ڈاسن شناکا ٹی ٹوئنٹی میں سب سے زیادہ صفر پر آؤٹ ہونے والے پہلے کھلاڑی بن گئے
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
ابوظبی: ٹی ٹوئنٹی ایشیا کپ 2025 کے سپر فور مرحلے میں سری لنکا کے سابق کپتان اور آل راؤنڈر ڈاسن شناکا نے ٹی ٹوئنٹی انٹرنیشنل کرکٹ میں ناپسندیدہ ریکارڈ اپنے نام کر لیا۔
پاکستان کے خلاف ابو ظبی میں کھیلے گئے ایشیا کپ 2025 کے سپر فور مرحلے کے تیسرے میچ میں سری لنکا کے سابق کپتان اور آل راؤنڈر ڈاسن شناکا نے ٹی ٹوئنٹی انٹرنیشنل کرکٹ میں سب سے زیادہ مرتبہ صفر پر آؤٹ ہونے کا ناپسندیدہ ریکارڈ اپنے نام کر لیا۔
آل راؤنڈر داسن شناکا جب بیٹنگ کے لیے میدان میں آئے تو وہ صرف ایک ہی گیند کھیل پائے، کیونکہ حسین طلعت نے انہیں پہلی ہی گیند پر آؤٹ کر کے واپس پویلین بھیج دیا، ڈاسن شناکا صفر پر آؤٹ ہوئے اور اس طرح وہ ٹی ٹوئنٹی انٹرنیشنل میں 14 مرتبہ صفر پر آؤٹ ہونے والے پہلے کھلاڑی بن گئے۔
داسن شناکا کے بعد 13 صفر کے ساتھ روانڈا کے مارٹن اکائیزو، بنگلہ دیش کے سومیا سرکار اور آئرلینڈ کے اوپنر پال اسٹرلنگ بھی اس فہرست میں شامل ہیں۔
یاد رہے کہ گزشتہ روزایشیا کپ ٹی ٹوئنٹی کے سپر فور مرحلے کے تیسرے میچ میں پاکستان نے سری لنکا کو 5 وکٹوں سے شکست دی تھی، سری لنکا کی جانب سے پاکستان کو 134 رنز کا ہدف دیا گیا تھا، جسے قومی ٹیم نے 18ویں اوور میں 5 وکٹوں کے نقصان پر با آسانی حاصل کرلیا۔
میچ کے دوران سری لنکا کی ٹیم مشکلات کا شکار رہی اور آدھی ٹیم صرف 58 رنز پر پویلین لوٹ گئی، سری لنکا نے مقررہ 20 اوورز میں 8 وکٹوں کے نقصان پر 133 رنز بنائے تھے۔
ذریعہ: Jasarat News
کلیدی لفظ: ڈاسن شناکا ٹی ٹوئنٹی سری لنکا
پڑھیں:
بہار انتخابات کے پہلے مرحلے میں 65.08 فیصد ووٹ ڈالے گئے، الیکشن کمیشن کے نئے اعداد و شمار
بہار الیکشن کمیشن نے ایک خط جاری کیا جس میں کہا گیا ہے کہ بہار اسمبلی انتخابات کے پہلے مرحلے میں حتمی ووٹر ٹرن آؤٹ %65.08 تھا۔ اسلام ٹائمز۔ بہار اسمبلی انتخابات کے پہلے مرحلے کے لئے ووٹر ٹرن آؤٹ کے نئے اعداد و شمار جاری کر دئے گئے ہیں۔ الیکشن کمیشن کے مطابق پہلے مرحلے میں 18 اضلاع کی 121 نشستوں پر کل 65.08 فیصد ووٹ ڈالے گئے جو کہ ایک ریکارڈ ٹرن آؤٹ ہے۔ اعداد و شمار کے مطابق بہار کے مظفر پور ضلع میں سب سے زیادہ 71.81 فیصد ووٹ ڈالے گئے، جب کہ پٹنہ ضلع میں سب سے کم 59.02 فیصد ووٹ ڈالے گئے۔ بہار کی انتخابی تاریخ میں یہ سب سے زیادہ ووٹنگ ہے۔ بہار الیکشن کمیشن نے ایک خط جاری کیا جس میں کہا گیا ہے کہ بہار اسمبلی انتخابات کے پہلے مرحلے میں حتمی ووٹر ٹرن آؤٹ %65.08 تھا۔ پہلے مرحلے کے لئے ووٹنگ 6 نومبر 2025ء کو ہوئی تھی، بہار کے 18 اضلاع میں 121 اسمبلی حلقوں میں بہار کی عام اسمبلی ووٹنگ کی اوسط 20 فیصد تھی۔ انتخابات %57.29 تھے اور 2024ء کے لوک سبھا عام انتخابات میں %56.28 تھے۔
پہلے مرحلے میں 121 اسمبلی سیٹوں میں سے کسی پر بھی کسی امیدوار یا سیاسی پارٹی کی طرف سے کوئی شکایت درج نہیں کی گئی اور نہ ہی دوبارہ پولنگ کا کوئی مطالبہ کیا گیا۔ بہار اسمبلی انتخابات کے پہلے مرحلے میں 121 سیٹوں پر 65.08 فیصد کی اوسط ووٹنگ نے تمام سیاسی پارٹیوں کو جوش سے بھر دیا ہے۔ 2020ء کے مقابلے میں اس اضافے نے ہر کیمپ کے اس دعوے کو تقویت بخشی ہے کہ عوام نے انہیں نوازا ہے۔ الیکشن کمیشن کے سرکاری اعداد و شمار سے صاف ظاہر ہوتا ہے کہ کئی اضلاع میں ووٹنگ نے پچھلے تمام ریکارڈ توڑ دئے۔ مظفر پور 71.41 فیصد ووٹروں کے ساتھ سب سے اوپر ہے۔
جب کہ کچھ علاقوں میں ووٹر ٹرن آؤٹ 60 فیصد سے زیادہ دیکھا گیا، پچھلے انتخابات سے نمایاں فرق تھا۔ دربھنگہ اور مونگیر میں 63.5 فیصد، سارن میں 63.63 فیصد اور سیوان میں 60.31 فیصد سے زیادہ ووٹ ملے۔ ان علاقوں میں بھی 10-8 فیصد اضافہ واضح طور پر ظاہر کرتا ہے کہ ووٹرز اس بار پوری طرح باخبر تھے۔ 65 فیصد سے زیادہ ووٹروں کا ٹرن آؤٹ عام طور پر اقتدار مخالف کی علامت سمجھا جاتا ہے، لیکن بہار میں زمینی حقیقت ہمیشہ مختلف رہی ہے۔ 122 سیٹوں کے دوسرے مرحلے کے لئے ووٹنگ 11 نومبر کو ہونے والی ہے۔ تمام جماعتیں اپنے اپنے سروے جاری کر رہی ہیں تاہم عوام کس کا انتخاب کریں گے اس کا حتمی فیصلہ 14 نومبر کو ہو گا۔ تب تک صرف اتنا کہا جا سکتا ہے کہ بہار کے لوگوں نے جس جوش و خروش کے ساتھ ووٹ دیا اس نے واضح کر دیا ہے کہ وہ اپنے حقوق کے لئے کھڑے ہیں۔
پاکستان اسٹاک ایکسچینج میں مثبت رجحان