بلیاں گھاس کیوں کھاتی ہیں؟ طویل تحقیق کے بعد حیران کن وجہ سامنے آگئی
اشاعت کی تاریخ: 14th, September 2025 GMT
بلیوں کی عجیب و غریب عادات میں سے ایک یہ ہے کہ وہ گھاس کھانا پسند کرتی ہیں حالانکہ اکثر بلیاں اس کے بعد الٹی کر دیتی ہیں۔
سائنس دان طویل عرصے سے اس رویے پر تحقیق کر رہے ہیں اور اب ایک نئی تحقیق نے اس کا دلچسپ سبب پیش کیا ہے۔ ویٹرنری بیہیویر نامی جریدے میں شائع ہونے والی اس تحقیق کے مطابق بلیاں ایسی گھاس کھاتی ہیں جس کی ساخت نوکیلی اور کانٹوں جیسی ہوتی ہے جو آنتوں میں جمع ہونے والے بالوں کے گولوں (hairballs) کو پھانسنے اور نکالنے میں مدد دیتی ہے۔
یہ بھی پڑھیے: کیا بلیاں بو سونگھ کر مالک اور اجنبی میں فرق کرسکتی ہیں؟
بلیاں صفائی کے دوران بڑی مقدار میں بال نگل لیتی ہیں جو بعض اوقات ہضم کے نظام کو بلاک کر دیتے ہیں۔ عام طور پر خیال کیا جاتا ہے کہ بلیاں گھاس اس لیے کھاتی ہیں تاکہ آنتوں کے کیڑے نکال سکیں مگر تحقیق سے معلوم ہوا ہے کہ گھاس کے ننھے نوکیلے ریشے بالوں کے ساتھ ایسے الجھ جاتے ہیں جیسے ڈرین صاف کرنے والے اوزار انسانی بال نکالتے ہیں۔
ہائی پوائنٹ یونیورسٹی کی پودوں کی ماہر نکول ہیوز اور ان کی ٹیم نے بلیوں کے بالوں کے گولوں کو الیکٹران مائیکروسکوپ کے ذریعے جانچا۔ ان میں پودوں کے نوکیلے ذرات بالوں میں پھنسے ہوئے پائے گئے۔ یہ ذرات بالوں کی موٹائی کے لحاظ سے بالکل موزوں سائز کے تھے جو انہیں آسانی سے جکڑ لیتے ہیں۔
یہ بھی پڑھیے: کراچی میں گھر پر مرغیاں، بلیاں پالنے کا معاملہ دلچسپ صورت حال اختیار کرگیا
تحقیق میں یہ بھی بتایا گیا کہ گھروں اور باغوں میں موجود عام گھاس اور کچھ پودے زیادہ تر ان بالوں کے گولوں میں پائے گئے۔ یہ سب پودے سطحی طور پر کھردرے ہوتے ہیں گویا بلیاں خاص طور پر ایسی گھاس کا انتخاب کرتی ہیں جو بالوں کو نکال سکے۔
ماہرین کا کہنا ہے کہ یہ تحقیق ایک اہم پیش رفت ہے لیکن یہ قطعی ثبوت نہیں کہ بلیاں صرف اسی وجہ سے گھاس کھاتی ہیں کیونکہ کتے اور دوسرے جانور بھی گھاس کھاتے ہیں حالانکہ وہ آنتوں میں بالوں کے گولے نہیں بناتے۔ اس کے باوجود یہ نظریہ کہ بلیاں گھاس کو بالوں کے اخراج کے لیے استعمال کرتی ہیں مزید مضبوط ہو گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بال بلی خوراک گھاس.
ذریعہ
ذریعہ: WE News
کلیدی لفظ: بال بلی خوراک گھاس کھاتی ہیں بالوں کے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار