کے فور منصوبے میں تاخیر، آڈٹ رپورٹ

اشاعت کی تاریخ: 21st, September 2025 GMT

data-id="863a0a8" data-element_type="widget" data-widget_type="theme-post-content.default">

250922-03-3

کراچی برسوں سے پانی کی کمی کے مسئلے سے دوچار ہے۔ آبادی تیزی سے بڑھتی رہی، صنعتیں پھیلتی گئیں لیکن پانی کے ذرائع اور سپلائی سسٹم اسی پرانے ڈھانچے کے رحم و کرم پر چھوڑ دیے گئے۔ اس وقت شہر کو روزانہ تقریباً 1200 ملین گیلن پانی درکار ہے جبکہ فراہمی بمشکل 650 ملین گیلن تک محدود ہے۔ یہی پس منظر تھا جس میں کے فور منصوبے کا آغاز کیا گیا۔ لیکن افسوس، یہ منصوبہ دو دہائیوں بعد بھی اپنی تکمیل کو ترس رہا ہے۔ آڈیٹر جنرل کی حالیہ رپورٹ اس حقیقت کو مزید بیان کرتی ہے کہ کے فور منصوبے میں بدانتظامی، تاخیر اور وسائل کے ضیاع نے کراچی کے مستقبل کو خطرے میں ڈال دیا ہے۔ رپورٹ میں کہا گیا ہے کہ اگر منصوبہ بروقت مکمل نہ ہوا تو 2025-26 میں کراچی میں پانی کی شدید قلت کا سامنا ہوگا۔ رپورٹ کے مطابق کے فور کے فیز ون کو 8 حصوں میں تقسیم کیا گیا تھا، مگر اب تک صرف 45 فی صد تک کام مکمل ہوسکا ہے۔ تین فلٹریشن اسٹیشنوں پر صرف 25 فی صد پیش رفت، پمپنگ اسٹیشن پر محض 26 فی صد اور پائپ لائن بچھانے کے دو حصوں میں 50 فی صد سے کچھ زیادہ ترقی۔ یہ کارکردگی ایسے وقت میں سامنے آئی جب اس منصوبے کو فروری 2024 تک مکمل ہونا تھا۔ مزید یہ کہ تاخیر کے باوجود پروجیکٹ ڈائریکٹر کے لیے چھے کروڑ روپے کی چار لگژری گاڑیاں خریدی گئیں۔ انتظامیہ نے جواز دیا کہ یہ غیر ملکی ماہرین کی سہولت کے لیے تھیں، مگر آڈیٹر جنرل نے اس وضاحت کو ناکافی اور غیر قانونی قرار دیا۔ یہ صورتِ حال ظاہر کرتی ہے کہ عوامی ضرورت کے اس اہم منصوبے کو بھی بیوروکریسی اور ٹھیکیداری سیاست نے ایک بار پھر تختۂ مشق بنا ڈالا ہے۔ وزیراعظم شہباز شریف نے 2021 میں کراچی کو ’’پیرس بنانے‘‘ کا وعدہ کیا تھا۔ مگر آج صورتحال یہ ہے کہ کے- فور جیسے زندگی کے لیے ناگزیر منصوبے کے لیے وفاقی بجٹ میں محض 3.

2 ارب روپے مختص کیے گئے، جب کہ اصل ضرورت 40 ارب روپے کی ہے۔ امیر جماعت اسلامی کراچی منعم ظفر خان نے اس زیادتی پر آواز بلند کی اور وزیراعظم کو خط لکھ کر مطالبہ کیا کہ فوری طور پر 40 ارب روپے فراہم کیے جائیں۔ اس موقع پر کراچی کے سابق ناظم نعمت اللہ خان مرحوم کی خدمات کا تذکرہ ناگزیر ہے۔ انہوں نے 2001 سے 2005 تک اپنے دور میں شہر کے بنیادی ڈھانچے کی بہتری کے لیے عملی اقدامات کیے۔ انہی کے دور میں کے-تھری منصوبہ مکمل ہوا، جس سے شہر کو 100 ملین گیلن پانی اضافی ملا۔ کے-تھری کا شمار کراچی کے واحد بڑے آبی منصوبے میں ہوتا ہے جو بروقت مکمل ہوا۔ نعمت اللہ خان کے دور میں کے-فور منصوبے کا PC-II 2003 میں تیار ہوا اور اس کی ابتدائی فزیبلٹی پر پیش رفت شروع کی گئی۔ اگر ان کے بعد آنے والی حکومتیں اور انتظامیہ اسی جذبے اور سنجیدگی سے کام کرتیں تو آج کراچی کو پانی کی شدید قلت کا سامنا نہ ہوتا۔ لیکن بدقسمتی سے ان کے بعد آنے والی قیادت نے یا تو اس منصوبے کو سیاست کی نذر کیا یا پھر بدانتظامی کی وجہ سے اسے بار بار التوا میں ڈالاہوا ہے۔ نعمت اللہ خان مرحوم کے وژن کا یہ پہلو نمایاں تھا کہ وہ شہر کے مسائل کو صرف کاغذی وعدوں میں نہیں، عملی منصوبہ بندی میں دیکھتے تھے۔ ان کی قیادت میں ماسٹر پلان تیار ہوا، نالی نالوں کی صفائی اور سڑکوں کی تعمیر کے ساتھ ساتھ شہری سہولتوں پر توجہ دی گئی۔ آج بھی کے-فور کے حوالے سے جب بات ہوتی ہے تو ماہرین کہتے ہیں کہ اگر نعمت اللہ خان کی پالیسیوں کو تسلسل ملتا تو کراچی پانی کے بحران سے بچ جاتا۔ کے-فور کی تاخیر دراصل حکومتی ترجیحات کا عکاس ہے۔ یہ وہی شہر ہے جو پاکستان کی معیشت کا انجن ہے لیکن یہاں کے عوام روزانہ پانی کے حصول کے لیے ٹینکر مافیا کے رحم و کرم پر ہیں۔ بعض علاقوں میں لوگ پینے کے پانی کے لیے قطاروں میں کھڑے رہتے ہیں، بعض اوقات ٹینکر کی قیمت ہزاروں روپے تک جا پہنچتی ہے۔ یہ بحران صرف انتظامی ناکامی نہیں بلکہ سماجی ناانصافی بھی ہے۔ غریب عوام لائنوں میں کھڑے ہو کر پانی کے ڈرم بھرنے پر مجبور ہیں جبکہ صاحب ِ حیثیت طبقہ ٹینکروں سے اپنی ضرورت پوری کر لیتا ہے۔ آڈیٹر جنرل کی رپورٹ نے جو پیش گوئی کی ہے، وہ الارمنگ ہے: اگر منصوبہ بروقت مکمل نہ ہوا تو 2025-26 میں کراچی میں پانی کا شدید بحران ہوگا۔ اس کا مطلب ہے کہ صنعتوں کی پیداوار متاثر ہوگی، عوامی زندگی اجیرن بن جائے گی اور ٹینکر مافیا مزید طاقتور ہو جائے گا۔ اس کے نتیجے میں عوامی بے چینی میں اضافہ اور سماجی انتشار کے امکانات بڑھ جائیں گے۔ کے-فور منصوبہ ایک امتحان ہے حکومت، اداروں اور سیاسی قیادت کے لیے۔ یہ منصوبہ کراچی کی زندگی اور موت کا مسئلہ ہے۔ اگر اسے مزید تاخیر کا شکار کیا گیا تو آنے والے برسوں میں اس کے نتائج نہ صرف شہر بلکہ پورے ملک کی معیشت پر بھاری پڑیں گے۔ نعمت اللہ خان مرحوم نے ایک مثال قائم کی تھی کہ نیت صاف ہو اور عوامی خدمت کا جذبہ ہو تو بڑے سے بڑا منصوبہ بھی مکمل ہوسکتا ہے۔ آج کراچی کے عوام اسی جذبے اور عملی اقدامات کے منتظر ہیں۔ وعدوں اور دعوؤں سے نہیں، بلکہ بروقت منصوبوں کی تکمیل سے ہی یہ شہر اپنی پیاس بجھا سکتا ہے۔

ذریعہ

ذریعہ: Jasarat News

کلیدی لفظ: کے فور منصوبے نعمت اللہ خان کراچی کے پانی کے کے لیے

پڑھیں:

کسی کی برائی کرکے نہیں کارکردگی پر ووٹ مانگتے ہیں، نوازشریف

صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔

گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟

کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔

نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔

صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔

نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔

گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔

سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔

مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم

نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔

کے فور منصوبے میں تاخیر، آڈٹ رپورٹ

کسی کی برائی کرکے نہیں کارکردگی پر ووٹ مانگتے ہیں، نوازشریف

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر