روجھان ، کچے کے ڈاکوئو ں نے د و مغویوں کو قتل کردیا، تین کے بدلے تاوان کا مطالبہ
اشاعت کی تاریخ: 21st, September 2025 GMT
روجھان(آئی این پی )پنجاب کے ضلع راجن پور کے کچے کے ڈاکوئو ں نے چند روز قبل اغوا کئے گئے پانچ میں سے دو مغویوں کو قتل کردیا ۔
تفصیل کے مطابق پنجاب میں کچے کے ڈاکوئو ں نے ایک اور سنگین واردات کرتے ہوئے کشتیوں کے ذریعے آ کر روجھان کے پانچ شہریوں کو اغوا کر لیا تھا اور انہیں کچے کے جنگلات میں لے گئے تھے۔ذرائع کے مطابق واردات کے سات روز بعد ڈاکوئوں نے مغویوں کی ایک ویڈیو سوشل میڈیا پر جاری کی ہے جس میں انہوں نے دعوی کیا ہے کہ دو مغویوں کو گولی مار کر قتل کر دیا گیا ہے، جبکہ باقی تین نوجوانوں کی رہائی کے بدلے ایک کروڑ روپے تاوان کا مطالبہ کیا گیا ہے۔
ہماری تیاری اچھی،ایک میچ جیتنے کا مطلب برتری نہیں:بھارتی کپتان
ڈاکوئو ں نے اپنے مطالبے کے ساتھ دو دن کی ڈیڈ لائن بھی دی ہے۔اس ویڈیو کے وائرل ہونے سے روجھان شہر میں خوف و ہراس اور تشویش کی لہر دوڑ گئی ہے۔ اغوا کاروں کی جانب سے جاری بیان نے عوام کو مزید عدم تحفظ کا شکار بنا دیا ہے۔اغوا ہونے والوں میں قاضی چاند، ملک نیک، شکیل آرائیں، شبیر آرائیں اور اکرم آرائیں شامل ہیں۔ دوسری جانب مغویوں کے اہلخانہ نے میڈیا پر بیان دینے سے انکار کر دیا ہے۔
ذریعہ: Daily Pakistan
پڑھیں:
کراچی، 15 سالہ لڑکی کا مبینہ اغوا، گرفتار ملزم سمیت دیگر کے خلاف مقدمہ درج
کراچی:بن قاسم پولیس نے 15سالہ لڑکی کے مبینہ اغوا پر گرفتار ملزم اور اس کے دیگر ساتھیوں کے خلاف مغویہ کی والدہ کی مدعیت میں درج کرلیا۔
مغویہ کی والدہ نے پولیس کو بتایا کہ وہ اپنے والد کے ساتھ رہتی ہیں اور گھریلو ملازمہ ہیں، 19 ستمبر کو ان کی بیٹیاں 15 سالہ مائرہ اور 12 سالہ صبیحہ اسکول گئیں لیکن چھوٹی بیٹی نے اسکول سے واپسی پر بتایا کہ بڑی بہن کو ساڑھے 11بجے کے قریب 4 نامعلوم افراد اغوا کر کے لے گئے۔
انہوں نے بتایا کہ میرے والد نے دیگر شہریوں کے ساتھ مل کر ملزم ساجد پکڑا، جس کے بعد عوام نے انہیں تشدد کا نشانہ بنایا، جس پر ساجد نے بتایا کہ عبدالرحمان نامی شخص اپنے دیگر دو ساتھیوں کے ہمراہ بچی کو اغوا کر کے فرار ہوا ہے۔
مدعیہ نے دعویٰ کیا کہ گرفتار ملزم ساجد علی اور اس کے ساتھی عبدالرحمان اور دیگر ساتھیوں نے ان بیٹی کو بہلا پھسلا کر اغوا کیا ہے لہٰذا قانونی کارروائی عمل میں لائی جائے۔
پولیس نے مقدمہ نمبر 390 سال 2025 بجرم دفعہ 365 بی کے تحت نامزد و دیگر نامعلوم کے خلاف درج کر کے انویسٹی گیشن پولیس کے حوالے کر دیا۔
ایس ایچ او بن قاسم فیصل رفیق نے بتایا کہ مغویہ کے حوالے سے کچھ اہم معلومات ملی ہیں جس پر پولیس کام کر رہی ہے اور انہیں جلد بازیاب کرالیا جائے گا۔
وزیراعظم شہباز شریف عرب اسلامی ممالک کے سربراہی اجلاس میں شرکت کیلئے دوحہ روانہ