کرشمہ کپور کے بچے آنجہانی والد کی کھربوں کی جائیداد سے حصہ لینے عدالت پہنچ گئے
اشاعت کی تاریخ: 10th, September 2025 GMT
بالی ووڈ اداکارہ کرشمہ کپور کے بچے اپنے مرحوم والد اور صنعت کار سنجے کپور کی بھاری بھرکم جائیداد میں اپنے حصہ لینے کے لیے قانونی جنگ لڑنے عدالت پہنچ گئے۔
بھارتی میڈیا کے مطابق کرشمہ کپور کی بیٹی سمائرا اور بیٹے کیان نے دہلی ہائی کورٹ میں درخواست دائر کی ہے۔
جس میں مؤقف اختیار کیا گیا ہے کہ والد کی 21 مارچ کو سامنے آنے والی وصیت جعلی اور غیر قانونی ہے کیونکہ والد نے کبھی اپنی زندگی میں اس کا ذکر نہیں کیا۔
خیال رہے کہ اس وصیت کے تحت سنجے نے تمام جائیداد اپنی بیوہ پریا کپور کے نام کر دی تھی۔
تاہم سنجے کی سابقہ بیوی اور بچوں کی ماں اداکارہ کرشمہ کپور اور دونوں بچوں کا کہنا ہے کہ یہ وصیت حقیقت پر مبنی نہیں۔
درخواست میں استدعا کی گئی ہے کہ وصیت کو جعلی قرار دیکر ان کے والد کی 30 ہزار کروڑ روپے مالیت کی جائیداد میں اسے بچوں کو بھی برابر کا حق دیا جائے۔
یہ درخواست دراصل کرشمہ کپور نے بچوں کی جانب سے جمع کرائی ہے کیونکہ بیٹا نابالغ ہے جبکہ بیٹی نے ماں کو جنرل پاور آف اٹارنی تفویض کر رکھا ہے۔
سماعت کے دوران سنجے کپور کی دوسری بیوی پریا کپور کے وکیل راجیو نیئر نے عدالت کو بتایا کہ بچوں کو پہلے ہی 1900 کروڑ روپے کے اثاثے مل چکے ہیں۔ اب مزید جائیداد کا مطالبہ درست نہیں۔
وکیل دفاع کا مزید کہنا تھا کہ چونکہ کرشمہ کپور کی سنجے سے طلاق ہوچکی تھی اس لیے ان کے بچوں کا مزید دعویٰ برقرار نہیں رکھا جا سکتا۔
یاد رہے کہ رواں سال جون میں 53 سالہ صنعت کار سنجے کپور برطانیہ میں ایک پولو میچ کے دوران اچانک گر کر انتقال کر گئے تھے۔
سنجے کپور کی کرشمہ کپور سے 2003 میں شادی ہوئی تھی اور دونوں کے دو بچے بھی ہیں لیکن 2015 میں ان کی طلاق ہوگئی تھی۔
.
ذریعہ
ذریعہ: Express News
کلیدی لفظ: کرشمہ کپور سنجے کپور کپور کے کپور کی
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی