سعودی عرب اور قطر شام کو 8کروڑ 90لاکھ ڈالر امداد دینگے
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
ریاض (انٹرنیشنل ڈیسک) سعودی عرب کی نمائندگی کرنے والے سعودی فنڈ فار ڈویلپمنٹ اور قطر کی نمائندگی کرنے والے قطر فنڈ فار ڈویلپمنٹ نے مشترکہ طور پر شام کے لیے 8کروڑ 90لاکھ ڈالر امداد فراہم کرنے کا اعلان کردیا، تاکہ شام میں سرکاری شعبے کے کارکنوں کو 3ماہ کے لیے مدد فراہم کی جا سکے۔ اس امداد کا مقصد شامی عوام کو بنیادی خدمات کی فراہمی جاری رکھنا اور بجٹ کے مختص کردہ فنڈز کو بڑھانا ہے۔اس مشترکہ مالی امداد کا مقصد پائیدار روزگار اور جامع اقتصادی بحالی کے مواقع کو بڑھانا ہے۔ یہ اقوام متحدہ کے ترقیاتی پروگرام کے ساتھ اس امدادی منصوبے کو نافذ کرنے، پائیداری کی کوششوں کو بڑھانے، مالیاتی نظام اور شعبے کی جامعیت کو مضبوط بنانے اور شام میں پائیدار ترقی تک پہنچنے کی کوشش کا ایک حصہ ہے۔سعودی میڈیا کے مطابق یہ امداد ترقیاتی عمل میں پرجوش اہداف کے حصول میں مدد کرے گی۔ شام اور اس کے عوام کے لیے اہم مواقع کی ترقی میں بہت زیادہ اہمیت رکھتی ہے۔ یاد رہے 11 ستمبر کو شاہ سلمان بن عبدالعزیز اور ولی عہد و وزیر اعظم شہزادہ محمد بن سلمان کی ہدایات پر سعودی عرب نے سعودی فنڈ فار ڈویلپمنٹ کی نمائندگی میں شامی عرب جمہوریہ کو ساڑھے 16 لاکھ بیرل خام تیل کی امداد فراہم کی تھی۔ گزشتہ برس اگست میں سعودی عرب نے دمشق بین الاقوامی نمائش میں مملکت کی شرکت کے موقع پر متعدد سعودی کمپنیوں اور شام کی وزارت توانائی کے درمیان مختلف توانائی کے شعبوں میں ایک معاہدہ اور 6 مفاہمت کی یادداشتوں پر دستخط کیے تھے۔ سعودی وزارت توانائی کی نگرانی میں دستخط کیے گئے یہ معاہدہ اور مفاہمت کی یادداشتیں متعدد شعبوں کا احاطہ کرتی ہیں جو شام کے توانائی کے شعبے کی حمایت اور ترقی میں معاون ہیں۔ سعودی کمپنی ایکواپاور نے شام کی وزارت توانائی کے ساتھ 1000 میگاواٹ تک کی صلاحیت والے شمسی توانائی کے منصوبوں پر دستخط کیے ہیں۔
ذریعہ
ذریعہ: Jasarat News
کلیدی لفظ: توانائی کے
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
بھارت سے جنگ اور افغانستان میں کارروائی خارج ازامکان نہیں، وزیردفاع