ڈالمیا میں ایک شخص قتل،دیگر واقعات میں 7 افراد جاں بحق،5 زخمی
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر ) شہر کے مختلف علاقوں میں حادثات وواقعات میں بچے سمیت 8افراد جاںبحق ہوگئے دیگر واقعات میںخاتون سمیت 5افراد زخمی ہوئے ۔ تفصیلات کے مطابق عزیز بھٹی تھانے کی حدود ڈالمیا شانتی نگر میں فائرنگ کے واقعے میں 40 سالہ اسماعیل جان کی بازی ہار گیا۔ مقتول گھر کے قریب دکان کے باہر موجود تھا جب موٹر سائیکل سوار ملزمان نے اسے فائرنگ کا نشانہ بنایا اور فرار ہوگئے۔مقتول کی لاش کو ضابطے کی کارروائی کے لیے جناح اسپتال منتقل کردیا گیا۔ایس ایچ او عزیز بھٹی تھانہ کے مطابق ابتدائی تفتیش میں واردات ذاتی دشمنی کا شاخسانہ معلوم ہوتی ہے۔ پولیس نے جائے وقوعہ سے شواہد جمع کرکے تحقیقات کا دائرہ وسیع کردیا ہے۔ حکام کے مطابق مقتول اسماعیل کا تعلق ایک سیاسی جماعت سے تھا۔اہل خانہ کا کہنا ہے کہ مقتول پاکستان پیپلز پارٹی پی ایس 101 یوسی 7 کے کارکن فائق خان قتل کیس کے گواہ اور ان کے کزن بھی تھے۔ پولیس کا کہنا ہے کہ 17 مارچ 2025 کو فائق خان کے قتل کا واقعہ حالیہ فائرنگ سے جڑا ہوا معلوم ہوتا ہے۔۔ بلدیہ سیکٹر A8 گلستان اسکول کے قریب گھر میں پانی کے ٹینک میں ڈوب کر ڈھائی سالہ وہاج ولد نوید نامی بچہ جاں بحق ہوگیا ۔سچل کے علاقے عبداللہ شاہ غازی گوٹھ میں فائرنگ سے زخمی ہونے والا شخص 48 سالہ شہزادو ولد غلام شبیر دوران علاج چل بسا۔ ماڑی پور تھانے کی حدود ندی سے ایک شخص کی 3سے 4روز پرانی بوری بند تشدد زدہ لاش ملی ۔ مقتول کی لاش کو قانونی کاروائی کے لیے سول اسپتال منتقل کر دیا گیا ۔ماڑی پورتھانے کی حدود ہاکس بے سمندر سنس پٹ R0 پلانٹ کے قریب سے16سالہ گل عالم ولدرمضان نامی نوجوان کی لاش ملی ہے، متوفی کی لاش کو متعلقہ تھانے سے ضابطہ کی کاروائی کے بعد لاش ایدھی موسیٰ لین سردخانہ منتقل کر دی گئی ۔ کورنگی ڈھائی نمبر کوسٹ گارڈ چورنگی کے قریب تیز رفتار گاڑی کی ٹکر سے موٹر سائیکل سوار شخص جاںبحق ہوگیا خاتون شدید زخمی ہوئی ۔ گلشن حدید فیز 01 الجنت شادی ہال کے قریب ٹریفک حادثے میں جاںبحق ہوگی ،متوفی کی لاش کو ضابطہ کی کارئی کے لیے جناح ہسپتال منتقل کیا گیا۔بلدیہ 02 نمبر پولیس چوکی اوپر والے روڈ کے قریب ٹریفک حادثے میں 34سالہ محمد نعیم ولد لیاقت علی جاں بحق ہوگیا۔جاں بحق ہونے والے شخص کوسول ہسپتال منتقل کیا گیا ۔ دوسری جانب کورنگی کاذ وے ندی کے قریب گولی لگنے سے 40 سالہ ریاض زخمی۔مبینہ ٹاؤن کنیز فاطمہ سوسائٹی گولی لگنے سے 32 سالہ سید حیدر عباس زخمی ہوا ۔شاہ لطیف صالح محمد گوٹھ نذد UBL بینک کے قریب جھگڑے میں گولی لگنے سے 40 سالہ علی اکبر زخمی ہوگیا ۔کورنگی سنگر چورنگی پر ایک ٹرک موٹر سائیکل پر چڑھ گیا۔ حادثے کے نتیجے میں دو افراد زخمی ہوگئے۔عینی شاہدین کے مطابق حادثہ ٹرک کے بریک فیل ہونے کے باعث پیش آیا۔ ٹکر کے بعد موٹر سائیکل ٹرک کے نیچے پھنس گئی جبکہ ٹرک فٹ پاتھ سے ٹکرا کر رکا۔فوری طور پر زخمیوں کو قریبی اسپتال منتقل کیا، جہاں انہیں طبی امداد فراہم کی جا رہی ہے۔
ذریعہ: Jasarat News
کلیدی لفظ: موٹر سائیکل کی لاش کو کے مطابق کے قریب
پڑھیں:
کراچی، لوٹ مار میں مصروف دو ڈکیت پولیس مقابلے میں ہلاک، فائرنگ کی زد میں آخر خاتون سمیت 2 زخمی
شہر قائد کے ضلع وسطی کے علاقے لیاقت آباد میں شاہین فورس سے مقابلے میں دو ڈکیت ہلاک ہوگئے جبکہ فائرنگ کی زد میں آکر راہ گیر خاتون اور شہری زخمی ہوگئے۔
ایکسپریس نیوز کے مطابق ناظم آباد میں قائم لائبریری کے قریب شاہین فورس نے مبینہ مقابلے کے دوران ایک ڈاکو ہلاک کر دیا جبکہ اس کا ساتھی موقع سے فرار ہوگیا۔
اس حوالے سے ایس ایس پی ڈسٹرکٹ سینٹرل ذیشان شفیق صدیقی نے بتایا کہ لیاقت آباد میں شاہین فورس نے مقابلے کے دوران ایک ڈاکو موقع پر ہلاک کر دیا جبکہ اس کا ساتھی زخمی حالت میں موقع سے فرار ہوگیا جو بعدازاں زخموں کی تاب نہ لاتے ہوئے ہلاک ہوگیا۔
دونوں ڈاکوؤں کی لاشوں کی ضابطے کی کارروائی کے لیے عباسی شہید اسپتال لیجایا گیا۔ عینی شاہد کے مطابق ناظم آباد انڈر پاس سے پہلے ڈکیت لوٹ مار کر رہے تھے، جس پر شہری نے پولیس کو مطلع کیا تو پھر دو طرفہ مقابلہ ہوا۔
عینی شاہد کا کہنا تھا کہ ڈاکو پلٹ کر پولیس پر فائرنگ کر رہے تھے ایک ڈاکو ہلاک ہوگیا دوسرا زخمی حالت میں فرار ہوگیا تھا۔
ایس ایچ او سپر مارکیٹ فرخ ہاشمی نے بتایا کہ سپر مارکیٹ تھانے کی شاہین فورس کا لیاقت آباد ارم بیکری کے قریب مقابلہ ہوا ہے اور جس مقام پر ایک ڈاکو موقع پر ہلاک اور اس کا ساتھی زخمی ہو کر ہلاک ہوا ہے وہ علاقہ گلبہار تھانے کی حدود میں آتا ہے تاہم ہلاک ڈاکوؤں کے قبضے سے 2 پستول ، موٹر سائیکل ، کچھ نقدی اور 2 موبائل فونز ملے ہیں تاہم دونوں کی فوری طور پر شناخت نہیں ہو سکی۔
انہوں نے بتایا کہ ہلاک دہشت گردی کی شناخت کیلیے تلاش ایپ کی مدد لی جارہی ہے۔
چھیپا حکام کے مطابق فائرنگ کی زد میں آکر خاتون سمیت دو افراد زخمی ہوئے جن کی شناخت 55 سالہ رشیدہ اور 35 سالہ سلمان کے ناموں سے ہوئی۔
ایس ایچ او سپر مارکیٹ کا کہنا ہے کہ زخمی خاتون رکشے میں جبکہ شہری موٹر سائیکل پر سوار تھا اور وہ معمولی زخمی ہوئے ہیں اس حوالے سے پولیس ان سے بھی معلومات حاصل کر رہی ہے۔
بلوچستان کے اسکواش کھلاڑی شاہد مسعود خان نے یورپ و امریکا میں کامیابی کے جھنڈے گاڑدیے