بھارت بیانیے کی جنگ میں بھی شکست کھا چکا، بھارتی اینکر کا اعتراف
اشاعت کی تاریخ: 20th, September 2025 GMT
نئی دہلی(انٹرنیشنل ڈیسک) بھارتی میڈیا کی معروف اینکر پرسن پالکی شرما نے ایک تقریب میں گفتگو کرتے ہوئے یہ اعتراف کیا ہے کہ بھارت مئی کی جنگ کے بعد صرف میدانِ جنگ ہی نہیں بلکہ بیانیے کی جنگ میں بھی شکست کھا چکا ہے۔ یہ بیان بھارتی صحافتی اور سیاسی حلقوں میں ایک نئی بحث کا آغاز کر چکا ہے کیونکہ عام طور پر بھارت کی مرکزی دھارے کی میڈیا شخصیات حکومتی پالیسیوں کی حمایت میں بیانات دیتی ہیں۔
پالکی شرما نے کھلے الفاظ میں کہا کہ بھارت کے پاس ٹیلنٹ بھی ہے اور پیسہ بھی، مگر اصل مسئلہ یہ ہے کہ ہمارے پاس ویژن کی شدید کمی ہے۔ انہوں نے زور دیتے ہوئے کہا کہ ملک کو یہ حقیقت تسلیم کرنا پڑے گی کہ جنگیں صرف سرحدوں پر نہیں لڑی جاتیں بلکہ بیانیے کے میدان میں بھی اپنی طاقت دکھانی پڑتی ہے۔ ان کے مطابق بھارت نے مئی کی جنگ کے بعد دنیا کے سامنے اپنا مؤقف بہتر طریقے سے پیش نہیں کیا جس کی وجہ سے عالمی رائے عامہ بھارت کے خلاف گئی۔
پالکی نے مزید کہا کہ بھارت میں جب بھی حکمت عملی کی بات کی جاتی ہے تو سوچ صرف سرحدوں، بارڈرز اور روایتی ڈپلومیسی تک محدود رہتی ہے جبکہ میڈیا کو کبھی بھی ایک اسٹریٹیجک ریسورس کے طور پر استعمال نہیں کیا جاتا۔ انہوں نے مثال دیتے ہوئے کہا کہ دنیا کے بڑے ممالک میڈیا کو اپنی پالیسی اور عالمی بیانیے کے فروغ کے لیے ایک ہتھیار کی طرح استعمال کرتے ہیں، مگر بھارت ابھی تک اس سمت میں سنجیدہ اقدامات کرنے میں ناکام رہا ہے۔
انہوں نے خبردار کیا کہ اگر بھارت نے اپنی اس خامی کو دور نہ کیا تو مستقبل میں بھی کسی بھی تنازع کے بعد عالمی رائے عامہ پر اثرانداز ہونے میں ناکام رہے گا اور اس کے سیاسی و سفارتی نتائج بھارت کے لیے مزید نقصان دہ ثابت ہوں گے۔ پالکی کا یہ بیان نہ صرف بھارتی حکومت کے لیے ایک چیلنج ہے بلکہ خود بھارتی میڈیا کی کمزوریوں کو بھی واضح کرتا ہے۔
Post Views: 5.ذریعہ: Daily Mumtaz
کلیدی لفظ: میں بھی کہا کہ کی جنگ
پڑھیں:
پاک بھارت ٹاکرے سے قبل قومی ٹیم کی اہم بیٹھک، بلے بازی میں ناکامی کا برملا اعتراف
دبئی(سپورٹس ڈیسک) اتوار کو پاک بھارت ٹاکرے سے قبل قومی کرکٹ ٹیم کی اہم بیٹھک ہوئی جس میں کھلاڑیوں نے بلے بازی میں ناکامی کا برملا اعتراف کیا۔
ذرائع کے مطابق قومی ٹیم کی میٹنگ میں ہر کھلاڑی نے اپنے خیالات کا اظہار کیا اور کھلاڑیوں نے برملا بلے بازی میں ناکامی کا اعتراف کیا۔
ذرائع کا کہنا ہے کہ کھلاڑیوں نے اس بات کو تسلیم کیا کہ اسٹرائیک کو روٹیٹ کرنا ضروری ہے جبکہ بولرز نے تسلیم کیا کہ بیٹرز کے لیے کنڈیشنز قدرے دشوار ہیں۔
ذرائع کا بتانا ہے کہ کھلاڑیوں نے ٹیم مینجمنٹ کو یقین دلایا کہ سپر فور مرحلے میں عمدہ کھیل کا مظاہرہ کریں گے جبکہ کوچ مائیک ہیسن نے ٹیم پر مکمل اعتماد کا اظہار کیا۔
خیال رہے کہ ایشیا کپ کے دوران پاکستان نے تین میں سے دو میچز جیتے جبکہ بھارت کے خلاف اسے شکست کا سامنا کرنا پڑا، ٹورنامنٹ کے دوران قومی بیٹرز خاطر خواہ کارکردگی دکھانے میں ناکام رہے ہیں۔
Post Views: 2
ویمنز کرکٹ ورلڈکپ: سری لنکا میں میچز کو پاکستانی کھلاڑیوں نے فائدہ مند قرار دے دیا