یوٹیوب نے ملٹی لینگویج آڈیو ڈبنگ فیچر متعارف کرا دیا
اشاعت کی تاریخ: 11th, September 2025 GMT
ویڈیو شیئرنگ پلیٹ فارم یوٹیوب نے اپنے ملٹی لینگویج آڈیو فیچر کا باضابطہ اعلان کر دیا ہے، جس کے تحت اب دنیا بھر کے لاکھوں کنٹینٹ کری ایٹرز اپنی ویڈیوز میں مختلف زبانوں میں ڈبنگ شامل کرسکیں گے۔
یہ فیچر 2023 میں پائلٹ پروجیکٹ کے طور پر متعارف کرایا گیا تھا اور ابتدائی طور پر صرف چند تخلیق کاروں، جیسے مشہور یوٹیوبر مسٹر بیسٹ، مارک روبر اور شیف جیمی اولیور، تک محدود تھا۔
یہ بھی پڑھیں: یوٹیوب کے نئے فیچر ’جیولز‘ سے من چاہے پیسے کمائیں
اس سے قبل یوٹیوبرز کو تھرڈ پارٹی ڈبنگ سروسز کا سہارا لینا پڑتا تھا، تاہم اب گوگل کے جدید جیمنی ٹیکنالوجی سے چلنے والے اے آئی ڈبنگ ٹول کے ذریعے تخلیق کار اپنی ہی آواز اور انداز میں دیگر زبانوں میں ڈبنگ کرسکتے ہیں۔
یوٹیوب کے مطابق فیچر کے ابتدائی استعمال کنندگان کو غیر معمولی کامیابی ملی ہے۔ کمپنی کا کہنا ہے کہ اس سہولت کو اپنانے والے تخلیق کاروں کی ویڈیوز میں 25 فیصد واچ ٹائم اُن زبانوں سے آنے لگا جو ویڈیو کی بنیادی زبان نہیں تھیں۔ مثال کے طور پر جیمی اولیور کی ویڈیوز کی ناظرین کی تعداد ڈبنگ فیچر کے بعد تین گنا بڑھ گئی۔
یہ بھی پڑھیں: یوٹیوب پر مختصر ویڈیوز بنانے والوں کے لیے نئے زبردست فیچرز کا اعلان
یوٹیوب نے رواں سال جون سے ملٹی لینگویج تھمب نیل کا تجربہ بھی شروع کیا، جس کے ذریعے تخلیق کار اپنی ویڈیوز کے تھمب نیل مختلف زبانوں کے متن کے ساتھ کسٹمائز کرسکتے ہیں تاکہ عالمی ناظرین کو اپنی زبان میں مواد سمجھنے میں آسانی ہو۔
کمپنی کے مطابق یہ اقدامات یوٹیوب کے اس وژن کا حصہ ہیں جس کے تحت تخلیق کاروں کو بین الاقوامی سطح پر وسیع تر ناظرین تک رسائی دی جا سکے۔ جلد ہی اس فیچر کو وسیع پیمانے پر تمام صارفین کے لیے دستیاب کر دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news جیمنی گوگل ویڈیو ڈبنگ یوٹیوب.ذریعہ: WE News
کلیدی لفظ: گوگل ویڈیو ڈبنگ یوٹیوب
پڑھیں:
کینوا نے نیا ڈیزائن ماڈل اور جدید اے آئی فیچرز متعارف کرا دیے
عالمی سطح کے گرافک ڈیزائن پلیٹ فارم کینوا نے اپنا جدید ڈیزائن ماڈل متعارف کروا دیا ہے اور ساتھ ہی نئے اے آئی فیچرز بھی شامل کیے ہیں، تاکہ صارفین تیزی سے اور آسانی سے تخلیقی ڈیزائن تیار کر سکیں۔
ٹیکنالوجی ویب سائٹس کے مطابق، یہ نیا ماڈل صرف تصاویر بنانے تک محدود نہیں ہے بلکہ ڈیزائن کی مختلف لیئرز، عناصر اور فارمیٹس کو بھی سمجھتا ہے، جس کا مطلب ہے کہ صارف اب ڈیزائن کے ہر جزو میں تبدیلی کر سکتا ہے۔
کینوا کے نئے اے آئی ٹولز کی مدد سے صارف مختصر ہدایات (prompts) دے کر مکمل اشتہار، سوشل میڈیا پوسٹ یا ای‑میل ٹیمپلیٹ تیار کر سکتا ہے۔ اس کے علاوہ ڈیزائن کے اندر موجود اے آئی اسسٹنٹ صارف کی رہنمائی بھی فراہم کرے گا، تاکہ تخلیقی عمل مزید آسان اور تیز ہو جائے۔
خصوصی طور پر چھوٹے کاروبار اور ٹیموں کے لیے بھی کینوا نے سہولیات فراہم کی ہیں، جن میں مارکیٹنگ مہمات کا انتظام، اشتہارات کی منیجمنٹ اور تجزیاتی ٹولز شامل ہیں۔
نیا ماڈل اب عام صارف کے لیے بھی ڈیزائن بنانا آسان کر دیتا ہے، اور انہیں مہنگے پروفیشنل ٹولز یا زیادہ تکنیکی علم کی ضرورت نہیں رہتی۔ اس کے ذریعے وہ کم وقت اور کم محنت سے معیاری مواد تخلیق کر سکتے ہیں۔
کاروباری حضرات اور سوشل میڈیا منیجرز کے لیے یہ خوشخبری ہے کہ اب وہ تیزی سے نتائج حاصل کر سکیں گے، اور ڈیزائن میں تبدیلی یا ترمیم بھی آسان ہو گئی ہے، کیونکہ نیا ماڈل صارف کو ڈیزائن کے ہر حصے میں کنٹرول فراہم کرتا ہے۔
اگرچہ بنیادی فیچرز سب کے لیے دستیاب ہوں گے، لیکن کچھ اعلیٰ درجے کے ٹولز صرف پرو صارفین کے لیے مخصوص رہیں گے۔
لاہور ہائیکورٹ کی تاریخ میں پہلی مرتبہ زیرالتواء مقدمات میں 11 فیصد کمی