پاکستان کا مقدر عالمی طاقت بن کر ابھرنا تھا
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
پاکستان اور سعودی عرب نے ایک دفاعی معاہدے پر دستخط کردیے ہیں۔ اس معاہدے کے تحت ایک ملک پر ہونے والا حملہ دوسرے ملک پر حملہ تصور کیا جائے گا۔ ایک خبر کے مطابق پانچ مزید مسلم ممالک اور ایک غیر مسلم ملک بھی اس معاہدے کا حصہ بننا چاہتے ہیں۔ لیکن اگر فی الحال اس معاہدے کو پاکستان اور سعودی عرب تک بھی محدود سمجھا جائے تو یہ کوئی معمولی معاہدہ نہیں ہے۔ اس معاہدے کے تحت سعودی عرب کو ایٹمی چھتری اور پاکستان کو معاشی چھتری فراہم ہوگئی ہے۔ اب اگر اسرائیل سعودی عرب کو نشانہ بنائے گا تو پاکستان اس کا دفاع کرے گا اور اگر ہندوستان پاکستان پر حملہ کرے گا تو سعودی عرب پاکستان کی ڈھال بن جائے گا۔
تجزیہ کیا جائے تو اس معاہدے نے اُمت مسلم میں پاکستان کی مرکزیت کو نمایاں کیا ہے اور بتایا ہے کہ پاکستان پوری امت مسلمہ کا قائد بننے کی صلاحیت رکھتا ہے۔ اس سے بھی اہم بات یہ ہے کہ اس مرکزیت کو نمایاں کرنے میں دو واقعات نے اہم کردار ادا کیا ہے۔ پہلا واقعہ حالیہ پاک بھارت جنگ میں پاکستان کے ہاتھوں بھارت کی شکست فاش ہے۔ اس جنگ سے ذرا پہلے سعودی عرب سمیت کئی مسلم ممالک پاکستان کو مشورہ دے رہے تھے کہ وہ بھارت کے حملے کا جواب نہ دے کیونکہ بھارت پاکستان سے پانچ گنا بڑی طاقت ہے مگر جنرل عاصم منیر نے نظریہ پاکستان کی روح کے اعشاریہ ایک فی صد کا مظاہرہ کرتے ہوئے بھارت پر جوابی حملہ کرکے اس کے 6 طیارے مار گرائے۔ اس جنگ میں بھارت پاکستان کا کوئی بڑا نقصان نہ کرسکا۔ دوسرا واقعہ یہ ہوا کہ اسرائیل نے امریکا کے اتحادی قطر پر حملہ کیا اور امریکا نہ صرف یہ کہ اس حملے کو نہ روک سکا بلکہ اس نے اطلاع ہونے کے باوجود قطر کو اس حملے سے قبل از وقت آگاہ نہ کیا۔ چنانچہ سعودی عرب سمیت خلیج کی تمام ریاستوں میں یہ احساس پیدا ہوا کہ امریکا قابل بھروسا اتحادی نہیں ہے۔ چنانچہ ہمیں اپنی سلامتی اور دفاع کے لیے زیادہ قابل اعتماد اتحادی کی ضرورت ہے اور یہ اتحادی پاکستان کے سوا کون ہوسکتا ہے۔ اسی لیے کہ اس کے پاس ایٹم بم بھی ہے اور 2700 کلو میٹر تک مار کرنے والے میزائل بھی ہیں۔ سعودی عرب خلیجی ریاستوں میں سب سے اہم ملک ہے۔ چنانچہ امکان یہ ہے کہ دوسری خلیجی ریاستیں بھی آج نہیں تو کل پاکستان کی جوہری چھتری کے سائے میں آکھڑی ہوں گی اور پاکستان بجا طور پر پوری امت کا محافظ بن کر ابھرے گا۔
پاکستان کی تاریخ کو دیکھا جائے تو پاکستان اتنا غیر معمولی ملک تھا کہ اس کا مقدر ایک عالمی طاقت بن کر ابھرنا تھا۔ اس کی وجہ یہ تھی کہ اس کا نظریہ غیر معمولی تھا۔ پاکستان کو قائداعظم جیسی غیر معمولی شخصیت کی قیادت میسر تھی اور پاکستان کی پشت پر دلی اور یوپی کے عظیم مسلمانوں کا غیر معمولی اخلاص کھڑا ہوا تھا۔ پاکستان کے نظریے کے غیر معمولی ہونے کی بات مذاق نہیں۔ پاکستان کا نظریہ اسلام تھا اور اسلام نے ریاست مدینہ کو وجود بخشا تھا۔ اسلام نے خلافت راشدہ کے تجربے کو خلق کیا تھا۔ 20 ویں صدی میں اسلام کے نام پر پاکستان کا مطالبہ ناممکن کی جستجو تھا۔ مسلمانوں کو ایک طرف وقت کی سپر پاور یعنی برطانیہ سے مقابلہ درپیش تھا جو پاکستان تخلیق نہیں کرنا چاہتی تھی۔ دوسری طرف مسلمانوں کو ہندو اکثریت کی مخالفت کا سامنا تھا مگر پاکستان کے نظریے نے دنیا کی واحد سپر پاور برطانیہ کو بھی رام کرلیا اور پاکستان کے نظریے نے ہندو اکثریت سے بھی پنجہ آزمائی کرکے دکھا دی۔ یہ نظریے کی طاقت تھی جس نے برصغیر کے مسلمانوں کی ’’بھیڑ‘‘ کو ایک ’’قوم‘‘ میں ڈھال دیا۔ اس قوم کے لوگ اس سے پہلے فرقوں اور مسلکوں میں تقسیم تھے۔ لسانی وحدتوں میں منقسم تھے۔ مگر پاکستان کے نظریے نے تمام اختلافات کو تحلیل کردیا اور برصغیر کے مسلمان ایک قوم بن کر کھڑے ہوگئے۔ ایک زمانہ تھا کہ قائداعظم ایک قومی نظریے کے علمبردار تھے۔ اسلام نے انہیں دیکھتے ہی دیکھتے دوقومی نظریے کا علمبردار بنادیا۔ تحریک پاکستان کے آغاز سے پہلے قائداعظم ’’افراد‘‘ کے وکیل تھے۔ نظریہ پاکستان نے انہیں ایک مذہب، ایک تہذیب، ایک تاریخ اور ایک قوم کا وکیل بنادیا۔ تخلیق پاکستان کی جدوجہد میں خود قائداعظم کی صلاحیتیں بھی غیر معمولی ہوگئیں۔ قائداعظم کہ سوانح نگار اسٹینلے ولپرٹ نے قائداعظم کے بارے میں یونہی نہیں کہا کہ ایسے لوگ بہت کم ہوئے جنہوں نے تاریخ کے دھارے کا رُخ تبدیل کیا ہے۔ اس سے بھی کم لوگ وہ ہوئے ہیں جنہوں نے جغرافیہ بدلا ہے اور ایسا تو شاید کوئی ہو جس نے ایک قومی ریاست قائم کی ہو۔ قائداعظم نے بیک وقت یہ تینوں کام کیے۔ قائداعظم کی غیر معمولی شخصیت کا اندازہ اس بات سے بھی کیا جاسکتا ہے کہ 1940ء کی دہائی میں فلسطینی مسلمانوں کے حق میں آواز بلند کی اور کہا کہ اگر فلسطینیوں کے حقوق کے تحفظ کے لیے ہمیں تشدد سے بھی کام لینا پڑا تو ہم لیں گے۔ قائداعظم کو دلی اور یوپی کے مسلمانوں سے اتنی محبت تھی کہ قیام پاکستان کے بعد کسی نے مسلم لیگ کے ایک اجلاس میں قائداعظم سے کہا کہ پاکستان بن گیا ہے تو مسلمانوں کی ساری قیادت پاکستان آگئی ہے اور ہندوستان میں رہ جانے والے مسلمان ’’Leader Less‘‘ ہوگئے ہیں۔ انہوں نے قائداعظم سے پوچھا کہ کیا آپ آج بھی ہندوستان کے مسلمانوں کی قیادت کے لیے تیار ہوسکتے ہیں۔ قائداعظم نے کہا کہ اگر مسلم لیگ کا یہ اجلاس ایک قرار داد منظور کرلے تو میں پاکستان چھوڑ کر ہندوستان میں آباد ہوجائوں گا اور وہاں کے مسلمانوں کی قیادت کروں گا۔ خود بھارت کے اقلیتی صوبوں کے مسلمانوں کا معاملہ یہ تھا کہ انہیں پہلے دن سے معلوم تھا کہ وہ پاکستان کا حصہ نہیں ہوں گے۔ اس کے باوجود انہوں نے تحریک پاکستان میں تن، من، دھن سے کام کیا اور اپنی زندگی اور مستقبل دائو پر لگادیا۔ اس کی وجہ یہ تھی کہ برصغیر میں ایک اسلامی ریاست کا قیام دلّی اور یوپی کے مسلمانوں کا خواب تھا۔ اس کا ایک ثبوت یہ ہے کہ اقبال سے بہت پہلے یوپی کے دارالحکومت لکھنو سے تعلق رکھنے والے ممتاز ناول نگار اور افسانہ نویس عبدالحلیم شرر نے 1890ء میں اپنے رسالے ’’دل گداز‘‘ کے صفحات پر بھارت کے شمالی علاقوں میں ایک الگ مسلم ریاست کا تصور پیش کیا تھا۔ برصغیر میں مسلم ریاست کے قیام کی دوسری تجویز خیری برادران نے 1917ء میں پیش کی۔ یہ بھی اقبال کے خطبہ الٰہ آباد سے 13 سال پہلے کی بات ہے مگر عبدالحلیم شرر اور خیری برادران کی تجاویز عوام کی توجہ نہ حاصل کرسکیں۔ لیکن جب اقبال نے 1930ء میں خطبہ الٰہ آباد میں ایک علٰیحدہ مسلم ریاست کا تصور پیش کیا تو اسے خواص و عوام دونوں کی توجہ حاصل ہوگئی۔ اس تناظر میں دیکھا جائے تو پاکستان کی پشت پر نظریہ بھی بڑا تھا۔ قائداعظم کی قیادت بھی غیر معمولی تھی اور دلّی اور یوپی کے لوگوں کا ’’اخلاص‘‘ بھی مثالی تھا۔ چنانچہ پاکستان کو عظیم ہونا ہی چاہیے تھا۔
آپ ذرا سوچیے تو اگر پاکستان اپنے نظریے کے عین مطابق ایک ’’خدا مرکز‘‘ ریاست ہوتا تو کیا وہ 20 ویں اور 21 ویں صدی میں پوری امت کا قائد اور دنیا کی ایک بڑی طاقت نہ ہوتا؟ آپ ذرا غور کیجیے اگر پاکستان ’’رسول مرکز‘‘ اور ’’قرآن مرکز‘‘ ریاست ہوتا تو کیا وہ 21 ویں صدی میں پوری امت کا رہنما نہ ہوتا اور کیا وہ دنیا کی ایک بڑی طاقت نہ ہوتا۔ اگر پاکستان حقیقی معنوں میں خلافت ِ راشدہ کو اپنے لیے نمونۂ عمل بناتا تو کیا وہ 20 ویں اور 21 ویں صدی میں پوری امت کا رہبر اور دنیا کی ایک بڑی طاقت نہ ہوتا؟ اگر پاکستان قرآن کی ہدایت کے مطابق ایک ’’علم مرکز‘‘ ریاست ہوتا تو کیا 20 ویں اور 21 ویں صدی میں پاکستان علم کے دائرے میں پوری امت کیا پوری انسانیت کی قیادت نہ کررہا ہوتا؟ مگر بدقسمتی سے ایسا نہ ہو سکتا۔ پاکستان کے جابر، آمر اور غاصب جرنیلوں نے 1958ء میں اقتدار پر قبضہ کرکے پاکستان سے وابستہ تمام خوابوں اور تمام امکانات کو کچل دیا۔ بجائے اس کے کہ پاکستانی جرنیل ہندوستان فتح کرتے، انہوں نے اپنی ہی قوم کو بار بار فتح کرنا شروع کردیا۔ یہ سلسلہ 1958ء سے آج تک جاری ہے۔ بدقسمتی سے جرنیلوں نے جو سیاست دان پیدا کیے وہ بھی جرنیلوں کی طرح بونے بلکہ بالشتیے تھے۔ چنانچہ ان سیاست دانوں نے بھی پاکستان کو امت کا قائد اور ایک بڑی عالمی طاقت بنانے کے لیے کچھ نہ کیا۔ یہ ہمارے سامنے کی بات ہے کہ جنرل عاصم منیر نے آمر اور غاصب ہونے کے باوجود ہندوستان سے جنگ میں نظریۂ پاکستان کے اعشاریہ ایک فی صد پر عمل کیا تو نہ صرف ہندوستان کو شکست ہوئی بلکہ اس کے نتیجے میں سعودی عرب پاکستان کی جوہری چھتری کے نیچے آکھڑا ہوا۔ پاکستان کے حکمران پاکستان کے نظریے کے 50 فی صد پہ بھی عمل کرلیں تو پاکستان کو عالمی طاقت بننے سے کوئی نہیں روک سکے گا۔
ذریعہ: Jasarat News
کلیدی لفظ: پاکستان کے نظریے عالمی طاقت بن میں پوری امت کے مسلمانوں اور پاکستان مسلمانوں کی میں پاکستان اگر پاکستان پوری امت کا ویں صدی میں تو پاکستان پاکستان کو پاکستان کی پاکستان کا غیر معمولی اس معاہدے پاکستان ا بڑی طاقت نظریے کے کی قیادت نہ ہوتا جائے تو دنیا کی ایک بڑی ایک قوم کہا کہ تو کیا کیا وہ تھا کہ ہے اور سے بھی کے لیے
پڑھیں:
گلوبلائزیشن:پاکستان کے لیے مواقع اور خطرات
محمد آصف
گلوبلائزیشن اس عمل کو کہا جاتا ہے جس کے ذریعے دنیا تجارت، ابلاغ، ٹیکنالوجی، ثقافت اور انسانی روابط کے لحاظ سے ایک دوسرے سے زیادہ جڑتی جا رہی ہے ۔ یہ ٹرانسپورٹ، انفارمیشن ٹیکنالوجی اور بین الاقوامی تعاون میں ترقی کا نتیجہ ہے ، جس کے ذریعے اشیائ، خدمات، خیالات اور لوگ سرحدوں کے پار پہلے سے کہیں زیادہ آزادانہ طور پر حرکت کر سکتے ہیں۔ پچھلی چند دہائیوں میں، گلوبلائزیشن نے تقریباً ہر ملک کے سیاسی، معاشی اور سماجی منظرنامے کو بدل دیا ہے ۔
پاکستان جیسے ترقی پذیر ملک کے لیے ، جو اب بھی معاشی عدم استحکام، حکمرانی کے مسائل اور کمزور انفراسٹرکچر سے دوچار ہے ، گلوبلائزیشن
بیک وقت بے پناہ مواقع اور بڑے خطرات پیش کرتی ہے ۔ پاکستان ان چیلنجز سے کیسے نمٹتا ہے ، یہ اس کی معاشی ترقی، ثقافتی شناخت اور
عالمی مقام پر گہرا اثر ڈالے گا۔گلوبلائزیشن کے سب سے نمایاں مواقع میں سے ایک پاکستان کے لیے تجارت کا فروغ اور معاشی ترقی
ہے۔ بین الاقوامی منڈیوں سے جڑنے کے ذریعے ، پاکستان کی ٹیکسٹائل، کھیلوں کا سامان، سرجیکل آلات، زراعت اور ابھرتی ہوئی آئی ٹی
سروسز جیسی صنعتیں برآمدات میں نمایاں اضافہ کر سکتی ہیں۔ عالمی تجارت میں شمولیت سے ملک کو نئے صارفین تک رسائی ملتی ہے ، معیشت کو
متنوع بنایا جا سکتا ہے اور چند روایتی منڈیوں پر انحصار کم ہوتا ہے ۔ آزاد تجارتی معاہدے اور علاقائی تعاون کے اقدامات پاکستان کی تجارتی
صلاحیت کو مزید بڑھا سکتے ہیں۔ عالمی معیشت میں انضمام سے غیر ملکی سرمایہ کاری (FDI) بھی آتی ہے ، جو سرمائے ، ٹیکنالوجی اور انتظامی
مہارت کی فراہمی کا ذریعہ بنتی ہے ۔ کثیر القومی کمپنیوں کے ساتھ اشتراک کے ذریعے پاکستان اپنی صنعتوں کو جدید بنا سکتا ہے ، پیداوار میں
اضافہ کر سکتا ہے اور بین الاقوامی خریداروں کے لیے زیادہ مسابقتی مصنوعات تیار کر سکتا ہے ۔ ٹیکنالوجی کی منتقلی بھی پاکستان کے لیے
گلوبلائزیشن کا ایک اہم فائدہ ہے ۔ خیالات اور ایجادات کے تبادلے سے پاکستان جدید پیداوار کے طریقے اپنا سکتا ہے ، زرعی پیداوار
میں اضافہ کر سکتا ہے اور صحت کے شعبے کو جدید طبی آلات اور سہولیات سے بہتر بنا سکتا ہے ۔ خاص طور پر آئی ٹی سیکٹر عالمی آؤٹ سورسنگ
کے رجحانات سے فائدہ اٹھا سکتا ہے ، جہاں پاکستانی سافٹ ویئر ڈویلپرز، ڈیجیٹل مارکیٹرز اور مواد تخلیق کرنے والے بین الاقوامی کلائنٹس
کے لیے ملک کے اندر رہتے ہوئے کام کر سکتے ہیں۔ یہ مواقع زیادہ آمدنی، بہتر کارکردگی اور ہنر مند افرادی قوت میں اضافے کا باعث
بنتے ہیں۔ غیر ملکی کمپنیاں پاکستان میں بین الاقوامی معیار متعارف کراتی ہیں، جو مقامی کاروباروں پر بھی مثبت اثر ڈالتی ہیں۔
گلوبلائزیشن اندرونِ ملک اور بیرونِ ملک دونوں جگہ روزگار کے مواقع پیدا کرتی ہے ۔ پاکستان میں کام کرنے والی غیر ملکی کمپنیاں
مقامی لوگوں کے لیے نوکریاں پیدا کرتی ہیں، جبکہ بیرونِ ملک افرادی قوت کی طلب پاکستانیوں کو ترقی یافتہ معیشتوں میں کام کرنے کے
مواقع فراہم کرتی ہے ۔ بیرونِ ملک مقیم پاکستانیوں کی جانب سے بھیجی جانے والی رقوم معیشت کو سہارا دیتی ہیں اور لاکھوں خاندانوں کی
کفالت کا ذریعہ بنتی ہیں۔ مزید یہ کہ بیرونِ ملک کام کرنے والے پاکستانی نئی مہارتیں اور تجربات حاصل کرتے ہیں، جو وطن واپسی پر ملکی
ترقی کے لیے قیمتی ثابت ہو سکتے ہیں۔ ثقافتی تبادلہ اور تعلیم بھی عالمگیریت کے ایسے پہلو ہیں جو پاکستان کے لیے فائدہ مند ہیں۔ عالمی
میڈیا، تعلیمی تعاون اور ایکسچینج پروگرامز پاکستانی طلبہ اور پروفیشنلز کو دنیا بھر کے مختلف نقطہ نظر اور بہترین عملی تجربات سے سیکھنے کا موقع دیتے
ہیں۔ بین الاقوامی اسکالرشپس اور آن لائن تعلیمی پلیٹ فارمز نے زیادہ پاکستانیوں کے لیے بیرونِ ملک اعلیٰ تعلیم حاصل کرنا یا ملک میں بیٹھ
کر عالمی معیار کی ڈگریاں لینا ممکن بنا دیا ہے ۔ اس سے نہ صرف تعلیم کا معیار بلند ہوتا ہے بلکہ ایک ایسی افرادی قوت تیار ہوتی ہے جو عالمی
منڈی میں مقابلہ کر سکے ۔ اسی طرح، اگر سیاحت کو عالمی سطح پر بہتر انداز میں فروغ دیا جائے تو پاکستان کے پہاڑ، تاریخی مقامات اور ثقافتی
میلوں کو دنیا کے سامنے پیش کر کے اس شعبے کو فروغ دیا جا سکتا ہے ۔ تاہم، گلوبلائزیشن پاکستان کے لیے سنگین چیلنجز بھی لاتی ہے ۔
ایک بڑا مسئلہ معاشی انحصار اور سخت مسابقت ہے ۔ مقامی صنعتیں جو وسائل، ٹیکنالوجی یا مہارت میں پیچھے ہیں، بین الاقوامی کمپنیوں کے ساتھ مقابلہ نہیں کر پاتیں۔ درآمدات پر حد سے زیادہ انحصار ملکی پیداوار کو کمزور کر سکتا ہے اور معیشت کو عالمی قیمتوں کے اتار چڑھاؤ کے رحم و کرم پر چھوڑ دیتا ہے ۔ مثال کے طور پر، عالمی منڈی میں تیل یا دیگر اجناس کی قیمتوں میں اچانک اضافہ پاکستان میں زندگی کے
اخراجات اور پیداواری لاگت کو بڑھا دیتا ہے ۔ ثقافتی زوال بھی ایک اہم خطرہ ہے ۔ اگرچہ ثقافتی تبادلہ فائدہ مند ہو سکتا ہے ، مگر غیر ملکی میڈیا
اور طرزِ زندگی کا غلبہ بعض اوقات پاکستان کی روایتی اقدار، زبانوں اور رسوم و رواج کو کمزور کر دیتا ہے ۔ یہ خاص طور پر نوجوان نسل میں دیکھا
جا سکتا ہے ، جو بعض اوقات ایسے رویے اور عادات اپنا لیتی ہے جو ملکی سماجی اور مذہبی اصولوں سے ہم آہنگ نہیں ہوتیں۔ اگر اس پر قابو نہ پایا
گیا تو یہ قومی شناخت کو کمزور کر سکتا ہے اور نسلوں کے درمیان اقدار کا فرق پیدا کر سکتا ہے ۔
عدم مساوات بھی ایک اہم مسئلہ ہے۔ گلوبلائزیشن کے ثمرات عموماً پڑھے لکھے ، شہری اور ٹیکنالوجی سے وابستہ لوگوں کو زیادہ ملتے ہیں، جبکہ دیہی اور پسماندہ آبادی پیچھے رہ جاتی ہے ۔ یہ عدم توازن سماجی تقسیم کو بڑھا سکتا ہے اور بے چینی کو جنم دے سکتا ہے ۔ اس کے علاوہ، ”برین ڈرین” کا رجحان، جس میں ہنر مند اور تعلیم یافتہ افراد مستقل طور پر بہتر مواقع کی تلاش میں بیرونِ ملک چلے جاتے ہیں، پاکستان کی صلاحیتوں کو کمزور کرتا ہے اور ترقی کی رفتار کو سست کر دیتا ہے ۔عالمی معیشت میں شمولیت پاکستان کو ایسے خطرات سے بھی دوچار کر دیتی ہے جو اس کے کنٹرول سے باہر ہیں۔ عالمی مالیاتی بحران، تجارتی جنگیں یا بڑی طاقتوں کے درمیان جغرافیائی سیاسی تناؤ پاکستان کی معیشت پر براہِ راست اثر ڈال سکتے ہیں۔ مثال کے طور پر، عالمی طلب میں کمی پاکستانی برآمدات کو متاثر کر سکتی ہے ، جبکہ تیل پیدا کرنے والے خطوں میں عدم استحکام توانائی کی قیمتوں اور فراہمی کو متاثر کرتا ہے ۔ گلوبلائزیشن کو پاکستان کے حق میں استعمال کرنے کے لیے حکومت اور نجی شعبے کو متوازن اور حکمتِ عملی پر مبنی اقدامات کرنے ہوں گے ۔ مقامی صنعتوں کو سبسڈی، جدید ٹیکنالوجیز اور مہارت کے پروگرامز کے ذریعے مضبوط کیا جا سکتا ہے ۔ تعلیم، فنی تربیت اور تحقیق میں بڑے پیمانے پر سرمایہ کاری نوجوانوں کو عالمی مواقع کے لیے تیار کرے گی۔ اسی کے ساتھ، میڈیا، فنون اور تعلیمی پروگرامز کے ذریعے پاکستان کی ثقافتی وراثت کو فروغ دینا اور محفوظ رکھنا ضروری ہے تاکہ عالمی اثرات کے باوجود ایک مضبوط قومی شناخت برقرار رہے ۔ غیر ملکی سرمایہ کاری کو قابلِ ترجیح شعبوں جیسے قابلِ تجدید توانائی، انفراسٹرکچر اور ٹیکنالوجی میں راغب کرنا، اور روایتی مصنوعات سے ہٹ کر سافٹ ویئر سروسز، سیاحت اور گرین ٹیکنالوجیز جیسے شعبوں میں برآمدات کو متنوع بنانا معیشت کو زیادہ مضبوط اور لچکدار بنا سکتا ہے ۔ اسی طرح، شنگھائی تعاون تنظیم (SCO) یا اقتصادی تعاون تنظیم (ECO) جیسے علاقائی بلاکس کے ساتھ تجارتی تعلقات کو مضبوط کر کے چند عالمی منڈیوں پر انحصار کم کیا جا سکتا ہے ۔
آخر میں، گلوبلائزیشن پاکستان کے لیے دو دھاری تلوار کی حیثیت رکھتی ہے ۔ ایک طرف یہ تجارت، ٹیکنالوجی، تعلیم اور ثقافتی تبادلے میں وسیع مواقع فراہم کرتی ہے ؛ دوسری طرف یہ معاشی کمزوری، ثقافتی زوال اور سماجی عدم مساوات جیسے حقیقی خطرات بھی پیدا کرتی ہے ۔ پاکستان کا مستقبل اس بات پر منحصر ہے کہ وہ اپنے لوگوں کو کس طرح تیار کرتا ہے ، اپنی صنعتوں کو کس طرح محفوظ رکھتا ہے اور اپنی ثقافتی اقدار کو کس طرح برقرار رکھتا ہے ۔ اگر دانشمندی سے حکمتِ عملی اپنائی جائے تو گلوبلائزیشن پائیدار ترقی، معاشی طاقت اور عالمی شناخت کے لیے ایک مؤثر ذریعہ بن سکتی ہے ۔ بصورتِ دیگر، یہ موجودہ مسائل کو بڑھا کر نئے چیلنجز پیدا کر سکتی ہے ۔ پاکستان کا راستہ دنیا کے لیے کھلا رہنے اور اپنی شناخت، خودمختاری اور طویل مدتی قومی مفاد کو محفوظ رکھنے کے درمیان توازن قائم کرنے میں ہے ۔
٭٭٭
’’پاک سعودی دفاعی معاہدے میں مشرق وسطیٰ کی سلامتی کیلیے ایٹمی تحفظ شامل‘‘ عالمی میڈیا کی رپورٹ