مودی پر شدید تنقید کے بعد ٹرمپ کا یوٹرن، بھارت سے تجارتی مذاکرات کا اعلان
اشاعت کی تاریخ: 10th, September 2025 GMT
امریکی صدر ڈونلڈ ٹرمپ نے کہا ہے کہ بھارت اور امریکا کے درمیان تجارتی رکاوٹیں ختم کرنے کے لیے بات چیت جاری ہے۔
سماجی رابطے کے اپنے پلیٹ فارم ’ٹروتھ سوشل‘ پر جاری بیان میں ڈونلڈ ٹرمپ نے کہا کہ وہ اپنے بہترین دوست بھارتی وزیراعظم نریندر مودی سے آئندہ چند ہفتوں میں گفتگو کے منتظر ہیں۔ ان کے مطابق دو عظیم ممالک کے لیے کسی کامیاب نتیجے تک پہنچنا زیادہ مشکل نہیں ہوگا۔
یہ بھی پڑھیں: امریکا بھارت مشترکہ بیان میں پاکستان کا تذکرہ: امریکی ڈپٹی سفارتی مشن کی وزارت خارجہ طلبی
صدر ٹرمپ کے بیان پر بھارتی وزیراعظم نریندر مودی نے بھی سوشل میڈیا پر ردعمل دیتے ہوئے کہاکہ وہ بھی ٹرمپ سے بات کرنے کے خواہاں ہیں۔
نریندر مودی نے ’ایکس‘ پر اپنے بیان میں کہاکہ بھارت اور امریکا قریبی دوست اور فطری شراکت دار ہیں، اور انہیں یقین ہے کہ مذاکرات دونوں ملکوں کے درمیان تجارتی تعلقات میں نئی راہیں کھولیں گے۔
India and the US are close friends and natural partners.
— Narendra Modi (@narendramodi) September 10, 2025
ان کا مزید کہنا تھا کہ دونوں ممالک کی ٹیمیں گفت و شنید کو جلد مکمل کرنے کے لیے سرگرم ہیں تاکہ عوام کے خوشحال اور روشن مستقبل کے لیے مشترکہ کوششیں کی جا سکیں۔
واضح رہے کہ حالیہ مہینوں میں امریکا اور بھارت کے تعلقات میں سرد مہری رہی ہے، جبکہ صدر ٹرمپ بارہا مودی پر تنقید کرتے رہے ہیں۔
بھارت کی جانب سے تجارتی معاہدہ طے نہ پانے کے بعد ٹرمپ نے بھارت پر ٹیرف 50 فیصد تک بڑھا دیا تھا۔ اس کے ساتھ ہی وہ پاک بھارت کشیدگی میں اپنے ممکنہ کردار کا ذکر کرتے رہے ہیں جسے بھارت تسلیم نہیں کرتا۔
ٹرمپ نے ماضی میں کہا تھا کہ بھارت نے محصولات کو صفر کرنے کی پیشکش کی ہے لیکن اب یہ پیشکش بہت دیر سے آئی ہے، یہ کئی برس قبل ہونی چاہیے تھی۔ انہوں نے واضح کیا تھا کہ بھارت پر عائد امریکی ٹیرف کم کرنے کا کوئی ارادہ نہیں۔
امریکی میڈیا کے مطابق تجارتی کشیدگی کے تناظر میں ٹرمپ نے اپنا بھارت کا دورہ بھی منسوخ کر دیا تھا۔
یہ بھی پڑھیں: امریکا کی بھارت کو پھر تنبیہ، روسی تیل کی درآمدات پر ’سنجیدگی‘ دکھانے کا مطالبہ
اسی دوران چینی شہر تیانجن میں شنگھائی تعاون تنظیم (ایس سی او) کے اجلاس کے موقع پر ایک موقع پر صدر شی جن پنگ کے ساتھ ولادیمیر پیوٹن اور نریندر مودی کو ایک ساتھ آگے بڑھتے دیکھا گیا۔
اس منظر کی تصویر سوشل میڈیا پر شیئر کرتے ہوئے ٹرمپ نے لکھا: ’ایسا لگتا ہے کہ ہم نے بھارت اور روس کو چین کے سب سے گہرے اور تاریک دائرے میں کھو دیا ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلان امریکا بھارت تعلقات امریکی صدر تجارتی رکاوٹیں تجارتی مذاکرات ڈونلڈ ٹرمپ نریندر مودی وی نیوز
ذریعہ
ذریعہ: WE News
کلیدی لفظ: اعلان امریکا بھارت تعلقات امریکی صدر تجارتی رکاوٹیں تجارتی مذاکرات ڈونلڈ ٹرمپ وی نیوز کہ بھارت کے لیے
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ