امریکی موٹل میں بھارتی شہری کا سر قلم، قاتل گرفتار
اشاعت کی تاریخ: 12th, September 2025 GMT
امریکی شہر ڈلاس کے ایک موٹل میں خوفناک واقعہ پیش آیا جہاں واشنگ مشین کے تنازع پر ایک بھارتی شہری کا سر قلم کر دیا گیا۔
پولیس کے مطابق 50 سالہ چندرا ناگمالیہ، جو کہ بھارت کی ریاست کرناٹک سے تعلق رکھتے تھے، موٹل میں مینیجر کے طور پر کام کر رہے تھے۔
یہ بھی پڑھیں:چارلی کرک کے قاتل کی تلاش ، اطلاع دینے والے کو کتنا انعام ملے گا؟
واقعہ اس وقت پیش آیا جب انہوں نے اپنے ملازم یورڈانس کوبوس مارٹینز (37) کو خراب واشنگ مشین استعمال نہ کرنے کی ہدایت کی۔
اس بات پر تلخ کلامی ہوئی اور ملزم نے مبینہ طور پر شدید غصے میں آ کر مینیجر پر حملہ کر دیا۔
A brutal scene unfolded at a Dallas motel on Wednesday when a 50-year-old Indian-origin man, Chandra Nagamallaiah, was killed in a machete attack.
Read Here: https://t.co/FEvJb6BXvS#DNAUpdates | #DallasMotel | #ChandraNagamallaiah | #US pic.twitter.com/OqtEjCshgR
— DNA (@dna) September 12, 2025
عینی شاہدین کے مطابق ملزم نے پہلے تیز دھار آلے سے ناگمالیہ پر متعدد وار کیے۔ وہ جان بچانے کے لیے پارکنگ لاٹ کی طرف بھاگے لیکن ملزم نے پیچھا کر کے انہیں قابو کر لیا۔
اس دوران ناگمالیہ کی اہلیہ اور 18 سالہ بیٹا بھی موقع پر پہنچے اور حملہ روکنے کی کوشش کی مگر ملزم نے انہیں دھکا دے کر ہٹا دیا۔
پولیس رپورٹ کے مطابق ملزم نے بعد ازاں ناگمالیہ کا سر قلم کر دیا اور یہاں تک کہ اس کا کٹا ہوا سر لات مار کر گھسیٹا۔
یہ بھی پڑھیں:امریکی نیول اکیڈمی میں لاک ڈاؤن، فائرنگ سے طالب علم زخمی
ایک ویڈیو بھی سامنے آئی ہے جس میں دیکھا جا سکتا ہے کہ کوبوس مارٹینز مقتول کا سر اٹھا کر کچرے کے ڈبے تک لے جا رہا ہے۔ پولیس نے اسے اسی دوران خون آلود حالت میں آلہ قتل کے ساتھ گرفتار کر لیا۔
بھارتی قونصل خانہ ہیوسٹن نے واقعے پر شدید افسوس کا اظہار کرتے ہوئے کہا ہے کہ ناگمالیہ کو انتہائی بربریت کے ساتھ قتل کیا گیا۔ قونصل خانہ متاثرہ خاندان سے رابطے میں ہے اور ہر ممکن مدد فراہم کرنے کی یقین دہانی کرائی گئی ہے۔
پولیس کے مطابق ملزم پر کیپیٹل مرڈر کا مقدمہ درج کیا گیا ہے۔ اس کا مجرمانہ ریکارڈ بھی موجود ہے اور ماضی میں ہاؤسٹن میں گاڑی چوری اور حملے کے الزامات میں گرفتار ہو چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بھارتی شخص موٹل مینیجر
ذریعہ
ذریعہ: WE News
کلیدی لفظ: امریکا بھارتی شخص موٹل کے مطابق
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی