ٹی ایل پی نے اپنی جیتی ہوئی سیٹ پیپلز پارٹی سے چھین لی
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
250927-08-14
کراچی(اسٹاف رپورٹر) کراچی میں ہونے والے ضمنی بلدیاتی انتخابات کے دوران ڈرامائی صورتحال اس وقت پیدا ہوئی جب تحریک لبیک پاکستان (ٹی ایل پی) کے امیدوار محمد علی جہانگیری کو ووٹوں کی دوبارہ گنتی کے بعد فاتح قرار دے دیا گیا ، جس میں پاکستان پیپلز پارٹی (پی پی پی) کی امیدوار شہنیلا عامر کو شکست کا سامنا کرنا پڑا۔ ریٹرننگ افسر کی نگرانی میں ہونے والی دوبارہ گنتی نے ابتدائی نتائج کو مکمل طور پر بدل ڈالا۔ بدھ کو جاری کیے گئے ابتدائی نتیجے میں شہنیلا عامر کو ٹائون میونسپل کارپوریشن اورنگی ٹاؤن یونین کمیٹی نمبر 1 چیئر مین کی نشست پر فاتح قرار دیا گیا تھا، جس میں انہوں نے 3 ہزار 801 ووٹ حاصل کیے تھے جبکہ محمد علی جہانگیری کے ووٹ 1 ہزار 787 قرار دیے گئے تھے۔دوبارہ گنتی کے دوران انکشاف ہوا کہ شہنیلا عامر کے ووٹ صرف 1 ہزار 600 تھے، جو ابتدائی اعلان سے نصف سے بھی کم نکلے ہیں۔ یوں سرکاری فارم 14 کے مطابق محمد علی جہانگیری نے 1 ہزار 787 ووٹ لے کر کامیابی حاصل کی ہے جبکہ پی پی پی امیدوار دوسرے نمبر پر رہیں۔دوبارہ گنتی کا عمل 12 پولنگ اسٹیشنز پر مکمل کیا گیا، جن میں سے 7 ٹی ایل پی اور 5 پی پی پی کی درخواست پر کھولے گئے تھے اور دوبارہ گنتی کرائی گئی، جس کے بعد نتیجہ تبدیل ہوگیا ہے۔ووٹوں کے اس ڈرامائی الٹ پھیر نے الیکشن کمیشن آف پاکستان کی انتخابی شفافیت پر مزید سوالات کو جنم دے دیا ہے۔دریں اثنا تحریک لبیک پاکستان کراچی ڈویژن کے رہنمائوں علامہ نذیر احمد رضوی اور محمد اسماعیل رضوی نے پریس کانفرنس سے خطاب کرتے ہوئے کہا کہ ضمنی بلدیاتی الیکشن یو سی 1 اورنگی ٹاؤن میں مفتی علی جہانگیری کی شاندار کامیابی پر اللہ کا شکر ادا کرتے ہیں اور اورنگی ٹاؤن کے غیور عوام کے تہہ دل سے شکر گزار ہیں، تحریک لبیک پاکستان اس امانت کی ہر صورت پاسداری کرے گی۔ محمد اسماعیل رضوی نے کہا کہ ووٹ ری کاؤنٹنگ کے دوران پیپلز پارٹی کی بڑے پیمانے پر انتخابی دھاندلی بے نقاب ہوئی اور 2201 جعلی ووٹ سامنے آئے،ہم قانون نافذ کرنے والے اداروں سے مطالبہ کرتے ہیں کہ وہ ایسے عناصر کے خلاف فوری کارروائی کریں جو رات کی تاریکی میں جمہوری عمل پر ڈاکا ڈالنے کی کوشش کرتے ہیں۔
ذریعہ
ذریعہ: Jasarat News
کلیدی لفظ: علی جہانگیری دوبارہ گنتی
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار