ایف بی آر نے انکم ٹیکس گوشوارے جمع کرانے کا مسئلہ آسان کر دیا
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد میں فیڈرل بورڈ آف ریونیو (ایف بی آر) نے انکم ٹیکس ریٹرن فارم میں موجود تخمینی مارکیٹ ویلیو (کالم 7ای) کی شرط ختم کر دی ہے۔
یہ فیصلہ وزیراعظم شہباز شریف کی ہدایت پر کیا گیا تاکہ ٹیکس دہندگان کے لیے گوشوارہ جمع کرانے کا عمل مزید آسان بنایا جا سکے۔ ایف بی آر کے مطابق اب 2025 کے انکم ٹیکس ریٹرن فارم میں یہ خانہ موجود نہیں ہوگا۔
ایف بی آر حکام کا کہنا ہے کہ یہ خانہ صرف ڈیٹا اکٹھا کرنے کے لیے شامل کیا گیا تھا اور اس کا ٹیکس دہندگان کی آمدن یا ٹیکس ادائیگی سے براہِ راست کوئی تعلق نہیں تھا۔ نئے خانے میں منقولہ اور غیر منقولہ اثاثوں کی تخمینی ویلیو طلب کی گئی تھی، تاہم اس کے باعث ٹیکس دہندگان میں غیر یقینی اور خدشات پیدا ہو گئے تھے۔
اس معاملے پر وفاقی وزیر قانون اعظم نذیر تارڑ کی سربراہی میں ایک اعلیٰ سطحی کمیٹی قائم کی گئی جس میں وزیرِ پٹرولیم، وزیرِ مملکت برائے خزانہ، اٹارنی جنرل، سیکریٹری خزانہ، چیئرمین ایف بی آر اور دیگر حکام شامل تھے۔ کمیٹی نے سفارش کی کہ ٹیکس دہندگان کی سہولت کے لیے یہ خانہ ختم کر دیا جائے، جسے وزیراعظم نے منظور کر لیا۔
ایف بی آر نے اعلان کیا ہے کہ انکم ٹیکس ریٹرن جمع کرانے کی آخری تاریخ 30 ستمبر 2025 مقرر کی گئی ہے، اور تمام اہل ٹیکس دہندگان کو ہدایت کی گئی ہے کہ وہ مقررہ مدت کے اندر اپنے ریٹرنز بروقت اور درست جمع کرائیں۔
.ذریعہ: Jasarat News
کلیدی لفظ: ٹیکس دہندگان انکم ٹیکس ایف بی آر کی گئی
پڑھیں:
انکم ٹیکس ریٹرن فارم 2025 میں کوئی نئی ترمیم نہیں کی گئی، ایف بی آر
فیڈرل بورڈ آف ریونیو (ایف بی آر) نے واضح کیا ہے کہ سوشل میڈیا پر انکم ٹیکس ریٹرن فارم 2025 کے حوالے سے پھیلائی جانے والی اطلاعات بے بنیاد ہیں۔
ترجمان ایف بی آر کے مطابق حالیہ دنوں میں کسی ایس آر او کے ذریعے انکم ٹیکس ریٹرن فارم میں کوئی تبدیلی یا ترمیم متعارف نہیں کرائی گئی۔
بیان میں کہا گیا ہے کہ انکم ٹیکس ریٹرن فارم 2025 سات جولائی کو ایف بی آر کی ویب سائٹ پر جاری کیا گیا تھا۔ فارم کے صفحہ 66 پر اثاثوں کی مارکیٹ ویلیو کا اندراج لازمی قرار دیا گیا ہے۔
مزید پڑھیں: اثاثوں کی مارکیٹ ویلیو ظاہر کرنا لازمی، ایف بی آر نے گوشواروں کا نیا فارم جاری کیا
تاہم جائیداد یا دیگر اثاثوں کی قیمت درج کرنا مکمل طور پر ٹیکس دہندگان کی صوابدید پر ہے، اور اس کا ٹیکس کے حساب یا کسی نوٹس سے کوئی تعلق نہیں۔
ایف بی آر کے مطابق بعض ٹیکس دہندگان اپنے اثاثوں کی مارکیٹ ویلیو کے خانے میں صفر درج کر رہے تھے، جسے روک دیا گیا ہے۔ اس وضاحت میں مزید کہا گیا ہے کہ صاحبِ حیثیت افراد پہلے ہی شق سیون ای کے تحت اپنے اثاثے ظاہر کر رہے ہیں، جبکہ ریٹرن فائل کرنے والے افراد سے کسی ترمیم یا دوبارہ فائلنگ کا تقاضا نہیں کیا جائے گا۔
مزید پڑھیں: کیا ایف بی آر سوشل میڈیا پر جھوٹی مہم کے خلاف مقدمہ دائر کرے گا؟
ترجمان نے بتایا کہ اثاثوں کی مارکیٹ ویلیو کو ٹیکس کے حساب یا ویلتھ اسٹیٹمنٹ کی ری کنسیلی ایشن کے لیے استعمال نہیں کیا جائے گا۔
انکم ٹیکس گوشوارے جمع کرانے کے لیے آئی رس (IRIS) سسٹم مکمل طور پر درست کام کر رہا ہے اور ٹیکس دہندگان سے کہا گیا ہے کہ وہ اپنے گوشوارے جلد از جلد جمع کرائیں۔ انکم ٹیکس ریٹرن فائل کرنے کی آخری تاریخ 30 ستمبر 2025 مقرر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
IRIS انکم ٹیکس ریٹرن انکم ٹیکس گوشوارے ایف بی آر فیڈرل بورڈ آف ریونیو
ڈیپ سیک کا سیاست سے دور رہ کر کام کرنے والا ورژن متعارف