وفاقی وزیرِ تجارت 3روزہ دورے پر ایران پہنچ گئے
اشاعت کی تاریخ: 14th, September 2025 GMT
وفاقی وزیرِ تجارت جام کمال خان اتوار کو تین روزہ سرکاری دورے پر ایران پہنچ گئے جہاں وہ پاکستان اور ایران کے درمیان معاشی تعلقات کو مزید فروغ دینے کے لیے مختلف اجلاسوں اور ملاقاتوں میں شریک ہوں گے۔
یہ بھی پڑھیں: وفاقی وزیر تجارت جام کمال ڈھاکا پہنچ گئے، بنگلہ دیشی ہم منصب سے ملاقات طے
وزارتِ تجارت کے مطابق جام کمال خان اپنے دورے کے دوران پاکستان ایران مشترکہ اقتصادی کمیشن کے 22ویں اجلاس کی صدارت کریں گے اور پاکستان ایران مشترکہ بزنس فورم کی کو چیئرمین شپ بھی کریں گے۔
اتوار کے اور تہران پہنچنے پر امام خمینی انٹرنیشنل ایئرپورٹ پر انہیں ایران کی وزارتِ شاہراہ و شہری ترقی کے مشیر امین طرفاع نے خوش آمدید کہا۔
ترجمان وزارتِ تجارت کے مطابق وزیرِ تجارت اپنے قیام کے دوران ایرانی وزرا اور اعلیٰ حکام سے بھی ملاقاتیں کریں گے تاکہ دو طرفہ تجارت اور سرمایہ کاری کے مواقع بڑھائے جا سکیں۔
یہ بھی پڑھیں: ایران پر پابندیوں میں نرمی پاکستان کے لیے تجارتی مواقع کی نوید ہے، وزیر تجارت جام کمال
خیال رہے کہ اگست میں ایرانی صدر مسعود پزیشکیان نے پاکستان کا دورہ کیا تھا جس میں دونوں ممالک کے درمیان 12 معاہدوں اور مفاہمتی یادداشتوں پر دستخط کیے گئے تھے۔
ان معاہدوں میں پودوں کے تحفظ اور قرنطینہ، میر جاوہ۔تفتان بارڈر گیٹ کے مشترکہ استعمال، سائنس و ٹیکنالوجی میں تعاون، اور اطلاعات و مواصلات کی ٹیکنالوجی کے شعبوں میں اشتراک شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایران پاک ایران بزنس فورم پاکستان جام کمال وزیرتجارت.
ذریعہ
ذریعہ: WE News
کلیدی لفظ: ایران پاک ایران بزنس فورم پاکستان جام کمال جام کمال
پڑھیں:
آبنائے ہرمز میں ہر حملے کے بدلے ایک پل یا پاور پلانٹ تباہ کریں گے، ٹرمپ کی ایران کو نئی دھمکی
واشنگٹن(ڈیلی پاکستان آن لائن)امریکی صدر ڈونلڈ ٹرمپ نے ایران کو نئی دھکمی دیتے ہوئے خبردار کیا ہے کہ اگر ایران نے آبنائے ہرمز سے گزرنے والے کسی بھی جہاز کو نشانہ بنایا تو امریکہ اس کے جواب میں ایران کا ایک پل یا ایک پاور پلانٹ تباہ کر دے گا۔سوشل میڈیا پلیٹ فارم ٹروتھ سوشل پر جاری اپنے بیان میں ڈونلڈ ٹر مپ نے لکھا کہ آج سے اگر اسلامی جمہوریہ ایران آبنائے ہرمز میں کسی بھی جہاز پر میزائل، راکٹ، ڈرون یا کسی بھی دوسرے ہتھیار سے حملہ کرتا ہے تو امریکہ اس کے بدلے میں ایران کا ایک پل یا ایک پاور پلانٹ تباہ کرے گا، جن میں تہران کے اندر یا اس کے قریب واقع تنصیبات بھی شامل ہو سکتی ہیں۔ خیال رہے کہ یہ پہلا موقع نہیں جب ڈونلڈ ٹرمپ نے ایران کے شہری بنیادی ڈھانچے کو نشانہ بنانے کی دھمکی دی ہو۔ گزشتہ ہفتے ایک انٹرویو میں بھی انہوں نے کہا تھا کہ اگر ایران مذاکرات کی میز پر نہیں آیا تو امریکا اس کے تمام پل تباہ کر دے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی