہ پاکستان اور آذربائیجان کے درمیان دوستی کا ایک نیا سنگ میل طے ہو رہا ہے۔ اسلام آباد میں قائم ہونے والا یہ مرکز شہریوں کو ایک ہی چھت تلے مختلف محکموں کی خدمات فراہم کرے گا اور شہری سہولیات میں ایک انقلابی قدم ثابت ہوگا۔
مزید پڑھیں: ایئر چیف مارشل کی آذربائیجانی ڈائریکٹر جنرل دفاع سے ملاقات، دو طرفہ دفاعی تعلقات کے فروغ پر اتفاق
شہباز شریف نے اس منصوبے کے لیے شفاف اور میرٹ پر تعیناتیوں کی ہدایت بھی کی۔ انہوں نے بتایا کہ انہوں نے اپنے دورۂ باکو کے دوران ’آسان خدمت مرکز‘ کا مشاہدہ کیا تھا اور اسلام آباد میں اسی طرز کا ماڈل متعارف کرانے کی ہدایت کی تھی۔
ان کا کہنا تھا کہ یہ منصوبہ حکومت کی کیش لیس معیشت پالیسی کو آگے بڑھانے میں بھی مددگار ثابت ہوگا جبکہ اس کے دائرۂ کار کو مستقبل میں دیگر شہروں تک بھی پھیلایا جائے گا۔
مزید پڑھیں: ایران نے آرمینیا آذربائیجان معاہدے میں شامل مجوزہ ٹرانزٹ راہداری کو مسترد کردیا
وزیراعظم نے آذربائیجان کے صدر الہام علیوف اور حکومتِ آذربائیجان کا شکریہ ادا کرتے ہوئے کہا کہ اس منصوبے سے دونوں ممالک کے درمیان معاشی تعاون مزید فروغ پائے گا۔
ملاقات کے دوران SAPSSI اور وزارت انفارمیشن ٹیکنالوجی کے درمیان اسلام آباد میں آسان خدمت مرکز کے قیام کے حوالے سے باقاعدہ معاہدے پر دستخط بھی ہوئے، جس میں وزیراعظم شہباز شریف نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
SAPSSI آذربائیجان آسان خدمت مرکز اسلام آباد پاکستان وزیراعظم محمد شہباز شریف.
ذریعہ
ذریعہ: WE News
کلیدی لفظ: اسلام آباد پاکستان وزیراعظم محمد شہباز شریف اسلام آباد میں شہباز شریف
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم